¹ Saulu wapwile nyi myaka makumi atatu muze aputukile kuyula; muze hayula Yizalele myaka makumi awana, ² yasakula tununu atatu ama lunhga a mu Yizalele. Tununu aali apwile hamuwika nenyi ku Mikimashi nyi kuyifuchi ya ku milundu ya Mbetele, mba kanunu umuwika atwamine nyi Njonatasi mu Ngimbya wa Mbenjamine. Maswalalwe waze asalileho yatuma kuya ku zuwo, mutu mweswe ku mbalaka yenyi. ³ Njonatasi yakumba maswalale A-Filisitia waze apwile muchilombo cha Ngembya nyi A-Filisitia yevwa chino. Mba Saulu yembisa chitavwi ndusu mu chifuchi cheswe, nyi kwamba ngwo, " A-Hepeleu apanjike. " ⁴ A-Yizalele eswe yevwa ngwo Saulu hanakumbu maswalale a Ku Filisitia, nawa ngwo Yizalele hanapu api kuli A-filisitia. Mba maswalale yawalweza kulinunga hamuwika nyi Saulu ku Ngilingali. ⁵ A-Filisitia yalikungulula hamuwikahanga akase jita nyi Yizalele, nyi tununu atatu amatemba a jita, nyi malunga tununu asambano akwandesa matemba a jita, nyi maswalale apwile anji ngwe usekeseke waku ngenge lya kalunga lwiji. Ejile nyi kusa chilombo ku Mikimashi, ku chivumbuko cha Mbete- evene. ⁶ Muze te malunga a ku Yizalele yamona ngwo kali mu lamba - mumu atu alifwichile, atu yaswama mu yivwenge, nyi mu usaki wa hashi, mumamwe, pembo, nyi mumena. ⁷ A-Hepeleu amwe yaya kusali ya Yondau ku chifuchi cha Ngate nyi Ngilyate. Alyoze muze shimbu Saulu te kali ku Ngilingali, atu eswe yamukawula mumu evwile woma. ⁸ Yashimbwila matanga shimbyali, matangwa waze Samwele wasele. Alyoze Samwele kejileko ku Ngilingali , mba atu aputukile kuli mwanga kukatuka kuli Saulu. ⁹ Saulu yamba ngwo, " Ngunehenenu mulambu wakulumba nyi mulambu wa sambukila. " mba yalambula mulambu wa kulumba. ¹⁰ Muze hahwisa kulambula mulambu wa kulumba Samwele wejile. Saulu yaya yamumeneka. ^{11 12} Mba Saulu yamba ngwenyi, " Chika walinga? "Saulu yakumbulula," Muze namonga ngwami atu kanalimwanga kukatuka kuli yami, nawa kuwejile mu matangwa waze wasele, nawa te A-Filisitia te hanalikungulula ku Mikimashi, ¹² nambanga ngwami, ' Mba A-Filisitia kuma hulumuka hali yami mu Ngilingali, mba kanda ngulemba vumbi lya Yehova. ' Chocho yingulikapwola kulambula mulambu wa kulumba. " ¹³ Alyoze Samwele yamba kuli Saulu, " Hiwalinga uhepuke. Kuwa lamineko shimbi ja Yehova Zambi ye jize akuhanyine. Mumu Yehova wambanga kukolesa kuyula che hali A-Yizalele myaka ya mutolo. ¹⁴ Alyoze kuyula che kuchishi kulinduluka. Mumu Yehova hafupu lunga mumbunge yenyi, nawa Yehova namusela kupwa wa kuyula atu jenyi, mumu kuwa limgile chize Yehova hakwambila. " ¹⁵ Alyoze Samwele yahinduka yakatuka ku Ngilingali yaya ku Ngimbya ya Mbenjamine. Chocho Saulu yalula atu waze apwile hamuwika nyi iye, apwile ngwe malunga kulakaji asambano. ¹⁶ Saulu, mwanenyi Njonatasi, nyi atu waze apwileho, ya twama mu Ngimbya ya Mbenjamine. Alyoze A-Filisitia yasa chilombo cho mu Mikimashi. ¹⁷ Waze akwa kupupa yakatuka mu chilombo cha A-Filisitia mu yizavu yitatu. Lizavu limuwika yomulitalikisa kuli Ofala, ku chifuchi cha Shuele. ¹⁸ Lizavu likwo yomulitalikisa Mbete Holone, nyi likwo nawa yomulitalikisa ku njiza yize yatala ku chana cha Zemboyime yize yinatalikisa ku puya. ¹⁹ Kukwapwile nyiumwe fuli mucchifuchi cheswe cha Yizalele, Mumu A-Filisitia ambile ngwo, " Kuchina A-Hepeleu malifulila tutana nyi makunga. " ²⁰ Alyoze malunga eswe A-Yizalele yamba ngwo mahulumuka kuya kuli A- Filisitia, mutu mweswe hanga akasambule yikungo yenyi, hanji temo, hanji njimbu, hanji Shalua. ²¹ Ndando yize mafweta yapwile ngwe nake ya mangilamu, a palata yaku sambulanacho, nyi matemo nyi kufweta ngwe awana mangilamu a palata akwambwisa njimbu nyi kwolola yikungo. ²² Chocho ha tangwa lya jita, kwakapwile nyi katana chipwe kunga mukwoko lya maswalale waze apwile hamuwika nyi Saulu nyi Njonatasi; Ndo Saulu nyi mwanenyi Njonatasi wika apwile nayo. ²³ Maswalale a Filisitia yaya kumulundu nyi ku kingilila ku Mikimashi.