¹ Ehian bé mi amé kéwo nou wounsé lé la miatchɔ amé kéwo wou n'sén moulé o la ho gbɔdjɔgbɔdjɔwo yi miagbédjé mia dékoé woun o ² Mia domé amé sia ménédjé éhaovi nou na éhavi ho gnɔgnɔ kudé tutudédji. ³ Kristo mouwɔ énou bé yiadjé yi déké woun o.Sigbé léké Psalmokpala gblɔ nènè, "Eva bé yiakpé éfou yi yiahɔ zouzou tcho amékéwo tchité dé Apétɔ la woun la gbɔ." ⁴ Elé bé énoudékpékpé kéwo nlɔ do nlɔnlɔ kɔkɔé la mé hohoho ké la néfiɔ djigbɔdi mi yi wɔado djipo né mi bé mianɔ émɔ kpɔkpɔ né héyiyi ké Mawu adou énou vɔn kudé ékou dji. ⁵ Mawu, améké na djigbɔdi kudo éténɔnɔ kuku édjibɔbɔ amé,nékpé dé mi nou béné mianɔ agni kudo mia nɔènɔèwo lé nɔvilɔlɔn gandé mé yi amé sia mé nétchɔ Kristo ho nɔnɔmé anɔ agbé dé nɔvia woun. ⁶ Yinti mia kpata mité woun atchɔ égbé déka yi akafu Apétɔ la, atchɔ n'tikɔkɔé né Mawu miaho Apétɔ Yésu Kristo Fofo. ⁷ Iya ta mihɔ mia nɔnɔèwo gnɔun dé éhamé la mé sigbé aléké Kristo n'tɔ tcha hɔ mi nènè kola mitchɔ n'tikɔkɔé né Mawu. ⁸ Mido n'ku idji bé Yésu Kristo va bé yéafiɔ bé Mawu wɔa ého wougbé dodowo dji yi bé yiakpé dé Yudatɔwo woun. ⁹ Mingbédo n'kou idji tcha bé éva bé étrɔnsubɔlawo tcha nékpɔ hɔhɔ yi wɔatchɔ n'tikɔkɔé né Mawu lé aléké wovéa wo woun la ta.Enou kia Psalmokpala la fiɔ léké wonlɔ béna,"Makafu wo lé étrɔnsubɔla domé yi madji éha né wo n'kɔ". ¹⁰ Lé tého bou dé la égbégblɔ bé,"O, étrɔnsubɔlawo, mikpɔ djidjɔ kudo Mawu ho améwo,Yudatɔwo." ¹¹ Egbégblɔ lé tého bou tcha bé, "O, étrɔnsubɔlawo, mikafu Apétɔ la, mina amé sia mé nékafui." ¹² Egnagblɔdila Yésaya gblɔ bé,"Domégnila édé atcho Isai ho ahomé yi wɔadu fiɔ dé étrɔnsubɔlawo dji." ¹³ Iya ta moulé égbé dom da dé mi étrɔnsubɔlawo ta bé Mawu, amé ké na émɔkpɔkpɔ mi la, néna djidjɔ kudo n'tifafa néyɔ mia mé lé éké mihɔ idji sé tayi.Moulé égbé dom da béna Mawu nékpé dé mia wounti béné émɔkpɔkpɔ lé Mawu mé négba go lé mia mé to gbɔgbɔ kɔkɔé ho n'sén ké lé mia mé la mé. ¹⁴ Nɔvignéwo, mougna bé migni amé gnanouwo kudo amé gnɔun yi bé miaté woun fiɔ énou amé buwo tcho wo kpata woun. ¹⁵ Moutchɔ édjidépo nlɔ égna édéwo né mi sigbé n'kudodo nou dji né mi nènè to aménuvévé ké Mawu nam la mé. ¹⁶ Bé magni Yésu Kristo ho édɔtchɔla né étrɔnsubɔlawo, yi bé matcho Mawu ho égnagnɔun la va né miawo étrɔnsubɔlawo bé miatrɔzu vɔsa ké djé Mawu woun ké nou gbɔgbɔ kɔkɔé la kɔ. ¹⁷ Iya inti moukpɔ émɔ maho adégbé vidé lé énou kéwo kpata Kristo Yésu wɔ tcho to édjigné la woun. ¹⁸ Moulé bé mabu akonta lé aléké wowɔ amé buwo la woun o, vɔ mougni ékia bé: Eto édjigné yi édɔ étrɔnsubolawo va Mawu gbɔé. ¹⁹ Moudé wo kudo égbéfan dédé gné kuku agbé gnoun ké mounɔ lé wɔaho n'kumé tchokpé dé nukunou kéwo wowɔ to djigné sigbé djésiwo tcho Mawu gbɔ nènè la woun.Ekiawo kpata tcho gbɔgbɔ kɔkɔé la ho nsén mé.Moudé égbéfan Kristo ho égnagnɔun blibo la to émɔ kia dji tcho kaka Jérusalèm yi Iliriko ké. ²⁰ Vɔ égni djidjigné vévédé bé gnémougbéyi n'kɔ wou nènè tchan o yi madé égbéfan égnagnɔun la lé tého kéwo womousé Kristo ho gnikɔ lé kpɔ o.Ekia djrom wu bé madé égbéfan lé tého ké amébu dé do éhamé dé agni hohoho. ²¹ Mounɔ zɔzɔ dé dodo ké woun ého nou lé lé nlɔnlɔ kɔkɔéa mé la nou.Gèkéayi Yésaya gblɔ lé bé, "Amé kéwo mousé Kristo gnikɔ kpɔ hadé o la, wɔakpɔ nou yi wɔasé igɔmé." ²² Enoukia tututu tayi gnéwounté va kpɔ mi kaba o. ²³ Yiné Mawu gni dɔ la nou lé tého kia fifia yi moulé égbésɔsɔ bé mava lé épé kéwo moutɔtékpɔ la ho n'gbodomé. ²⁴ Moulé étamé dom bé mayi Spania. Yi né mouyina la, matɔté dé roma yi né mounɔ agni kuku mia lé djidjɔ mé gapopo vidé la, miagbété woun ado émɔ. ²⁵ Kéngbɔ mava la, élé bé mayi Jérusalèm gban yi matchɔ énunana édé yi né Yudatɔ kéwo gni Kristɔwo lé tého kum. ²⁶ Elabéna Kristotɔ kéwo lé Makédonia kudo Akaya la dji n'déwɔ bé yiwɔado nɔvi kéwo lé Jérusalèm, amé kéwo lé gakoumɔa intɔ mé tom sésén. ²⁷ Edjɔ dji né wo n'tɔ bé wɔawɔ ékia élabéna wodji si bé yiwɔagni akpédapé gan dé lé Kristotɔ kéwo lé Jérusalèm la si. Nouka inti? Elabéna égna tcho Kristo nou va né étrɔnsubɔla kiawo tcho éhamé ké lé Jérusalèm la gbɔ.Tcho ékémé wohɔ égnagnɔun la, ho gbɔgbɔménunana kia tcho gamou la, wodjé si bé énou vitoukui ké yiwo tcha yiwɔaté woun awɔ layi gni yiwɔakpé dé wo nou kudo agni gbadji nou édéwo ²⁸ Né moutchɔ éga kia né wo yi mouwu édɔ gnɔun ké wowɔ né wo nɔviwo woun né wo la, mava kpɔ mi da né moulé Spania yiyim. ²⁹ Mouka dé idji bé né mowa la, Apétɔ la ana yayra gédém matcho va némi. ³⁰ Mido égbéda kukumɔa? Lé Apétɔ Yésu Kristo ta kudo miaho lɔlɔn nim ké gbɔgbɔ kɔkɔé la tchɔ né mi ta la, mido égbé da vévédé dé étagné. ³¹ Mido égbé da bé Mawu nékpɔ étagné lé Jérusalèm tcho amékéwo mougni Kristotɔwo la ho simé.Mido égbé da tchan bé Kristotɔ kéwo lé gamɔa la nélɔn ahɔ éga ké moutchɔ yi né wo. ³² Yi né Mawu lɔn la ,matéwoun va mia gbɔ kudo djidjɔ yi miadé agbé yéyé mi nɔèwo mé ³³ Yi fifia la, mia Mawu, amé ké na wountifafa la nénɔ agni kudo mia kpata Amen.