¹ Chizechene , enumapwo zeyelenu kuli malunga jenu. Nuchilinge nyi kachi amwe malunga keshi kwononoka ku lye liji , hanga aka zuke nyi lye liji kuhi, kupalikila muku livumbika cha kwo mapwo. ² Hakupwa nyi kutalatala kukulinanga chenu kulivumbika chipema. ³ Kulinanga chenu kanda chipwa chahaze chakuinda cha kambu , maseka a ngolinde , chipwe yaku zala mahina apema. ⁴ Alyoze , chikalingiwe mu mutu wakuswama mu mbunge , nyi ku zala chingunu cha u Shipilitu ya kushimbika nyi kuhola , yapwa ya ndando inene chikolo kumeso ja Zambi . ⁵ Mumu chize chene mapwo asandu ha myaka yakunyima waze afulyelelele muli Zambi ali henyesene ene , mukuli hana kuli akwo malunga. ⁶ Chizechene ngwe Sala wononokene Apalahama nyi kumutongola mwene wenyi. Halyapwila nuli anenyi nyi munulinga ipema nawa nyingwe kunushi nyiwoma wa ukalu. ⁷ Chizechene nawa , yenu malunga twamenu nyi akwenu mapwo nyi kulita nyi chinyingi , ngwe kali chi kwachilo chilelu , pwo . Nwatela kwavumbika ngwe nuli maswana nyi akwo ja vumbi lya mwono . Chilingenu ha ilemba yenu kuichi kalinjiwa. ⁸ Haku sula , enu eswe , pwenu nyi kunyonga chimuwika , akwa kuli vwila vumbi , akwa kulizanga ngwe mandumbu, akwa mbunge ja vumbi, nyi kuli kehesa. ⁹ Kanda nufwetesa upi nyi upi chipwe kutukana nyi kutukana. Shinaho nyi uwape, twalilila ku kisula , mumu hachino anu tambikile , hanga nukahinge uwape. ¹⁰ ''Yoze mazanga mwono mazanga ku mona matangwa apema akafunge limi lyenyi ku ipi nyi mivumbo yenyi ku ichikahanjika kalimbalimba. ¹¹ Akachine ipi akalinge ipema . Akafupe sambukila nyi kuikaula. ¹² Meso ja Mwene kakutala akwa ululi , nyi matwi jenyi kakwivwa kulemba cho. Alyoze meso ja Mwene kakulimika nyi waze akulinga ipi.'' ¹³ Iya yoze manulinga chipi nyi munulisela kukulinga ipema ? ¹⁴ Alyoze nyingwe munukevwa lamba mumu ha ululi , kunwa waha. Kanda nukevwa woma ku woma wo . Kanda nupinda. ¹⁵ Alyoze , selenu Mwene Kiulishitu muma mbunge jenu ngwe asandu . Nukalulike matangwa eswe mukuhana kumbululo kuli yoze manuhula hakufulyela chize nulinacho. ¹⁶ Chipwe chocho , Nyi kuli kehesa nyi vumbi . Pwenu nyi mana apema hanga waze aku nutuka ha kutwama chenu chipema muli Kilishitu akevwe sonyi mumu kaku hanjika hali yenu ngwe nuli akwa kulinga ipi. ¹⁷ Chili chipema , nyingwe muchipwa upale wa Zambi , nukevwe lamba ha kulinga ipema hiha kulinga ipiko. ¹⁸ Kilishitu neye wa mwene lamba kamuwika ha shili . Aye wa ululi watumwenenene lamba , twapwile ihenge , hanga atu nehe kuli Zambi. Amushihile kumusunya , alyoze amupwishile kupwa wa mwono ku Shi[pilitu. ¹⁹ Ku Shipilitu , waile nyi kwambujola kuma shipilitu waze ali mukamenga. ²⁰ Kakapwile akwa kwononoka muze uhomboloji wa Zambi wa shimbwile hamatangwa a Nowa, mumatangwawaze apwile nyi kutunga ulungu, nawa Zambi walamwinyine atu akehe - atu nake ku sango lya meya. ²¹ Achi chili chizulye cha upapachiso china nulamwina - kuchapwile ngwe kusana chakunujimba chakuchiza majilo , alyoze kuzanga cha mbunge ipema kuli Zambi kupalikila ku hindukilo wa Yesu Kilishitu. ²² Kilishitu kali ku kwoko lya chindume lya Zambi . Wayile mwilu . Angelo, nyi akwa kuyula , nawa nyi tachi jatela kuzeyela kuli iye.