¹ Ké oji Yésu lé Bɛtlɛhɛm lé Yudéa lé éfia Hérodɛs ho gaméa, wlétiviménukpɔlawo otso dɔnkusu ho fɔnfɔn tohoa vado Yéruzalɛm yi olé biɔ bé: ² "ganɛ ji yi oji Yuda tɔwo ho éfia lɛ? Mikpɔ yiho wlétivi lɛ dɔkusu ho fɔnfɔn toho yi miva bé miasubɔɛ." ³ Ké éfia Hérodɛs sé énya kia, étsaka yi Yéruzalɛm kpata kudoé. ⁴ Hérodos yɔ Yudatɔwo ho osɔfoganwo kudo agblalɛfialawo bɔ yi lé biawo bé: "ganɛ ji élé bé wɔaji Yésua lɛ?" ⁵ Odo yinti nɛ bé: "Lé Bɛtlɛhɛm lé Yudéa, nɛnɛ yi ényagblɔdila ŋlɔɛ tsé dɛ: ⁶ Yi owo Bɛtlɛhɛm, édu ké lɛ Yudéa ho duamɛ, omunyi vi lé Yudéa ho kplɔlawo me, dobé to éwo jia kplɔla dé la va yi la gblɔ Mawunya na Israël kpata." ⁷ Tsé yijia, Hérodɛs yɔ wlétivimɛnukpɔlawo lé wlawla bé yéa bé tso kaka gakamé yi wlétivia tɔ zézéwo. ⁸ Edɔwo bé wɔayi Bɛtlɛhɛm bé: "miyi, yi miaji dévia nyɔɛdé. Né mikpɔɛ, miva gblɔ num ku susu bé n'tsa mavayi subɔɛ." ⁹ Ké odo éto éfia ké ého nu vɔa, otrɔ lé wɔaho mɔ yi wlétivi ké oké kpɔ lɛ dɔkusu ho fɔnfɔn tohoa nɔ n'kɔ niwo kaka vava jété dé toho ké dévia léa. ¹⁰ Ké okpɔ wlétivia, éji jɔwo. ¹¹ Odo awɔamé yi okpɔ dévi dé kudo énɔa Maria. Yi odjé klo dé yiho n'kɔ yi olé subɔɛ. Ohu wɔaho édrɔn yi onɛ sika ho nuwo, lifi kudo mira. ¹² Mawu dé fiawo lé wɔa édrɔn mé bé yi otrɔ la ogbégbé to Hérodɛs gbɔ kéo; yi nɛnɛ yi otrɔ yi wɔayo édu mɛ kudo émɔ bu. ¹³ Ké ojoyia, Yésu ho dɔla dé zé na Yosɛf lɛ yiho édrɔn mɛ yi égblɔ nɛ bé: "tso yi natsɔ dévia kudo énɔa yi miayi Ejipté. Mianɔ gamu vasédé gakémɛ maho nu nawo dobéna Hérodɛs lé ji dévia bé yéawui." ¹⁴ Ezan kumɔa zidéka, Yosɛf tso yi kɔkɔ dévia kudo énɔa yi ojo yi éjipté. ¹⁵ Onɔ gamu vasédé gakémé Hérodɛs ku. Ekia wu énya ké Mawu gblɔna yiho ényagblɔdila: "Ejipté yi n'yɔ évinyéa tso." ¹⁶ Tséyi ijia, ké Hérodos va dé jési bé wlétimɛnunyalawo flu yé yi la, ébiji n'tɔ. Edɔ yiho jɔlawo yi Bɛtlɛhɛm kudo yi édu kéo tadé yintia bé onéwu dévi n'tsu dékpékpé ké hɔ épé amévé kudo ékéwo omukpɔ hɔ tsan wɔa, éwɔ énukéa énuké n'tia wlétiviménunyalawo gblɔ nɛ bé yiho lé kpɔ wlétivia élayi épé amévé. ¹⁷ Tétéa énuké ényagblɔdila Yérémia gblɔ dɛa wu inu. ¹⁸ "Misé égbé dé tso Rama, avinfanfan kudé énuhaha, Rachel lé fanvi dé éviawo ta,yi égbé bé égbé bé yima gbɛjɛwo dobé éviawo n'gbé lé agbé o." ¹⁹ Ké Hérodɛs ku vɔa, kpɔ Yésu ho dɔla dé zé na Yosɛf lɛ yiho édrɔn mɛ lé éjipté yi lé gblɔɛ nɛ bé: ²⁰ "tso yi natsɔ dévia kudo énɔa yi miatrɔ yi Izraël dɔamé dobé amékéwo lé ji bé wɔawu dévia wɔawo n'tɔwo ku." ²¹ Yosɛf tso yi kɔkɔ dévia kudo énɔa yi otrɔyi Izraël duamɛ. ²² Ké inyi bé ésé bé Arkélao yi nyi éfia ké lé kpatsɛ na Yudéa ho édua lɛ étɔa Hérodos tohoa, évɔn léké néyi kumua. Ké ɖé tsé fiɔn lɛ édrɔn méa étso yi yi Galiléa ²³ yi va nɔ édu dé mɛ ké oyɔna bé Nazarɛt. Enukéa va imé bé énya ké ényagblɔdilawo ogblɔ dɛ bé wɔayɔɛ bé Nazarɛtitɔ.