¹ Mba Samwele yanda kasaji ka maji, waazujilile hamutwe wa Saulu, yazujila ha mutwe wa Saulu, yamumbeja nawa. Yamba ngwengyi, " Yehova hanakuwahisa hanga ukapwe wakuyula hali ikumba yenyi nyi ? ² Musono nyi munguhichika, mukalitakana nyi malunga aali ku kamwihi nyi fuka lya Lakele, muchihela cha Mbenjamine mu Zeleza. Mamba kuli yena, ' Yimbulu yize nwapwanga kufupa hayiwana. Mba tatenu halitwamina kunyonga hali yimbulu mba kananyongo hali yena, nyi kwamba ngwo, " Mba te kuchimungulinga hali mwanami? " ³ Mba mukatwaliliza kukatuka heza, mba mukeza kumutondo wa cavole wa Tambole. Malunga atatu waze anayi kuli Zambi ku mbetele kumakakuwana kuze, umwe te kamambata pembe atatu, mukwo kanambate mbolo jitatu, mukwo kanambata mutumwa wa vinyu. ⁴ Makumeneka nyi kukwaha mbolo jaali, jize mukatambula kukatuka ku muko jo. ^{5 6} Ha lutwe lya yino yuma, mba ukeze kumulundu wa Zambi, kuze kuli chilombo cha maswalale a Filisitia. Muze muheta mulimbo, mukalitakana nyi lizavu wa lya tupulofeta waze anakatuka ku nangamo kali nyi kasaji ka kusa, nyi kamukupyela, nyi lundembo, nyi kalyalya; kanapulofeteza. ⁶ Shipilitu ya Yehova kumuyiza hali yena kawashi, mba nyi yena mukapulofeteza hamwe no, mba kumakwalula kupwa mutu weka. ⁷ Mba, muze yilayi yino hiyeza kuli yena, ukalinge cheswacho mukanyonga kulinga chize chipema, mumu Zambi kali nyi yena. ⁸ Mba ukatetele halutwe lya yami ku Ngingo. Mba Mungukahulumuka hashi kuli yena nyi kulambulala mulambu wa kulumba nyi kutapa yitambo wa mulambu wa sambukila. Ushimbwile matangwa shimbyali ndo hineza kuli yena nyi kukulweze yize mulinga. " ⁹ Mba muze Saulu homba nyima yenyi Samwele mba a, kamuhichike, Yehova yalumuna mbunge ya Saulu. Tangwa lizelyene yilayi yeswe yasolokele. ¹⁰ Muze heza kumulundu, lizavu lya tupulofeta yamutakana, nyi Shipilitu ya Yehova yejile hali iye kawashi wapulofetezele hamwe no. ¹¹ Mba muze waze amunyingikine yamona kana pulofeteza hamwe nyi tupulofeta, atu yamba kuli umwe nyi mukwo, " Yika yize yalingika kuli mwana wa Kishi ? Saulu hapwa umwe wa kuli tupulofeta nyi? " ¹² Umwe lunga yoze watwamine kuze yakumbulula ngwenyi, " Mba tato iya? " Mumu wachino, yamba ngwo, " Saulu umwe wa kuli tupulofeta nyi ? " ¹³ Muze hahwisa kupulofeteza, yeza ku nangamo. ¹⁴ Mba natu ya Saulu yamba kuli iye nyi ngamba jenyi , " Kuli kuze wayanga ? Yakumbulula, " Mukufupa yimbulu. Muze kutwayi wanyi neko, yomutuya kuli Samwele. " ¹⁵ Natu ya Saulu yamba ngwenyi, " Ngunalembelela ngulweke kama yize Samwele wakulwezanga. " ¹⁶ Saulu yakumbulula natwenyi ngwenyi, " katulwezanga ngwo yimbulu hanayiwane." Alyoze kamulwezeleko yuma yize yaku wanangana, yize Samwele wahanjikile. ¹⁷ Mba Samwele yasanyika atu eswe kumeso ya Yehova ku Mizepa. ¹⁸ Yamba kuli atu A-Izalele, " Chino che anambe Yehova, Zambi ya Izalele kanambe ngwo: ' Ngunakachiza Yizalele mu Engitu, nyi kunulamwina ku kwoko lya akwa Engitu, nyi ku kwoko lya ma wanangana waze anusele mulamba. ' ¹⁹ Alyoze musono hinwalituna Zambi yenu, yoze wakunulamwina ku lamba lyenu lyeswe nyi ku luyinda mweswe; mba hinwamba kuli iye, ' Twehe mwanangana. ' Mba nukasoloke kumeso ja Yehova mu minyachi nyi mu tununu twenu. " ²⁰ Chocho Samwele yaneha minyachi yeswe ya Yizalele hakamwihi, Nyi munyachi wa Mbenjamine yausakula. ²¹ Mba yaneha munyachi wa Mbenjamine mukamwihi mu majimo; nyi jimo ya A-matili yalisakula; nyi Saulu mwana wa Kishi yamusakula. Mba muze ayile nyi kumufupa, kamuwanyine ko. ²² Mba atu azangile kuhula Zambi yihula yinji, Kuliko lunga mukwo yoze asakula nyi ? " Yehova yakumbulula, " Hana swame ku yikungo ya ma swalale. " ²³ Mba yazomboka nyi kumuwana kwekuze. Muze hamana ha mbunga ya atu, wapwile musuku chize ku yipaya yenyi ndo helu kwapile lunga musuku nawa ndo iye wika. ²⁴ Mba Samwele yamba kuli e atu, " Lunga yoze Yehova hasakula hinwamumona nyi? Wakuhi uli ngwe iye hali atu eswe! " Atu eswe ya kololoka ngwo, "Mwanangana ukatwame mantangwa anji ! " ²⁵ Mba Samwele yalweza atu ndako nyi shimbi ya wanangana, yasoneka mu mukanda, nyi kusa kumeso ja Yehova. Samwele yecha atu kuya , mutu mweswe kuya kuzuwo lyenyi. ²⁶ Saulu yaya kuzuwo lyenyi ku Ngimbya, hamwe nyi malunga a tachi, waze Zambi hana wevwisa kuwaha kulinga chechize. ²⁷ Alyoze amwe malunga amokomoko yamba ngwenyi, " Mba te kuchi yono lunga aka tuyule? " Wano atu kamuzangile Saulu nawa ka muneheneko nyi yawana ye yimwe. Alyoze Saulu kahanjikileho hali ayo ka.