¹ Lé gakumua méa, kaizaro Augusto ké nyi éfia na Romatɔwo do sé bé woahlé amékéwo kpata lé yiho éfiaduhoa. ² Yi lé gakumuawo méa Kirénio nyi éfia lé Syria ho anyigba ji. ³ Yi wɔakpata oyi bé wɔaŋlɔ yiho ho n'kɔ yi otso édu vovo mé. ⁴ Yosɛf tsa tso Nazarɛt yikɔ Galiléa tsagbé néyi Yudéa lé David fia duamé ké owɔna bé Bɛtlɛhɛm, dobé ényi David ho pométɔwo yi, ⁵ yi éyi va ŋlɔ n'kɔ kudo yiho n'gbétɔ srɔn ké fɔ éfu dɛ. ⁶ Yi éké odo bɛtlɛhɛmua, n'kéké suna Maria bé néjivi. ⁷ Tétéa éji n'tsuvi ké nyi yiho évi gbantɔ. Etsɔ dévia dé abajivɔ mé yi tso mlɔ élanwo ho n'dudu ho agban mé, dobé omukpɔ éhɔ lé améjro zépéa o. ⁸ Gbékumgbéa, amékéwo kplɔna alɛnwo nɔa wɔaho alɛnwo n'ti ézan kumua mé. ⁹ Tétéa, Mawu ho dɔla dé zén nawo yi toho ké otɔté doa klɛn kudo Apétɔla ho n'ti kɔkɔé yi ovɔn n'tɔ. ¹⁰ Yi Mawudɔla lé tonawo bé: "min'gbévɔn o dobé n'do énya nyɔɛdé ni mi ké la do jijɔ ni éhihéa kpata. ¹¹ Oji Mésia ni mi égbé lé David ho éfia duamé, Apétɔ kudo déla, yiho n'kɔ yi nyi Kristo. ¹² Lékéyi miakpɔɛ yi doé jési yi nyi bé miakpɔɛ otsɔɛ dé abajivɔ mé yi otsɔɛ tso mlɔ élanwo ho énududu ho agban mé." ¹³ Zidika, Mawudɔla bu lé wɔagbɔ, sugbɔwo va kpéwo yi olé kafu Mawu lé gblɔ bé: ¹⁴ "kafukafu na Mawu lé jipo, lé anyigba ji, yi n'tifafa na amékéwo wɔna yiho lɔlɔnua." ¹⁵ Ké Mawudɔlawo tso lé wɔagbɔ yi jipoa, alɛnkplɔlawo lé gblɔɛ lé wɔadéké mé bé: "Mijo yi miayi Bɛtlɛhɛm yi miakpɔ nukunu gan ké joa, ké Apétɔ na yi minya." ¹⁶ Tétéa wɔakpata ozon kaba yi yi toho ké Yosɛf kudo Maria léa. Yi okpɔ dévi ké ojia lé élanwo ho nududu ho agban mé nyatoho. ¹⁷ Yi ké okpɔ énukéawo vɔa, alɛnkplɔlawo gblɔ énukéwo jɔawo kudo énya ké Mawudɔlawo gblɔniwo tso dévia n'ti na amédékpékpé. ¹⁸ Wɔaho énya wɔ nukunu na amékéwo kpata lé dotowoa. ¹⁹ Vɔa Maria ya tsɔ énya kiawo kpata tso wladé yiho éjimé yi ébu yinu zigédé. ²⁰ Yi alɛn kplɔlawo gbé trɔ yi yi wɔaho alɛnwo gbɔ lé égbéaji yi wokafu Mawu bé mawudɔlawo va kpɔ yiwo da, yi ké gbéwua la okpɔ dévi ké ojia sigbé léké ogblɔnawo nɛnɛ. ²¹ Ké n'kéké aményi vado bé wɔatso ava ni dévia alo n'kéké aményi ho kɔnuwo vadoa onɛ n'kɔ bé Yésu; n'kɔ ké Mawudɔla gblɔdɛa kén'gbɔ néva nyi bé wɔafɔ yiho fu. ²² Lé Mosé ho séawo nua, élé na Yosɛf kudo Maria bé wɔatsɔ dévia tso yi tsɔtsihɔ mé bé wɔatsɔɛ tso do Mawu ho n'kumé. ²³ Dobéna lé Mosé ho séawo nua, Mawu gblɔ bé: "Né inyi bé amédé ho vi tsutsugban tɔ nyi n'tsuvia, élénɛ bé nétsɔɛ do Apétɔ ho alɔmé." ²⁴ Yésu ho jilawo na énuké élé bé wɔana yi wɔatso klɔ yintia dobé Apétɔ ho sé la gblɔ bé: "wɔana akpakpa amévé alo ahɔnɛ amévé." ²⁵ Vɔa n'tsu dé lé Yéruzalɛm yiho n'kɔ yi nyi Siméon, ényi amé jɔjɔɛ yi évɔn na na Mawu n'tɔ. Gbɔgbɔ kɔkoé yɔ imé yi éléjété kpɔ Mésia ho vava. ²⁶ Gbɔgbɔ kɔkoé ti dé fiɛn hoho bé maku kéngbɔ Mawu ho Mésia la va o. ²⁷ Gbɔgbɔ kɔkoé zi iji bé néyi tsɔtsi hɔmé gbékumuagbé. Eké Maria kudo Yosɛf ova bé wɔatsɔ dévia do Mawu ho n'kuméa sigbé léké éséa bia nɛnɛa; Siméon nɔ tohoa hoho ²⁸ yi éyɔ dévia dé yiho alɔmé yi lé kafu Mawu lé gblɔ bé: ²⁹ "Apétɔ, fifia até na bé subɔlawo néyi lé n'ti fafa mé dobéna n'kpɔɛ sigbé léké owo n'tɔ odo n'gbé numua. ³⁰ Dobéna n'kunyéwo kpɔ dédé wo, ³¹ ké ojra do lé dukɔwo kpata ho n'kumé. ³² Iya yi nyi kadégban ké la klɛn na dukɔwo yi anyi n'tikɔkɔé na Izraël dukon a tsan." ³³ Maria kudo Yosɛf ho énu ku yi éwɔ ya niwo lé énukéwo kpata Siméon lé gblɔ tso Yésu n'tia. ³⁴ Siméon yrawo yi tona énɔa Maria bé: "odɔ dévi kia na amé sugbɔ ho anyi jéjé kudo tsotso déji lé lé Izraël sigbé jési ké latrɔ dodowo ³⁵ tsagbé amé sugbɔwo nédé wɔaho susu do létohoa yi wolayi apo dé wɔaho luvɔn léa ta." ³⁶ Nyɔnu ényagblɔdila dé tsa lé tsɔtsihɔamé ké yiho n'kɔ nyi Ana gbékumuagbé. Enyi Fanuel ké tso Yuda ho époméamé ké oyɔna bé Aser ho vi. Esrɔn a ku lé igbɔ éké odé wonɔnɔɛwo lé épé amandré ho n'gbodomé; ³⁷ yi énanyi sigbé ahosi épé blanyivɔné. Nyɔnu kia n'tso na lé tsɔtsihɔmé o, yi ésunabɔ ézan kudo n'kéké yi éwɔna n'tsitsidɔ kudo égbédododa. ³⁸ Nyɔnu kia zɔva Maria kudo Yosɛf gbɔ, yi étɔyiji lé kafu Mawu yi étɔɛji lé gblɔ Mésia ho nya na amékéwo kpata lé émɔ kpɔm na Yéruzalɛm ho déla. ³⁹ Eké Yésu ho jilawo wɔ énukéwo kpata élé bé wɔa wɔ lé Yéruzalɛm sigbé léké éséa bia tso wɔasi nɛnɛa, otrɔyi jo yi wɔaho édumé lé Nazarɛt ké lé Galiléa. ⁴⁰ Dévia tsi yi n'sé lé isi kudo énunyanya n'tɔ yi Mawu ho yrayra lé iji. ⁴¹ Yésu ho jilawo yina Yéruzalɛm épé dékpékpémé hado bé wɔava du Paska ho azan. ⁴² Yi éké Yésu hɔ épé wuiévéa, ogbé yi bé wɔadu azan lé éséa nu. ⁴³ Yi ké odu azan vɔ yi otrɔyi wɔagbɔ lé Nazarɛt, Yésu ya tsi tsɔtsihɔamé lé Yéruzalɛm, vɔa yiho jilawo ozɔ émɔ n'kéké dika vɔa omujio, ⁴⁴ dobéna wɔawo olé buibé élé kudo yiwo ho épomé tɔwo kudo éhɔnloawo lé n'gbodomé. Yi éké fiɛnsi do yi omukpɔɛwoa otɔɛji lé ji lé yiho épométɔwo gbɔ kudo aményanyawo gbɔ. ⁴⁵ Yi ké owun kpɔɛwoa, ogbé trɔ yiyi Yéruzalɛm bé wɔava ji lé guwun. ⁴⁶ Oji n'kéké amétɔ kungbɔho ova kpɔɛ lé tsɔtsihɔmé énayi dé éséfiala ganwo ho dodomé yi lé biawo énya ganganwo. ⁴⁷ Ewɔ ya niwo kpata ké lé dotoéa hado yiho énunyanya kudo énugɔmé sésé n'ti. ⁴⁸ Yiho jilawo omunya ényaké ola gblɔa éké okpɔɛawo, yi énɔa lé gblɔnɛ bé: "évinyé n'ka n'ti owɔ énukéa kudo mi yi? sé tatawo kudo ényé milé jiwo yi mitsaka lé miadékéwo mé!" ⁴⁹ Edo yinti nawo bé: "N'ka n'ti milé jimu yi? Mimunya bé n'do la nɔ tsɔtsihɔmé lé Tatanyé ho ahomé oa?" ⁵⁰ Vɔa yiho jilawo owun sé énya ké Yésu gɔmé o. ⁵¹ Tétéa Yésu trɔ iyi Nazarɛt kudo wo yi étsɔ bubu tso na yiho jilawo nyɔɛ n'tɔ. Yi énɔa tsɔ énya kiawo kpata tso wla dé yiho éjimé. ⁵² Vɔa Yésu gbékpɔtɔ lé tsi dé iji kudo énunyanya tsa lé yiho étagbɔ, yi Mawu kudo améwo lɔɛn vévédé.