¹ Lé ékia ho n'gbodoméa, gbɔgbɔ kɔkɔé kplɔ Yésu yi zogbéji tsagbé Abusam né doé kpɔ. ² Yésu tsi nu dɔ lé tohohoa n'kéké blané yi féfé lé sésé dé. ³ Eké abusam kpɔ énukia, éva té kpɔ lé gblɔnɛ bé: " né inyi bé owoé nyi Mawu ho vi lé nyatoho méa, tonu ékpé kiawo bé oné trɔzu abolo yi nadu." ⁴ Vɔa Yésu do yinti nɛ bé: "oŋlɔɛ dɛ bé: "n'nyi abolo dédé n'ti ko amégbétɔ anɔ agbé do, vɔa énya dékpékpé ké la do tso Mawu ho numéa." ⁵ Tétéa Yésu kplɔɛ tsé yi Yéruzalɛm ho édu kɔkɔé mé yi tsɔɛ tso tsɔtsi hɔ gan ho étamé ⁶ yi lé gblɔ nɛ bé: "Né inyi bé Mawu ho évi yi onyi lé nyatoho méa, zro tso gɛké yi gɔmé; dobé oŋlɔɛ bé: "Mawu adɔ yiho dɔlawo bé oné kpɔ étawo" yi "wɔaléwo lé ayamɛ tsagbé n'gbé tsɔ afɔwo tsé po ékpé dékpékpé n'ti o." ⁷ Yi Yésu do yinti nuwo bé: "oŋlɔɛ dɛ tsa bé: "n'gbé té wo Mawu kpɔ o." ⁸ Satana kplɔɛ tsé yi toho kɔkɔ dé yi tsɔ éyiyéa ho imé nuwo tsé fiɛn kudo atsɔn dodo. ⁹ Egblɔnɛ bé: "Matsɔ énukéwo kpata tsé nawo yi inyi bé olɔn yi jé klo dé éta agu num. ¹⁰ Yi Yésu do yinti nɛ bé: "satana! dɔyi lé égbɔnyé dobé oŋlɔɛ dɛ bé: "Apétɔ wo Mawu ko yi nasu bɔ iya déka koyi élébé nadé éta agu nɛ." " ¹¹ Yi tétéa Abusam tso lɛ yigbɔ, yi kpɔ, mawudɔlawo va igbɔ va subɔɛ. ¹² Ké Yésu sé bé olé Yohanɛs a, étso lɛ Galiléa. ¹³ Eyi Nazarɛt yi éva tsi Kapernaum ké lé Galiléa ho apua ho n'gbé lé Zébulon kudo Naftali ho anyigba ji. ¹⁴ Enukéawo va imé bé énya ké énya gblɔdila Yésaya gblɔdɛ bé: ¹⁵ "Zébulon kudo Naftali ho anyigba, tsé yi apua gbɔ,Yɔdan ho n'gbodomé, kudo Galiléa ho anyigbawo mi nyi étrɔn subɔlawo! ¹⁶ Dukɔ ké nɔ anyi lé viviti mɛa kpɔ kékéli gan dé; yi miawo amékéwo éku ho anyigba ji, kékéli klɛn ni mi." ¹⁷ Tso gakumɔaméa, Yésu tɔɛ ji lé dé gbé fan Mawu ho nya nyɔɛ yi lé gblɔ bé: "mitrɔ lé miaho ji mé; dobé Mawu ho fiaduhoa gogo." ¹⁸ Ké inyi bé lé zɔ lé Galiléa ho apua toa, ékpɔ nɔvi amévé déwo, Simɔn ké oyɔna bé Pétro kudo Andréa nɔvia. Otsɔ akpavi lé kutsan da do apua mɛ, énuké n'tia akpavi lélawo yi onyi. ¹⁹ Yésu tonuwo bé: "Miva, mi tim do yi ényé ya mawɔ yi miatrɔ zu améwo ho déla." ²⁰ Zidéka a , otati akpavi lékutsan yi okplɔ Yésu do. ²¹ Ké Yésu léyiho mɔa, ékpɔ n'tsuvi amévé bu ké wɔaho n'kɔ yi nyi Yakobo, Zébédéo ho vikudo nɔvia Yohanɛs. Olé tɔji hun a mɛ kudo wɔatɔ Zébédéo; lé bla wɔho akavi lénua. Eyɔwo ²² yi zidéka, odo lé tɔji hun a mɛ tati wɔaho tata yi ti Yésu do. ²³ Yésu ditsa lé Galiléa kpata, yi lé fianu lé wɔaho tsɔtsi hɔ ganwo mɛ, toho dékpékpé ké éla yia, égblɔna jipo fiaduhoa ho nya yi yɔna édɔna édɔnɔwo. ²⁴ Yi yiho n'kɔ di lé Siria yi améwo lé tsɔ wɔaho édɔnɔwo va igbɔ, anyi jélawo kudo édɔ buwo, amékéwo gbɔgbɔ bara lé womé, bafawo kudo ékponɔwo; yi Yésu da gbé lé wotin. ²⁵ Amé sugbɔ jé iyomé yi Galélia, Yéruzalɛm, Dékapoli kudo Yudéa kpata kaka tsé yi Yɔdan ho étɔa ho akpa amévé gɔa.