¹ Améwo kpa otsɔɛ dé wɔadéké ji bé wɔaŋlɔ gamé kéwo yi énukéawo va imé mé lé miadoméa sigbé léké amékéwo lé ² tso gɔméjéjéawo gblɔɛ nu mi nɛnɛ, amékéwo nɔ itohoa va trɔzu Mawu ho édɔwɔlawo. ³ Yinti yi n'tsa n'tsa n'kpɔɛ bé ényɔ bé ma ji yi gɔmé kpɔ tso kaka gɔmé jéjéa yi ma ŋlɔɛ niwo ké la nyi agbalɛn nyɔɛdé Téofil. ⁴ Nji bé ola nya asihɔhɔ na énu fifia ké otso niwo." ⁵ Gakémé Hérodɛs nyi éfia lé Yudéa, édo mawunyagblɔla dé ké oyɔna bé Zakari ényi Abiatɔwo ho osɔfowo dométɔ dika. Yi ésrɔn a nyi arɔn ho jijimévi yi yiho n'kɔ nyi Elizabɛt. ⁶ Wɔamévéa onyi amé jɔjɔɛ lé Mawu ho n'kumé, dobé ozɔna dé Mawu ho séawo ji yi odona bubu Apétɔ n'ti. ⁷ Vɔa évi n'lé wɔasi o, dobé Elizabɛt nyi ékonɔ yi épé yina wɔamévéa kpata lé gakumuamé. ⁸ Gbédika, Zakari gbé lé yiho Mawu ho doa lé n'kɔ na Mawu, yi éké nyi wɔaho éhatsotso la wɔɛ gbékumoagbé, ⁹ yi lé wɔaho kɔnuawo nua odo la tsa osɔfo dika yi la do ézo na élifia lé tsɔtsihɔmé. ¹⁰ Eké azizɔ sugbɔ lé éhoaméa, amékéwo va bé wɔadogbéda otsi éhihé yi odogbéda. ¹¹ Apétɔla ho dɔla zén lé tsɔtsihɔamé, yi nɔté dé nudusi mé na ékplɔ ké n'ti owɔna tsɔtsia lé. ¹² Yi ké Zakari kpɔ dɔla, évɔn lé yidoké mé. ¹³ Vɔa dɔla lé tonɛ bé: "Zakari n'gbé vɔn o, dobé Mawu hɔ égbédoda wɔa. Esrɔnwo Elizabɛt la ji vi yi ola yɔɛ bé Yohanɛs. ¹⁴ Miamé amévéa miakpɔ jijɔ lé yiho jiji ta yi amédéwo tsan la tso aséyé kudo mi. ¹⁵ Dobéna dévia la nyi gan tɔ lé Mawu ho n'kumé, manu vɛn alo aha sésé dékpékpé o. Gbɔgbɔ kɔkoé lanɔ yiho dɔmé tso kaka énɔa ho podomé. ¹⁶ Akplɔ Israëlvi sugbɔwo tso va Mawu ho n'kumé. ¹⁷ Ela zɔn lé Mawu ho n'kumé kudo gbɔgbɔ kɔkɔékudo Elia ho nusén yi atrɔ kplɔ jilawo ho ji tso va wɔaho viwo gbɔ yi akplɔ améjaglawo tso zɔ lé nyatoho kudo énunyanya ho mɔji tsagbé néjrado édukɔ ké éjrado déna Apétoa." ¹⁸ Zari tona dɔla bé: "lémɔyi majési mɔ yi? Dobé n'tsi tɔgbé vɔ yi ésrɔnyé tsa ho épéa yi kénkén." ¹⁹ Dɔla do yinti nɛ bé: "n'kɔnyé yi nyi Gabriël, améké nɔnaté dé Mawu ho n'kumé, odɔm va bé magblɔ énya nyɔɛ kia nawo yi. ²⁰ Mana yi nanya bé ola trɔ zu éto kukunɔ yi omagbété ho nu o kaka na gakémé énɔa la va imé o dobé omukadé éjinyé o ké la va imé lé miaho gamé o." ²¹ Lé gakumuaméa kpata, amékéwo lé éhihéa lé jété kpɔ Zakari yi éwɔ ya niwo n'tɔ bé étsi tsɔtsihoamé didi n'tɔ. ²² Yi ké édoa, n'ja gbé té honu kudo amédé o yi osé igɔmé bé éhɔ dédéfia lé éhɔamé, yi éva nyi bé élé wɔ jési niwo yi n'gbé lé honu o. ²³ Tétéa ké yiho édɔwɔwɔ ho gamé vɔa, étrɔ yi yi igbɔ lé ahomé. ²⁴ Tétéa lé gapopo déwo ho n'gégbodomé ésrɔn a Elisabɛt fɔ éfu, yi éva wla wléti amaton, yi élé gblɔ bé: ²⁵ "kpɔ énuké apétɔ wɔ nam mua, édé ékonɔ nyinyi ho n'kpé lé éji lé améwo ho n'kumé." ²⁶ Lé Elizabɛt ho éfu fɔfɔ ho wléti amadéan méa, Mawu dɔ yiho dɔla Gabriel tsé dida Galiléa ho édudé mé ké owɔna bé Nazarɛt ²⁷ do tugbɛjɛ vi manya n'tsu dé gbɔ ké yiho n'gbétɔ srɔn yi nyi Yosɛf ké nyi David ho jijimévi. Tugbɛjɛ via ho n'kɔ yi nyi Maria, ²⁸ Gabriel va igbɔ va lé tonɛ bé: "n'tifafa niwo! éwo tugbɛjɛ ké kpɔ aménuvévé! Apétɔ la lé kudo wo." ²⁹ To énya kéawo jia Maria tsaka lé yidoké mé, yi lé bia sé bé: "égbédodo ni amé kiawo gɔmé dé?" ³⁰ Mawudɔla yi iji lé gblɔnɛ bé: "n'gbé vɔn o, Maria, dobé Mawu dji bé yéayra wo nukunu tɔ. ³¹ Ola fu éfu yi aji vi yi atsɔ n'kɔ nɛ bé Yésu. ³² Elatsi hi ola yɔɛ bé Mawu jipo vi tɔ la ho vi. Apétɔ Mawu atsɔ tɔgbéa David ho éfiazikpé tso nɛ. ³³ Nɛnɛ yi éla du éfia dé Yakɔb ho apéa ji yi yiho fiaduhoa mavɔ gbédé gbédé o." ³⁴ Maria lé bia Gabriél bé: "lémɔyi énukéa laté va imé mɔ dobé nyé munya n'tsu kpɔ o?" ³⁵ Mawudɔla lé do yinti nɛ bé: "gbɔgbɔ kɔkɔé la va éjiwo, yi Mawu ho n'sén la va éjiwo, yi lawɔɛ bé dévi ké ola jia la nɔ kɔkɔé yi éla nyi Mawu tɔ. ³⁶ Yi kpɔ éla nɔ sigé wléti amadén yi ké pométɔwo Elizabɛt fɔfu lé yiho nyangakuku mé, iya ké améwo yɔna bé: "ékonɔ", ³⁷ dobé n'gbé dékpékpé ké Mawu dona vana imé tututu." ³⁸ Maria gblɔ bé: "Apétɔ ho dɔla yi n'nyi yi n'dé kpékpé ké élé ji tso égbɔnyéa mawɔɛ, énya dékpékpé ké ogblɔ né va imé!" Tétéa Mawudɔla bu lé igbɔ. ³⁹ Lé n'kéké kumuawo méa, Maria tso yi yi éto ho édu dé mé ké lé Yudéa duamé. ⁴⁰ Edo Zakari ho ahomé yi dogbéna dida Elizabɛt. ⁴¹ Yi éké Elizabɛt sé Maria ho égbé dodoa, dévi ké lé yiho podo méa va kudo jijɔ tétéa Elizabɛt kpɔ jij ⁴² Elizabɛt da jijɔ ho aha yi lé honu kudo égbé sésén dé bé: "Oyrawo lé nyɔnuwo domé yi oyra dévi ké lé podomé niwoa. ⁴³ Bubu dé amé n'ti gan kala yi nyi kia bé owo Apétɔ ho énɔ nava kpɔm yi? ⁴⁴ Dobé ké ova yi dogbé namua, dévi ké lé podomé namua va kudo jijɔ. ⁴⁵ Wɔayrawo améké hɔɛsé; dobé énuké Mawu gblɔ la va imé." ⁴⁶ Tétéa Maria gblɔ bé: "luvɔ nyé kafu Apétɔ, ⁴⁷ yi n'lé jijɔ kpɔm lé Mawu améké wɔm n'ti. ⁴⁸ Dobé ékpɔ ényé yiho subɔvi ho nublanui, ɛn tso fifia jia améwo layɔm bé Mawu ho amé yrayra tso jijiméwo yi jijimé. ⁴⁹ Dobéna ŋsén wɔ énuganwo nam; kɔkɔɛ yi nyi yiho n'kɔ! ⁵⁰ Yiho nublanuikpɔkpɔ lé na amékéwo vɔnɛ tso jijiméwo yi jijimé. ⁵¹ Ewɔna énu do nusénwo kudo yiho alɔwo tso kakana amékéwo donu susu badawo. ⁵² Edéna éfiawo lé wɔaho éfia ho azikpéawo ji, yi édona amékéwo obɔbɔna doji. ⁵³ Etsɔna énunyɔɛwo tso donapo na amékéwo adɔ lé wuwo, vɔa ényana étsitɔwo jo alɔ gbalo. ⁵⁴ Ekpédé yiho dɔla izraël n'ti tsagbé nétsɔ yiho énublanuikpɔkpɔ niwo ⁵⁵ (sigbé léké égblɔna miaho tatawoa) na Abraham kudo yiho jijimé viwo tso yi mavɔ." ⁵⁶ Maria nɔ Elizabɛt sigbé wléti amétɔ nɛnɛ, kén'gbɔ yi étrɔyi yigbɔ. ⁵⁷ Elizabɛt ho vi jiji ho gamé vado, yi éji vi n'tsuvi. ⁵⁸ Enya kia kaka dé yiho épométɔwo gbɔ kudo yitɔwo gbɔ yi osé énugan ké Apétɔ nyɔ podomé yi wɔna Elizabɛt yi wɔakpata okpɔ jijɔ. ⁵⁹ Eké dévia hɔ n'kéké aményia, pométɔawo kudo yiho éhɔnlɔwo ova bé wɔawɔ ava tsotso ho kɔnu alo n'kéké aményi ho kɔnu ni dévia. Wɔakpata olé busé bé: "ola tsɔ tata Zakari ho n'kɔnɛ." ⁶⁰ Vɔa énɔa gbé yi gblɔ bé ola yɔɛ bé: "Yohanɛs." ⁶¹ Améawo lé gblɔ nɛ bé: "vɔa amédé kpékpé n'lé poméa kpata mé ké oyɔna nɛnɛ o dé?" ⁶² Tétéa éwɔ jési na Dévia ho tata tsagbé nénya bé lémɔyi éji bé ola yɔ dévia. ⁶³ Zakari bia yi otsɔ homa ka dé vanɛ yi éŋlɔ dé iji bé: "yiho ŋkɔ yi nyi Yohanɛs." Tétéa éwɔ nukunu ni wɔakpata. ⁶⁴ Tété Zakari ho énu hun yi égbélé honu sigbé san nɛnɛ. ⁶⁵ Ekafu Mawu kudo jijɔ. Enua kpata wɔ nukunu na amékéwo ho aho pohla déwoa yi vɔnvɔn lé wɔakpata kudo Yudéa ho édumé tɔwo kpata yi olé honu tso énya jɔjɔawo n'ti. ⁶⁶ Amédékpékpé ké sé énya butamé lé yinti n'tɔ yi olé bia wɔadékéwo lé wɔaho éjiwo mé bé: "Lémɔn yi dévi kia ja va trɔ mɔn?" Dobé Mawu ho alɔ lé iji. ⁶⁷ Gbɔgbɔkɔkɔé yɔ tata Zakari mé yi égblɔ énya kiawo bé: ⁶⁸ "wɔakafu Apétɔ, Izraël ho Mawu dobé éva yi dé yiho dukɔ. ⁶⁹ Edo dédé ho n'sén anyi ni mi lé yiho dɔla David, ho ahoa, ⁷⁰ sigbé léké égblɔɛ tso yiho énya gblɔdila kɔkɔɛwo ji lé bléma méa, ⁷¹ bé yéadé mi lé miaho éfutɔwo kudo amékéwo léfu mia ho asimé. ⁷² Ekpɔ nublanui na miaho tatawo yi édo n'ku yiho énublabla kɔkɔé ⁷³ kudo atam ké ékana miaho tata Abraham la ji, ⁷⁴ bé yéadé mi lé miaho futɔwo ho alɔmé yi miasubɔɛ vɔvɔn manɔɛ imé tɔ ⁷⁵ lé yiho n'kumé lé kɔkɔɛnyinyi kudo jɔjɔɛnyényé mé lé miaho n'kékéwo kpata mé. ⁷⁶ Yi owo évinyé ola yɔ wo bé jipo vi tɔ ho ényagblɔdila, dobé ola zɔ lé n'kɔ na Apétɔ bé najra émɔ di nɛ ⁷⁷ bé natsɔ hɔhɔ ho ésijéjé na yiho dukɔ to wɔaho énuvɔnwo ho tsɔtsɔké mé. ⁷⁸ Lé miaho Mawu la ho nubanui kpɔkpɔ mé sugbɔ n'ti yi to ékiajia, éla va sigbé dɔnkusu yi élava bi dé miaji tso jipo, ⁷⁹ yi aklɛn na amékéwo lé viviti méa kudo éku ho viviti méa tsagbé nakplɔmi yi n'tifafa ho mɔ ji." ⁸⁰ Yi dévia va tsi yi vatrɔ zu n'sétɔ lé gbɔgbɔmé. Etsi lé zogbé ji yi tséna gakémé éva dé yigékétsé lé fian Izraël tɔwo.