¹ Lɛ gakumɔa mé a, Yohanɛs Batista va lé dé gbé fan lɛ égbédada po lé Yudéa lé gblɔ bé: ² " mitrɔ lé miaho éjiwomɛ, dobé Mawu ho fiaduhoa gogo." ³ Elabéna énya gblɔdila Yésaya honu yi gblɔ bé: "Améké ho gbé lé di lé égbédada po yi misé élé gblɔ bé: " Mijra Apétɔ ho mɔ do bé né nɔ jɔjɔɛ." ⁴ Mikpɔ, Yohanɛs do élan kpɔsɔfu gbazé ho awu yi étsɔ élangbalɛnlijiblaka tsé bla yi ji, yiho nududu yi nyi aganganwo kudo anyi tsi wo. ⁵ Yi Yéruzalɛm, Yudéa kpata kudo Yɔdan yo énutrotrowo mé kpata yi igbɔ. ⁶ Edo mawu tsi déta nawo lé Yɔdan ho étɔa mé, éké olé ogblɔ wɔaho énuvɔnwo nɛ. ⁷ Ké Yohanɛs kpɔ bé Faritɔwo kudo Zadukitɔ édéwo va yigbɔ bé yéado Mawutsi déta niwo la, égblɔ nuwo bé: " miawo édan ho jijiméwo, améka yi gblɔ nu mi bé miasi lé Mawu ho dɔmézozo kudo yiho étohéhé ké gbɔna la n'ti yI? ⁸ Midé fia tso miaho agbé nyɔɛ nɔnɔmɛ bé miatrɔ lé miaho éjiwo mɛ. ⁹ Mingbé wɔ ésusu bé miagblɔ lé miadékéwo mé bé: " miaho tata yi nyi Abraham o." Dobé n'lé gblɔɛ nu mi bé Mawu até wɔ bé ékpé kiawo nétrɔ zu évi na abraham. ¹⁰ Tétéa otsɔ éfia tsé do ati ho éké n'ti. Yi ati dékpékpé ké matsé éku nyɔɛ woa wɔajoé ji tso dé ézomé. ¹¹ N'lé do mawu tsi déta numi bé miatrɔ lé mia ji mɛ. Vɔa améké la va lé n'gbé nyéa do nusɛn wum yi mujé n'tɔ tsan bé Mado yiho Afukpa o. Iya élado mawutsi déta nu mi lé gbɔgbɔ kɔkɔé kudo ézo ho n'kɔ mɛ. ¹² Ama amé jɔjɔɛwo kudo amé vɔndiwo domé, yi na amé vɔndiwo ya la atsrɔnwo kudo ézo mavɔ yi ajra amé jɔjɔɛwo na agbé mavɔ." ¹³ Yi Yésu va do galiléa gogo yɔdan ho étɔa gbɔ bé Yohanɛs nédo Mawutsi dé ta ni yé. ¹⁴ Vɔa Yohanɛs lé ji bé yéa hé émɔ nɛ lé gblɔ bé: " n'lé ji bé owo n'tɔ yi la do tsita num yi ova égbɔnyé bé mado tsita nu wɔa? ¹⁵ "Yésu do yinti nɛ bé: " n'dé kuku oya dé tsita num ko, dobé élé jɔjɔɛ bé mawɔ énuké wo kpata élé bé mawɔ." Yi Yohanɛs dé tsidé ta nɛ. ¹⁶ Eké odo mawu tsi dé ta nɛ vɔ, Yésu lé étsiamɛ zidéka, yi kpɔ, jipo hun nɛ. Ekpɔ Mawu ho gbɔgbɔ di tso jipo va sigé ahɔnɛ ho nɔnɔmé va jé yi abɔta ji. ¹⁷ Kpɔ, égbé dé di tso jipo sésé dé yi lé gblɔ bé: "Mikpɔ évinyé lɔlɔn tɔa. Eléwɔ jiji nyé kpata."