¹ Ké Yésu kpɔ améha sugbɔa, élia éto yi. Ké évayi nɔnyia, yiho nusrɔnviwo va yigbɔ. ² Ekénu yi lé fiawo bé: ³ "Jijɔtɔwo yi nyi amékéwo lé dahé lé gbɔgbɔmé élabéna Mawu fiaduwoa nyi wɔatɔ. ⁴ Jijɔtɔwo yi nyi amékéwo lé fanvia, élabéna olafa akɔ niwo. ⁵ Jijɔtɔwo yi nyi amékéwo lé faa, élabéna wɔawo yi la kpɔ gomé lé anyigba ji. ⁶ Jijɔtɔwo yi nyi amékéwo éfia jɔjɔ ho adɔ kudé étsikɔ lé tiwo, élabéna wɔa dɔho. ⁷ Jijɔtɔwo yi nyi nuzizikulawo, élabéna ola ku nuzizi ni wɔatsa. ⁸ Jijɔtɔwo yi nyi amékéwo wɔaho éjimé kɔa, élabéna olakpɔ Mawu kudé wɔaho n'kumɛ. ⁹ Jijɔtɔwo yi nyi amékéwo lé wɔavu ni n'tifafa, élabéna olayɔwo bé Mawu ho viwo. ¹⁰ Jijɔtɔwo yi nyi amékéwo otuku hadé jɔjɔɛ nyinyi n'ti, élabéna Mawu fiaduhoa nyi wɔatɔ. ¹¹ Jijɔtɔwo yi mia nyi né inyi bé améwo lé zu mi yi olé ti mia yomé, alo hadé n'tinyé améwo lé gblɔ énya badawo tso mia n'ti. ¹² Mibɔ mia nɔnɔɛwo yi miakpɔ jijɔ yi vo fɛɛ, élabéna wɔado itého ni mi gandé lɛ jipo fiaduhoa mɛ. Dobé nɛnɛ yi amégbétɔwo ti dasifodélawo ké onɔ anyi jékɔngbé ni mi. ¹³ Miawo yi nyi anyigba ho éjé; vɔ né éjé bu yiho vivia, lémɔyi élagbéwɔ yi gbékpɔɛ mɔ? N'gbé nyɔ ni n'dékpékpéwo, énuké olawɔa yi nyi bé wɔatsɔɛ dangbé dé éhihé yi améwo né zɔ iji. ¹⁴ Miawo yi nyi éhihéa ho kékéli. Edu ké otu dé éto tamɛa, omaté tsɔɛ wla o. ¹⁵ Nɛnɛ ké yi améwo si na kadégban bé wɔatso wla dé kusi gɔméa? Tovo ni kumɔa, otso déna n'dé ji bé né té kpɔnu ni amésiamé lé ahɔamɛ. ¹⁶ Nɛnɛ ké yi miatsan miaho kékéli do la bi lɛ améwo ho n'kɔ bé wɔaté kpɔ miaho énu nyɔɛwo wɔwɔ yi wɔakafu miaho tata ké lé jipoa. ¹⁷ Min'gbé lé bu ésusu bé n'va bé tutu éséawo alo Mawu ho amédɔdɔwo ho éséawo yi o; nyé n'va bé matutuwo, vɔa bé mawɔ yi oné wu yinu. ¹⁸ Lɛ nyatoho, mɛa n'lé gblɔ ni mi bé, sigbé léké anyigba kudé iji lanɔ dididéa, nɛnɛ yi énuŋlɔ vitukui tɔ tsa ma tutu lé éséawo mé, kaka ni n'dékpékpé la va wu inu. ¹⁹ Enukum ta yi amédékpékpé ké la dé étadégu ni éséawo ho vitukui ɖé yi fiɔ amébuwo tsan bé oné wɔ nɛnɛa, lanyi n'gbétsivi wu lé Mawu ho fiaduhoa mɛ. Ganké améké wɔ dé yiji yi fiɔ améwo bé oné wɔ yijia lanyi amétsitsi lɛ Mawu ho fiaduhoa mɛ. ²⁰ Makadé yiji nu mi bé, né inyi bé miaho nutoho wɔwɔ n'wu améwo bé yiwo nyi ésétɔwo kudé farizitɔwoa, miaho afɔ n'ja té do Mawu ho fia duhoamɛwo. ²¹ Misévayi bé ogblɔ lɛ blɛmamé tɔwo ho gamɛ bé: "omawu améwo", yi : "yi améké la wu améké la wu améa élé bɔbɔɛdé bé wɔatso ékuho afia nɛ." ²² Vɔa ényéa n'lé gblɔɛ ni mi bé améké la do domé zozo dé nɔvia n'tia tsan layi kojoédoho; yi améké tsan la gblɔɛ ni nɔvia bé: "omu lé ébodénuwɔa!" yi tsan laté yi mawu ho vɔnudrɔndrɔn ho azikpéa ho n'kɔ. Yi améké la toni nɔvia bé ényi: "fluflutɔa", tsan la té yi Mawu ho zomavɔa mɛ. ²³ Nɛnɛ ké yi ova Mawu gbɔ va jɔ nu nɛ yi ova kpɔ bé nɔvia tsan lɛ hian la, ²⁴ tati do ataroa ho n'kɔ, va wɔ dika kudo nɔviwo kun'gbɔho. Fifia até yi va jɔ énu jɔjɔ woa ko. ²⁵ Odo la sé igɔmé kaba kudo améké lé tsɔ énya dé n'tiwɔa, yi milɛ émɔji yina kojo dohoa; n'nyi nɛnɛwɔa améké lé tsɔ énya dé n'tiwɔa la tsɔwo dé kɔjoé do tɔ ho alɔmɛ, yi kɔjoé do tɔ tsan tsɔwo ni sɔjawo la ola tsɔwo dé gakpamɛ. ²⁶ Lɛ nyatohoa mɛa, n'lé gblɔɛ nawo bé: oma do lɛ gakpamé né inyi bé omutu éfé kpɔtɔɛwo. ²⁷ Misé ogblɔ bé, "Min'gbé wɔ ahasi o." ²⁸ Vɔa n'lé gblɔɛ ni mi bé améké la kpɔ nyɔnu yi nyɔnua ho nu jroéa, wɔ ahasi kuɖoé lɛ yiho éjimɛ. ²⁹ Yi né énudusi wo ho n'kuvi lé ja tsɔwo bu émɔla, déji yi natsɔɛ dangbé dé toho didi dé; dobé élanyɔwu niwo bé n'tinuwo déka né tsrɔn wu bé owo n'tɔ amétia kpata nayi ézomavɔa mɛ. ³⁰ Yi nɛ nudusi ho alɔwɔa ja kplɔɛwo yi gbégblɛn méa tsoé ji yi natsɔɛ dangbé lé toho didi lé égbɔwo; dobé olanyɔniwo bé n'tinuwo déka né tsrɔn wu bé owo n'tɔ amétia kpata nayi ézomavɔ mɛ. ³¹ Ogbé gblɔ tsa bé: "Améké la gbé ésrɔn a nyɔnu la do la tsɔ ésrɔn dédé ho agbanlɛ gbégbé nɛ." ³² Vɔa n'lé gblɔɛ ni mi bé, améké la gbé ésrɔn a nyɔnu bé édafɔ égbéa, lé fiɔ hoho bé ésrɔn n'tsu wɔɛ ahasitɔ; yi nɛ améké tsan la va tsɔɛ tso wɔ ésrɔn nyɔnu la tsan wɔ ahasi. ³³ Tso yi ijia, misé ogblɔɛ ni miatɔgbéwo bé: "Min'gbé tanu gbalogbalo o vɔa mitanu dé Mawu ho subɔsubɔ n'ti." ³⁴ Fifia, min'tanu lɛ jipo n'tiwo o, élabéna gamu yi nyi Mawu ho fiaduho mé, ³⁵ n'gbényi anyigban tsan o élabéna yiji yi Mawu zɔna lé; alo Jéruzalɛ n'ti o, élabéna yi yinyi éfia gan ho édumɛ. ³⁶ Min'gbé tanu tsa kudo miaho éta o, dobé mindo n'sé bé miawɔ bé éda déka tété tingo né hé alo nényrɔwo. ³⁷ Né milé ho nua, miaho énya ké miaglɔɛ nénɔ yitoho "ɛŋ nényi ɛŋ", alo "o nényi o" Enya dékpékpé ké la kpéa tso énugblétɔ gbɔ. ³⁸ Misé tsa ogblɔ bé: "n'kuvi kudo n'kuvi, yi adu kudo adu." ³⁹ Vɔa ényéya n'lé gblɔ ni mi bé, min'gbé ahɔa kudo améké bada o; vɔa lé kumɔa n'tia, né amédé gbantomé nawo lé n'dusi ho atségé dusi tɔa ji la, tsɔ émiɔn toa tsan nɛ yi né po yitsan. ⁴⁰ Yi né amédé lé tsɔ énya dé n'tiwo bé yéahɔ kotuwu wɔa, tatii nétsɔ étsiwu lɔbɔa tsa. ⁴¹ Améké la zi éjiwo bé nazɔ kudéyé mɛta kotoku déka, zɔ kudé mɛta kotoku amévé. ⁴² Nanu améké biawoa, yi n'gbé nu dodo ni améké léji ladonu lɛ égbɔwɔa o. ⁴³ Misé ogblɔ vayi be:"lon hɔnlɔwo, yi natsri futɔwo." ⁴⁴ Ganké ényéa mbé: "milɔn miaho futɔwo, yi mia dogbéda amekéwo tso dé mianti, (tsan ho énuŋlɔnlɔwo dé énya déwo dɛ bé: "mi yra amékéo sékpé na mia. Miwɔ énunyɔɛ na amekéwo tsri miaho ényagbɔ") ⁴⁵ fifia miatrɔ zu mia tata ké lɛ jipoa. Dobé éwɔ yi donkusu tso dé amébadawo kudé énunyɔɛwo ji, yi éna étsi ja na améjɔjɔ kudé amémajɔjɔwo. ⁴⁶ Yi né inyi bé milɔn amékéwo lɔn mia dé, alɛn kayi miakpɔ lé yi mé? Yin'tɔtsan amékéwo jɔna éga tsan wɔnɛ nɛnɛ. Mido lawɔ wɔ wuwo. ⁴⁷ Yi né milɛ dogbé na mia nɔviwo dédé, n'kayi milé wɔwu amékpɔtɔɛwo? Vɔa étrɔn subɔlawo tsan lé wɔɛ. ⁴⁸ Fifia mido lanɔ jɔjɔɛ sigbé léké miaho tata ké lé jipoa léa nɛnɛ.