¹ Mido éto édjidoudo la , élabéna Mawué gni amé ké do édjidoudou la agni .Djidoudou dékpékpé moulé afi déwo ké Mawu n'tɔ moutchɔ n'sé na o. ² N'ti ta amé sia amé ké gbé dukɔa ho éséwo dji wɔwɔ la ,gbé Mawu ho éséawo dji wɔwɔ yi éto dɔdɔ adjé nou kia yomé. ³ Elabéna sɔdja moudoa vɔvɔn né amékéwo lé énou gnoun wɔwɔm o, ké amékéwo lé énou vɔn wɔm la,avɔn sodja gadékpékpégamé.Yinti ta né omoudji bé yianɔ vɔnvɔn o la , wɔ éséawo dji kpe ikéma imé agnɔ né wo. ⁴ Mawué do sɔdja la da bé wɔakpé dé nouvwo.Yi né élé énou vɔn édé wɔm la, imé kɔ bé anɔ vɔvɔm élabéna sodja la ana wɔadɔ éto né wo.Enou kia toutoutou tayi Mawu doé da. ⁵ Yinti ta miwɔ éséawo dji lé énou amévé kiawo ta:Tchoutchougban, bé miagahɔ étodɔdɔ o, amévégɔa, élabéna migna hoho bé élé bé yiwɔawɔ éséawo dji ⁶ Midjɔ miaho édouga wo tcha lé énou évé kéawo ké ta ,élabéna élé bé wɔatou éfé né djidududɔwɔlawo alé bé wɔaté woun anɔ Mawu ho édɔ la wɔm, anɔ kpékpém dé mia nou. ⁷ Mitou éfé né amédékpékpé sigbé léké wodjé nènè. Mitou miaho édougawo kudé adjɔwo édjidjɔtɔè.Mido éto miaho étatɔwo yi mitchɔ boubou né amédékpékpé ké djé boubou.Améhavilɔlɔn. ⁸ Mingbé na n'dékpékpé ho éfé nétchi mia nou o né igbé amé boubuwo lɔnlɔn ho éfé ko.Mingbé lé amé bubuwo lɔnlɔn ho éfé kia vɔgbédé o! Elabéna né milɔn wo la ,miawɔ Mawu ho éséawo kpata dji yi miawɔ noudékpékpé ké Mawu bia tcho mia gbɔ. ⁹ Né olɔn éhaovi sigbé lé ké olɔn éwo n'tɔ édékéwo nènè la ,omadi bé yiawɔ énou vénvén, sigbé,awoui alo afi yiho n'dékpékpé o. Tchɔwou la, mawɔ énou vɔn kudé éhawovi ho ésrɔn alo yadi énou ké gni étɔ alo awɔ énou boubou dékpékpé ké sé yiwɔawo gblɔ bé mougnɔ o la dé inou o.Eséawo kpata ho époupopoé gni ékia bé nalɔn éhawovi sigbé lé ké olɔn édokoéwo nènè. ¹⁰ Lɔnlɔn na womouda vo dé amédékpékpé woun o.Ekia tayi étchɔ dé nou kéwo kpata wolé bé miawɔ la dji .Esé déka kia koyi mihian. ¹¹ Enou bou ké ta wolé bé mianɔ agbé gnoun gni bé : migna bé gamé bou mougbélé o.Minfɔn élabéna apétɔ la ho vava tou aho fifia wou léké mihɔè sé san. ¹² Ezan la vayi vɔ, énou lé vivitiménuwɔwɔwo nou yi miado kékéli ho akpohɔnouwo ¹³ Mina miawɔ énou djéamé,sigbé éké gnɔn lé n'kékémé nènè, mougni lé amédokoé kɔkɔdé edji kudé ahamoumouwo, mougni lé ahasi wɔwɔwɔ kudé ahadjédjéwo yi mougni lé édréwɔwɔ kudé énouvavan mé o. ¹⁴ Ké bowou mibia Apétɔ Yésu Kristo bé woakpé dé mia nouti bé mianɔ agbé sigbé léké édjé nènè. Migbén kpɔ djidjɔ lé énouvɔn wɔwɔ nou o.