¹ Mba Nahashi ka A-Mone yaya nyi maswalale nyi kujingilika limbo lya Njambeshi muchihela cha Ngilyate. Eswe malunga a Njambeshi yamba kuli Nahashi, " Sakoho usendo hali yetu , mba ukatuyule. " ² Nahashi ka -Amone yakumbulula, " Mungukalinga chino nyi ngwo mulinga chino, ngutayize ngukatombongone meso achindume kuli mutu weswe, mba muchi kaneha chizelwokesa kuli atu eswe a Yizalele. " ³ Mba makulwana aku Njambeshi yakumbulula ngwo, " Utuhichike etwene ha matangwa shimbyali, hanga tukatume mikeji kuyi fuchi yeswe ya Yizalele. mba, nyiumwe wakuhi wakutuyula, mba mukatuyula. ⁴ Mikeji ejile ku Ngilyate, kuze Saulu atwamine, yalweza atu yize hiyalingika. Atu eswe yalila chikolo. ⁵ Mba Saulu wapwile nyi kulima kuzachisa ngombe muwande. Saulu yamba ngwo, " Mba yika yize hiyapiha kuchi te kanalili? " Yalweza Saulu yize malunga aku Njambeshi ahanjikanga. ⁶ Muze Saulu hevwa yize ambanga, Shipilitu ya Zambi wejile nyi kupwa hali iye, yevwa kupiha chikolo. ⁷ Yanda kulyi ya ngombe, yatetateta muyipinji, mba yatuma mikeji mu njiza yeswe ya mu Yizalele. Yamba ngwo , " Yoze malituna kwiza nyi Saulu nyi Samwele, chino che chuma malinga ku ngombe jenyi. " Mba atu eswe yevwa woma wa Zambi, mba yeza hamuwika ngwe mutu umuwika. ⁸ Muze hawalula mu Mbezeke , atu a Yizalele apwile kulakaji atatu a tununu, Nyi malunga a Yunda apwile makumi atatu atununu. ⁹ Yamba kuli waze mikeji ejile, ' Nuwalweke malunga aku Mbambeshi Ngilyate, ' Hamene, muze tangwa lya sasaminya, makanulamwina. "' Chocho mikeji yaya nawa yalweza malunga aku Njambeshi, mba ayo yawahilila. ¹⁰ Mba malunga aku Njambeshi yamba kuli Nahashi, " Hamene mukatuyula, nawa ukalinge cheswacho chinapu chipema kuli yena." ¹¹ Tangwa lyakawileho Saulu yasa atu muyizavu yitatu. Yeza hakachi ya chilombo muze kwapwile chimenemene, Yasa jita nawa yakumba A-Mone ndo kuheta muze tangwa hilyasasaminya. Waze apwile nyi mwono yalimwanga, chocho akuhi malunga aali waze apwile hamuwika. ¹² Mba atu yamba kuli Samwele, " Iya wambanga , ' Saulu matuyula nyi? ' Nehenu wano malunga, hanaga tuwashihe. " ¹³ Alyoze Saulu yamba ngwo, " Musono wakuhi yoze mashiha, mumu musono Yehova halamwina Yizalele." ¹⁴ Mba Samwele yamba kuli atu, Tweyenu, tuyenu ku Ngilingali kuze tukakoleseleko wanangana kuze. " ¹⁵ Chocho atu eswe ayile ku Ngilingali nyi kupwisa Saulu mwanangana kumeso ja Yehova. Yatapa yitapo ya mulambu wa sambukila kumeso ya Yehova, Saulu nyi malunga eswe a Yizalele wahilila chikolo.