¹ Lé Kaizaro Tibéro ho éfiadudu ho épé wuiatɔn gɔn a méa, éké Pontio Pilato nyi éfia naYudéa yi Hérodɛs nyi éfia na Galiléa, nɔvia Filipo tsan nyi éfia lé Uturéa kudo Trakonitis yi Lisania tsa nyi Abilɛne ho éfia, ² lé éké Anas kudo Kayafa onyi Osɔfoganwo ya, Mawu ho énya va na Yohanɛs, amé ké nyi Zakaria ho vi la gbɔ lé égbéji. ³ Yohanɛs lé ditsa lé Yɔdan ho étoato, lé dégbéfan Mawutsilélé ho éjimétrɔtrɔ kudo énuvɔn ho tsɔtsɔké. ⁴ Lé ényagblɔdila Yésaya ho énya nu la: "améké ho égbé lé di lé égbéa ji bé: "Midé émɔna Apétɔ la bé nézɔ iji! mikéké émɔmiamiawo dé ji! ⁵ Edowo kpata wɔadɔ yi étowo wɔatrɔzu sɔsɔɛtoho! miwɔ émɔ gɔglɔnwo oné jɔ! Miwɔ ékpémɔwo nétrɔzu toho nyɔɛ toto, ⁶ kola amédékpékpé akpɔ Mawu ho n'ti kɔkoé." " ⁷ Yi Yohanɛs lé gblɔna amékéwo do yi va bé nédo Mawutsidéta nawoa bé: "miawo édan ho jijiméwo! Mɛkayi gblɔnimi bé miasi lé Mawu ho dɔmézozo ké gbana n'ti yi? ⁸ Tsutsugban la miyi yi miadé tso fian bé mitrɔ éjimé n'tɔtɔ tso miaho agbénɔnɔ nyɔɛ mé. Yi min'gbé bu bé énu bada mava miaji dobé minyi abraham ho jijimévi o, dobéna Mawu awɔ déviwo wɔado tso ékpé kéwo lé zogbéji lé toho kia munyi Abraham viwo. ⁹ Ojrado jingawo tso dé na atiwo ho éké. Yita ati dékpékpé ké matséku nyɔɛwoa, wɔatsoé ji yi wɔatso dangbé dé ézomé. ¹⁰ Tso yi ijia améwo lé bia Yohanɛs bé: "N'kayi élé bé miawɔ yi?" ¹¹ Edo yinti lé gblɔnawo bé: "nényi bé awu amévé lé amédé sia nétsɔ dika tsona nɔvia ké si n'léa o, yi améké si énududu léa né mɛ kudo nɔvia." ¹² Edu ho égajɔlawo tsan ova bé wɔado Mawutsidéta nawo yi wɔatsan olé biɔ bé: "Enufiala, n'kayi élé nimi bé miawɔ yi?" ¹³ Edo yinti nawo bé: "min'gbé hɔ éga lé améwo si sugbɔ tso wu éké éséa bia bé miahɔ o." ¹⁴ Soja déwo tsan lé biɔɛ bé: "yi miawo dé n'ka yi élé bé miawɔ yi?" Edo yinti nuwo bé: "min'gbé hɔ éga lé améwosi akpa sésétɔ o, yi né minya bé amédé n'wɔ n'déwoa min'gbétsɔ énya dé yiji o, yi éfɛntu ké mihɔna né jé mianu." ¹⁵ Yi lékéa améwo kpata lé émɔ kpɔm na Kristoa ho vava, amésiamé lé wɔ biabia lé yiho éjimé bé alo Yohanɛs yi nyi Kristoa? ¹⁶ Yohanɛs lé gblɔnawo bé: "ényéa étsi gbalo ko yi n'tso lé do Mawutsi déta nimi, vɔa améké gbana fifia do nusén wumu yi nyému jé n'tɔtsan bé manyi yiho subɔvio. Iya lado mawutsidéta ni mi kudo ézo kudo gbɔgbɔkɔkoé. ¹⁷ Améké si lugbunu lé bé wɔakplɔ yiho lugbɔho yi wɔabɔ yiho bafoa lé ava ji. Vɔa ébéaya, éla tsɔɛ dé ézo matsi matsi mé. ¹⁸ Yohanɛs hlɔnuwo vévédé kudo énya kiawo éké élé gblɔ énya nyɔɛ nawo. ¹⁹ Yohanɛs tsɔ énya dé éfia Hérodɛs n'ti dobé éhɔ nɔvia Hérodia ho ésrɔn kudo énuvɔn buwo ké éwɔa n'ti, ²⁰ gbétso yi ijia étsɔ énya kia tso kpé yiho énuvɔn bé élé Yohanɛs dé gakpamé. ²¹ Gbédéka Yésu n'tɔ tsan vado amékéwo Yohanɛs lé do mawutsidéta na bé Yohanɛs nédo tsidéta nɛyé, yi éké Yésu lé dogbéda, jipo hun, ²² tétéa gbɔgbɔkɔkɔé diva iji to akpakpa ho nɔnɔmé yi égbé dé di tso jipo lé gblɔbéna: "owo yi nyi évinyé ké n'lɔ vévédé n'tɔ, ɛŋ owo yi dona jijɔ nam." ²³ Ké Yésu do épé blatoa étɔ yiho édɔ déasia ji. Améwo jési Yésu sigbé Yosɛf ho vi nɛnɛ, yi Yosɛf ho fofo yi nyi Héli, ²⁴ Héli ho tata yi nyi Matat, Matat ho tata yi nyi Lévi, Lévi ho tata yi nyi Mélki, Mélki ho tata nyi Yanaï, Yanaï ho tata yi nyi Yosɛf. ²⁵ Yosɛf ho tata yi nyi Matatias, Matatias ho tata yi nyi Amos, Amos ho tata nyi Nahum, Nahum ho tata yi nyi Esli, Elsi ho tata nyi Nagaï, ²⁶ Nagaï ho tata nyi Maat, Maat ho tata yi nyi Matatias, Matatias ho tata yi nyi Séméin, Sémién ho tata yi nyi Yosɛk, Yosɛk ho tata nyi Yoda, ²⁷ Yoda ho tata nyi Yoana, Yoana ho tata yi nyi Résa, Résa ho tata yi nyi Zérubabɛl, Zérubabɛl ho fofo yi nyi Séalatiel, Séaltiel ho tata yi nyi Néri. ²⁸ Néri ho tata yi nyi Melki, Mélki ho tata nyi Adi, Adi ho tata nyi Kosam, Kosam nyi Elmadam, Elmadam ho tata yi nyi Er, ²⁹ Er ho tata yi nyi Yosua, Yosua ho tata yi nyi Elieza, Elieza ho tata nyi Yorim, Yorim ho tata nyi Matat, Matat ho tata nyi Lévi. ³⁰ Lévi ho tata yi nyi Siméon, Siméon ho tata nyi Yuda, Yuda ho tata yi nyi Yosɛf, Yosɛf ho tata nyi Yonam, Yonam ho tata nyi Eliakim, ³¹ Eliakim ho tata yi nyi Méléa, Méléa ho tata nyi Ména, Ména ho tata nyi Matata, Matata ho tata nyi Natam, Natam ho tata nyi David, ³² David ho tata nyi Yésé, Yésé ho tata yi nyi Yobɛd, Yobɛd ho tata nyi Boaz, Boaz ho tata nyi Sala, Sala ho tata nyi Nahésɔn, ³³ Nahésɔn ho tata nyi Aminadab, Aminadab ho tata nyi Admin, Admin ho tata yi nyi Arni, Arni ho tata yi nyi Hɛzrɔn, Hɛzrɔn ho tata nyi Pérɛz, Pérɛz ho tata nyi Yuda, ³⁴ Yuda ho tata nyi Yakobo, Yakobo ho tata yi nyi Izak, Izak ho tata nyi Abraham, Abraham ho tata nyi Téra, Téra ho tata yi nyi Nahur, ³⁵ Nahur ho tata nyi Sérug, Sérug ho Tata nyi Réu, Réu ho tata nyi Pélɛg, Pélɛg ho tata yi nyi Ebɛr, Ebɛr ho tata yi nyi Séla, ³⁶ Séla ho tata yi nyi Kaïnam, Kaïnam ho tata yi nyi Arfahad, Arfahad ho tata yi nyi Sém, Sém ho tata yi nyi Noé, Noé ho tata yi nyi Lamɛk, ³⁷ Lamɛk ho tata yi nyi Matusalɛm, Matusalɛm ho tata nyi Enɔk, Enɔk ho tata nyi Yarɛd, Yarɛd ho tata yi nyi Mahalalil, Mahalalil ho tata yi nyi Kaïna, ³⁸ Kaïna ho tata yi nyi Sɛt, Sɛt ho tata yi nyi Adam, yi Adam ho tata yi nyi Mawu.