¹ Azan ké Yudatɔwo tsɔ n'kɔ na bé Paska gogo ké nyi kpɔnɔ ké owun do isi imé ho azan. ² Yi lé gakumua méa Yudatɔwo ho agbalɛn fialawo kudo osɔfoganwo lé ji léké wɔawɔ yi wu Yésua vɔa olé vɔn na dukoa. ³ Abusam va do Yuda Iskariot mé, Yésu ho énusrɔnla wuivéo ho dométɔ dika. ⁴ Tétéa Yuda yi vawɔ énu dika kudo Osɔfoganwo kudo tsɔtsihɔmé ho asrafowo ho améganwo gbɔ yi va sa Yésu nawo. ⁵ Ejijɔwo n'tɔ yi do n'gbé nɛ bé yéwoa tu éga nɛ. ⁶ Tso énya kia jia Yuda lɔ yi lé ji émɔnukpɔkpɔ nyɔɛtɔ yi nétsɔ Yésu dé asi nawo lé améhawo ho manya manya mé. ⁷ Yi Paska ho n'kéké nyɔɛ vado ké éhian bé oné wu alɛngbɔ dika. ⁸ Yésu dɔ Pétro kudo Yohanɛs yi tonawo bé: "miyi yi mivava jrajrado tsagbé miatéwun vadu Paska ho azan." ⁹ Obiɔɛ bé: "ganɛ ji oji bé miayi va jrado yi?" ¹⁰ Edo yinti nawo bé: "misé né inyi bé mido Yéruzalɛm ho édua méa miakpɔ n'tsu dé ké lé étsi zén, miti do yi aho kémé éladoa mé. ¹¹ Yi miagblɔ na ahotoa bé: "Enufila bé mia biawo bé: "ganɛ ji ojra do ni ényé kudo énusrɔnla nyéwo bé miadu Paska ho azan lé yi? ¹² aƒea tɔ akplɔ mi ayi ji ƒoxɔa ji eye woafia xɔ ga ade si me wodzra do la mi. Teƒe lae nye ma. Miyi eye miado kplɔ de afi ma" ¹³ Woyi dua mr eye wokpoo nu sia nu abe ale si Yesu gblɔe ene, eye wodo kplɔ de xɔa mehena nutitoto nkekea dudu le fie ma. ¹⁴ Yesu kple nusrɔla mamleawo va do le yeyiye si wodo dio la meeye wo kata wonɔ kplɔa nu hena nua dudu. ¹⁵ Yesu gblɔ na nusrɔlawo be, "Menɔ mɔ kpɔm vevie be madu nutitoto nkekea ƒe nududu sia kpli mi hafi nyr fukpekpewo nadze egɔme. ¹⁶ Elabena medi be mianya fif be nyemagadui akpɔ o, va se de esime wode nu si tututu wonye la de go le mawufiadu ƒea me" ¹⁷ Azɔ etso sainkplu deka, eye esi woda akpé de eta vɔ la, egblɔ na wo be, "Mixɔe eye ame sia ame nanoe. ¹⁸ Elabena nyemagano wain akpɔ o va se de esime mawufiadu ƒelava". ¹⁹ Emegbe etsɔ ablo, eye esi woda akpe na Mawu le eta vɔ la, ene eme eye wotsɔe na nusrɔwo hegblɔ be, ²⁰ Esia nye nye nutiula, si wotsɔ na de mia ta. Midui ne miado nku jinye ²¹ Mikpɔ nyɔdé dobé améké ja tramua lé ékplɔa n'ti kudom. ²² Doobé amégbétɔ ho via ja sigbé lé onlɔɛ. Vɔa ba na améké la tramua. ²³ Yi otɔ iji lé bia wodékéo bé mɛka yi nyi amé kumua yi ké la wɔ énukum. ²⁴ Tétéa éjré va womé lé énya ké Yésu gblɔa n'ti tsagbé wɔanya améké ja wɔ énu bada kia. ²⁵ Ogblɔ nawo bé: "Etrɔnsubɔlawo ho éfiɔ du wɔaji, yi amékéo do n'sé dé ojia woé nyi bubumé ho kplɔlawo. ²⁶ Vɔa n'lé gblɔɛ bé manɔ nɛnɛ ni mio. Vɔa tso wua yi nyi bé améké nyi amé tsitsin lé miaméa né tsɔ yidoké trɔzu vifɛn. Yi améké nyi bubu ho améa né subɔ yitɔwo. ²⁷ Dobé mɛka yi nyi amégan: "améké lé ékplɔ n'tia alo améké nyi édɔtsɔvi? Vɔa n'nɔna miamé sigbé améké lé subɔ. ²⁸ Miawo yi nyi amékéo do ji yi nɔanyi kudom lé tétékpɔwo mé. ²⁹ Mana mi Jipo fiaduho, sigbé léké tatanyé tsɔɛ nam nɛnɛ ³⁰ yi miaté vadunu yi nu énu kudom lé ékplɔ n'ti lé éfiaduho nyéa mé. Yi miananyi dé éfiazikpéwo ji yi miado kojoé na Izraël ho éfia du améwuivéawo. ³¹ Simɔn, Simɔn kpɔ nyɔɛdé dobé Abusam lé ji bé yéa fu mi sigbé léké ofuna bafoa nɛnɛ. ³² Ganké n'dogbéda dé étawo bé hɔséwo nédéo. Yi né otrɔva odoké méa, do n'sé nɔviwo kpɔtɔɛwo yi nawɔ bé wɔaho hɔséwo nétsin dé iji. ³³ Pétro gblɔnɛ bé: "Enufiala n'lé égbésɔsɔ bé mayi gakpamé alo maku kudowo." ³⁴ Yi Yésu do yinti nɛ bé: "Pétro, n'kadé iji nawo bé koklo tsu n'ja ku atɔ zitɔ égbé kégbɔnho nagbé zitɔ kpata bé yi n'jési mua." ³⁵ Yésu gbé bia yiho nusrɔnlawo bé: "Ké n'dɔ mi yi bé miava gblɔ Mawu ho énya nyɔɛ, yi mimu tsɔ éga, émɔzɔnzɔn ho kotokuwo dé asi woa dé, n'dé hian mia?" Odo yinti nɛ bé "n'dékpékpé n'hia mio." ³⁶ Yi égblɔna wo bé: "fifia mitsɔ émɔzɔnzɔn kotokuwo né inyi bé élé miasi. Mitsɔb éga tsan dé asi yi né améké si n'lé woa, nésa yiho awu yi nétso plé éhɛ. ³⁷ Dobé n'lé gblɔɛ ni mi bé énuké oŋlɔ dé n'tinyéa néva imé godo: "wɔadrɔn vɔnui sigbé énuvɔn wɔla nɛnɛ" ³⁸ Enusrɔnlawo do yinti nɛ bé: "apétɔ kpɔ éhɛ amévé lé miasi lé gɛké:" Yi édo yinti nuwo bé: "ésugbɔ." ³⁹ Ké odunua vɔa Yésu gbé wɔɛ sigbé léké éwɔnɛ hohoa. Eyi Olivia ho toaji yi énusrɔnlawo ti do. ⁴⁰ Ké ova doa, étonawo bé: "Midogbéda bé min'gbé jé tétékpɔ mé o." ⁴¹ Tétéa étso lé énufialawo gbɔ yi éjéklo dé ékpé dé gbɔ, yi dogbéna ⁴² lé gblɔ bé: " tata né inyi bé owo n'tɔ ho lɔlɔnua, wɔ yi ékukia néto n'tinyé yi, vɔa n'yi lɔlɔnyé nu yio; vɔa tɔwo ko wɔawɔ." ⁴³ Tétéa Mawudɔla dé tso jipo va yi doé éwunsé. ⁴⁴ Dobéna yiho gbɔgbɔ lé sé vévémé n'tɔ, éja adé yi yiho adéa lé gé dé anyigba sibé éhun nɛnɛ. ⁴⁵ Ké édo gbéda vɔa, étso yi va énusrɔnlawo gbɔ, yi éva kpɔwo olé danlɔn dobéna odanlɔ dobé ofa konyi kaka wɔaho lamé gbɔjɔ. ⁴⁶ Tétéa Yésu lé daha bé: milɛn dalɔn yéa? Mifɔn kaba yi miadogbéda tsagbé miwun gbé va gédé tétékpɔ méo." ⁴⁷ Ké élé gblɔ énya kiawoa, améha dé do dé iji kudo Yuda Iskariɔt, apostoloawo dométɔ dika ké kplɔwo va bé wɔalé Yésu. Eva kplasi ékɔna Yésu yi ékisi nɛ, ⁴⁸ vɔa Yésu tonɛ bé: "Yuda ésikiki n'tiji otra amegbetɔ via? ⁴⁹ Eké énusrɔnla kpɔtɔɛwo lé kpɔ énuké lé ja jɔa, odaha bé: "Apétɔ miawɔ avu kudowoé? Mitsɔ miaho éhɛawo dé asi!" ⁵⁰ Tétéa énusrɔnlawo dométɔ dika dé yiho éhɛa yi kpa étona Osɔfo gantɔ ho subɔvi dika. Yi ⁵¹ Yésu gblɔnɛ bé min'gbé wɔ avu kudowo, mitatiwo; yi Yésu tsɔ alɔ tɔ Subɔvia ho to yi étsa zidika. ⁵² Yésu lé bia Osɔfoganwo, éhaméméganwo kudo tsɔtsihɔmésrafowo ho amégan kéwo lé améha ho n'kɔ va bé: "fianfi yi n'nyia yi mitsɔ kundruwo kudo kpatsawo va bé mialén wuan? ⁵³ N'ka n'ti yi miwun lém lé tsɔtsihɔmé ké inyi bé ényé kudo mi milé gasiagaméo. Vɔa gakiamé yi nyi gamé nyɔɛtoa ni mi, kudo gakémé Abusam ho n'sé lé du ji." ⁵⁴ Olé yi okplɔɛ yi okplɔɛ yi Osɔfogantɔ ho aho mé, yi Pétro ti do. ⁵⁵ Yi ké asrafoawo bɔzo dé ahoa ho dodomé yi pohlan dé ézoa tsagbé avuvɔ n'gbéwɔwoa, Pétro tsan lé wogbɔ. ⁵⁶ Nyɔnu édɔtsɔla dé kpɔɛ dobé énanyi yi ézoa lé kpɔɛ, yi élé gblɔ bé: "n'tsu kia tsan tinɛ do lé n'gbé." ⁵⁷ Vɔa Pétro gbé lé gblɔ bé: "Nyɔnu nyéwun jési amékuwun lé toho dé o." ⁵⁸ Ké éwɔ vidéa amébu tsan gbé kpɔɛ, yi gblɔ bé: "wɔadométɔ dika yi onyi." Pétro gbédo yinti nɛ bé: "gbédé, amégan nyémujési lé toho dé o." ⁵⁹ Sigbé gapopo dika ho n'gbodoméa, amébu tsan gbé gblɔ bé: "n'nya bé amékia lanyi Yésu ho nusrɔnlawo dométɔ dika dobé iya tsan nyi Galiléatɔ yi." ⁶⁰ Pétro gblɔbé: "amégan nyé wunya énya dé tso énuké olé gblɔa n'ti o." Yi ké égblɔ ényavɔ zidika, koklo kuaton. ⁶¹ Lé gakumuamé tututa, Yésu trɔ yi kpɔ Pétro. Tétéa Pétro do n'ku énya ké Yésu gblɔnɛa bé: "kungbɔho koklo néku atɔn zitɔn égbéa agbé bé yinjési mu o zitɔ kpata." ⁶² Pétro tso lé ahoamé yi yi éhɔgbodomé va fanvi n'tɔ. ⁶³ N'tsu sɔja kéwo lé Yésua olé koé yi olé poé tsan. ⁶⁴ Otsɔnu tsɔn yiho n'kumé yi olé biɔ bé: "gblɔ ni mi, mɛkayi powo?" ⁶⁵ Tso kpé dé kia n'tia ozui ézu pomévi badbadawo. ⁶⁶ Yi ké éwu kéa, Yudatɔwo ho osɔfo ganwo, éduméganwo kudo agbalɛn filawo kplɔ Yésu yi wɔaho bɔbɔ toho, ⁶⁷ yi ogblɔ bé: "né Kristo yi onyia, gblɔɛ ni mi." Yésu do yinti nawo bé: "né n'glɔɛ ni mia mimuja kadé éjinyéwo ⁶⁸ yi né n'wɔ bubua ni mia miwunja té do yintio. ⁶⁹ Gankéa gamé lé gbɔna ké wɔado ényé Mésia lé éfia ho azikpé ji lé Mawu n'sékatatɔ ho n'dusi mé. ⁷⁰ Améawo kpata daha sésédé bé: "la olé gblɔ bé Mawu vi yi onyia?" Yi odo yinti nɔwo bé: "miawo n'tɔ migblɔɛ, yi munyia." ⁷¹ Améawo gbé da aha bé: "migbé hian énya buwo tso amékia n'tia? Dobé mia n'tɔ misé énya tso yiho numé."