¹ Moulé Phoébé,mia nɔvignɔnou, améké gni subɔla lé Kenkréa hamé mé lé kafum né mi. ² Moulé biabiam tcho mia si bé miahɔè sigbé léké édjé lé Apétɔ la mé nènè,yi lé émɔ sia émɔ ké djé amé kɔkɔéwo la nou miakpé dé énou lé nou sia nou si ahién la mé.Elabéna ékpé dé amégédéwo nou lé wopé hianhianwo mé.Ekpé dé égné n'tɔ tcha nou. ³ Mido égbé né Priskila kudé Akwila nim.Wogni égného éhadɔwɔlawo lé Kristo Yésu ho édɔ la mé. ⁴ Wotchɔ wɔaho agbé dé haha mé dé étagné. Mougni égné déka yi lé akpé dam né wo o.Amékéwo kpata lé étrɔnsubɔla kéwo zou Kristotɔwo ho éhaméawo mé la tchan lé akpé dém né wo. ⁵ Mido gbé né amé kéwo kpata bɔna yi hosoubɔna Mawu lé wɔaho ahowomé la nam. Mido gbé né hɔnlɔngné vévéawo, Epénétɔ tcha nim.Iyai gni amé tchoutchou gbantɔa ké trɔzu Kristotɔ lé Asia. ⁶ Mido égbé ni Maria tchan, améké wɔ édɔ sénsén tchokpé dé mia nou la, nam. ⁷ Andronika kudé Yunia tcha lé; wɔawoé yi gni égné ho épométɔ kéwo nɔ gakpamé kudém.Apostoloawo boua wo yi wozu Kristotɔ kén'gbɔ mouva trɔ zou.Mido gbé néwo nim ⁸ Mido gbé na Ampliato, améké moulɔn na sigbé Mawu n'tɔ éviwo dométɔ déka nènè. ⁹ Kudé Urbano, miaho éhadɔ wɔla kudé Stakis ném. ¹⁰ Apéles, amé gnoun ké nou mawu kpɔ éwoundjédjé lé la tchan lé.Mido égbé nè nim. mitchɔ égné ho égbédo namé gnountɔ né amé kéwo lé dɔ wɔm lé Aristobulo ho ahomé. ¹¹ Moudo égbé né gné pométɔ Herodion kudé éklouvi kéwo gni Kristotɔwo lé Narkiso ho ahomé; ¹² kudé Triféna kudé Trifosa, amékéwo gni Apetɔ la ho édɔwɔlawo kudé Persis lɔnlɔa, amé ké wɔ dɔ sénsén n'tɔ né Apétɔ la. ¹³ Moudo égbé né Rufo, amé ké Apétɔ la tcha bé nagni yé n'tɔ tɔ kudé dada lɔnlɔa, amé ké kpɔ édjigné sigbé énɔgné nènè. ¹⁴ Moudo égbé né Asinkrito,Flégo,Hermès,Patrobas,Hermas kudé nɔvi bouwo kéwo kpata lé yigbɔ. ¹⁵ Migblɔ né Filologo,Yunia,Néréo kudé nɔvia gnɔnou kudé Olimpa koudé Kristotɔ boubou kéwo kpata lé wo gbɔ la bé moudo égbé néwo. ¹⁶ Mitchɔ énougbougbɔ kɔkɔé do égbé ni mia nɔéwo nim. Ehamé kéwo kpata lé tého kia la do égbé né mi kpata. ¹⁷ Egna déka gbélé asigné magblɔ kéngbɔ mahoun homa kia nou.Mingbé dé éha kudé amékéwo dona mama améwo doméwo né améwo ho hɔsé bouna yi wofia énou kéwo tchi té dé nou kéwo wofia mi tcho Kristo n'ti la o. ¹⁸ Enoufiala kéwo moulé édɔ wɔm né miaho Apétɔ Yésu Kristo o, vɔ la wɔawo n'tɔ ho évidé ko djim wolé.Wohɔa nou gnoun yi wobléna sousou hɔzo tɔwo idjidji. ¹⁹ Yi amé sia mé gna bé miawo ya la migni énoutéhowɔlawo.Enou kéa dona djidjɔ gan nim.Moudji bé miagna énou tcho énou ké gnɔ la n'ti gadékpékpé mé yi miavo tcho énou vɔn dékpékpé mé. ²⁰ Ekpɔtɔ vidé n'tifafa ho Mawu la nagba Satana dé miaho afɔ n'ti kpata kpata.Miaho Apétɔ Yésu ho yayra néva mia dji. ²¹ Timotéo,gni éhadɔwla, kudé Lukio, Yasom kudé Sosipatro,gni épométɔwo do égbé né mi ²² . Egné Tertio, amé ké lé agbalèn kia nlɔm né Paolo la, egna tcha moudo égbé né mi sigbé miaho nɔvi Kristotɔ déka nènè. ²³ Gayo bé mado égbé né mi.Iya ho amédjroé mougni yi éhaméa bɔ éta lé gèkè lé yiho ahomé.Erasto,amé ké gni édougadjikpɔla kudé Kuarto, nɔvi Kristotɔ édé,do,égbé né mi. ²⁴ Miaho Apétɔ Yésu Kristo ho aménouvénou nénɔ agni kudé mi kpata ²⁵ Fifia amé ké té woun do mia gɔmé agni to égna gnoun koudé égbéfandédé Yesu Kristo mé ékiayi gni dodo ké wotcho wla do mi tcho hihiamé ho gɔmédjédjéa mé ké. ²⁶ Yi fia fia la sigbé léké égnagblɔdilawo gblɔè do n'kɔ yi sigbé léké Mawu mavɔtɔa la do ésé nènè la, wolé égbéfan dém né édoukɔwo kpata bé wɔahɔè sé yi wɔado étoé. ²⁷ Mawu amé ké déka koé gni énougnatɔ to Yésu Kristo dji la, tɔ négni n'tikɔkɔé la yi dé mavɔmavɔ mé.Amen.