¹ Mihɔ nɔvi dékpékpé ké adi bé yéagé dé éhaméa mé la gnoun, né yiho hɔsé mousé nou o tcha. Mingbén tchɔ égna dé yinou lé yiho sousou kéwo to vovo tcho miaho étɔwo gbɔ la nou lé énou ké gnɔ alo énou ké mougnɔ o la inti o. ² Lé kpɔdéwoun méa, mingbé dɔ égna kudéo bé égnɔ bé woadou élan ké wotchɔ sa vɔ né élégbawo lo alo mougnɔ o. Mihɔè sé bé énou vɔn dékpékpé moulé énoukia mé o, yi amé bubuwo ho hɔsé gbɔdjɔ wou mia tɔ.wɔawo bu bé mougnɔ o yi woagbé élandudu n'tɔtchan yi adou amagbéwo ko dé élan koumɔawo tɔgbé doudou tého. ³ Moulé bé amékéwo sousounè bé égnɔn bé wɔadu élan koumɔawo tɔgbé la nado vlo amékéwo moudoui o la, mingbédé vodada né amékéwo adoui o. Elabéna Mawu hɔwo bé wɔagni yého viwo. ⁴ Mawu ho subɔlawo wogni, mougni miawo ho subɔlawo wogni o. Mawué wolé agbé na, mougni miawoé wolé agbé na o. mina Mawu néna wɔagna né wo n'tɔ djo lo alo wo ntɔ médjo o. Mawu atéwoun na wɔawɔ nou ké wolé bé wɔawɔ. ⁵ Amédéwo la bounasébé élé bé wɔawɔ Kristotɔwo ho n'kékégnoun wo kudé n'kéké tɔhèwo woundɔ atchɔ asubɔ Mawu, ké amé édéwo gblɔ bé, mougnɔ o yi wogni énoumagnatɔwo bé wɔadé éfu né amédokoé nènèma, élabéna n'kéké dékpékpé gni Mawu tɔ. Elé bé amé sia mé natcho égna kéawo tɔgbé mé né yidokoé. ⁶ Né n'kéké tɔhèwo lé mia si héna Apétɔ la soubɔsubɔ la,milé agbagba wɔm bé yéwɔadé boubou énou yi wogni énou gnoun édé milé wɔwɔm. Enoukoum ta ké égné amé dou élan ké wotchɔ sa vɔè né élégbawo; éda akpé né Apétɔ la dé ita. Yi tcha wɔè gnoun. Améké madji bé yeadou élan koumoua tɔgbé o la tchan dji bé yéadjé Apétɔ la woun yi wolé akpé nè. ⁷ Mougni apétɔwo migni né mia dokoéwo bé mianɔ agbé alo akou sigbé léké miawo n'tɔwo mitchana la nènè o. ⁸ Ne milé agbé o, miku o, midjéa APétɔ la yomé yi migni etɔwo lé go amévéwo dométɔ dékpékpé m. ⁹ Enou kia toutoutou tayi Kristo ku yi wobétchi tchité bé yiaté woun agni miaho Apétɔɔ né milé agbé o, mikou o. ¹⁰ Omoukpɔ émɔ bé naɖé vodadawo né nɔviwo alo nado n'kpéwo. Do n'kou idji béna mia dométɔ dékpékpé tchité dé Mawu ho vɔnudrun zikpé la hon'kɔ. ¹¹ Elabéna wonlɔè dadé bé Apétɔ la gblɔ bé, ''Eké moulé agbé la, amé sia mé adjé éklo nim yi adé désiadé ahou égna mé nè Mawu.'' ¹² Gnatého amésiamé ana yiho akɔnta tcho édokoé n'ti né Mawu. ¹³ Yi ta la mougbé drɔn vɔnou nɔviwo fifi o. Lé ékia tého la, djé agbagba yi nanɔ agbé alébé magni énoudiadia né nɔviwo né woakpɔ wo nanɔ anou ké iya bu bé mougnɔ o la wɔm o. ¹⁴ Le égné n'tɔ gomé la, mouka dé Apétɔ Yésu ho wounsé dji bé n'dékpékpé mougblén lé élan ké wotchɔ sa vɔ né élégbawo la doudou woun o. Yi mé amé dé ya hɔè sé bé mougnɔ o la, ékéma moulé bé wɔadoui o élabéna mougnɔ lé iya gbɔ o. ¹⁵ Yi né énouké nadou agni énouvɔn né nɔviwo la, moulé énou wɔm lé lɔnlɔn mé, né édoui o. mougbéna wo noudoudou nagblén énou lé amé ké ta Yésu lé dé woun o. ¹⁶ Mougbéwɔ énou ké ana améwo nadé vodada né wo o, togbɔ bé égna bé énou ké yiwɔ la gnɔ ken'gbɔ. ¹⁷ Elabéna lé énouwo kpata n'gbé la, nou ké lé vévédé né mia Kristotɔwo la, mougni énou ké midou alo énou ké minou o, ké bon bé miana gbɔgbɔ kɔkɔé la néna aménuvévé, wountifafa kudé djidjɔ mi. ¹⁸ Né mina Kristo gni Apétɔ lé énou kiawo mé la, djidjɔ Mawu yi amé boubouwo tchan akpɔ djidjɔ. ¹⁹ Yita mina miaho étadodjinou nagni bé énousɔsɔè nanɔ éhaméa mé yi miadjé agbagb ado wounsé mia nɔèwo. ²⁰ Mingbén na élankɔ déka négblén Mawu ho dɔwɔwɔ mé o. Mido n'kou idji bé n'dékpékpé mougbén lé élan nou o, ké égni nou vɔ bé nadoui yi woazu énouvɔ né amé bubou. ²¹ Enou gnountɔ ké nawɔè gni nadé alɔ lé élandoudou alo ahanounou alo n'dékpékpé wɔwɔ adia nɔviwo nou alo néna wɔawɔ énou vɔn la woun. ²² Agni bé énou gblégblén dékpékpé moulé énou ké yiwɔ la nou lé Mawu n'tɔ tchan gbɔ o, ke wɔè né édokoéwo.Mougbédé énou ké néhɔ sé bé égnon la fio lé amé bubuwo kewo nou woadia la nkumé o. Légo kia mé la, wɔayra amé ké mouwɔ énou vɔn to énou ké wogna bé égno la wɔwɔ mé o. ²³ Ké amé sia mé ké hɔ sé bé énou ké yidji bé yéawɔ mougnɔ o la, moulé bé wɔawɔè o. Né éwɔè la, éwɔ énou vɔn élabéna éboui bé mougnɔ o, iya ta énoua mougnɔ né iya o. Enou édékpékpé ké wɔawɔ énou ké wogna bé égnɔn gbɔ la, gni énou vɔn.