¹ Wɔakpata otso yi kplɔ Yésu yi Pilato ho n'kɔ. ² Otsɔ énya dé yinti, lé gblɔ bé: "mikpɔ n'tsu kia, élé gblém na améwo miaho édukɔamé lé tona améwo bé owun gbé jɔ éduga na Kaizaro, yi égbé lé yɔ yidoké bé Kristo ké nyi éfia ké lava va." ³ Pilato biɔɛ énya kudo énya kéwo ogblɔ dé yintia nu bé: "owo yi nyi Yudatɔwo ho fiɔa?" Yésu do yinti nɛ bé: "owo n'tɔ ogblɔɛ." ⁴ Pilato glɔna osɔfoganwo kudo améha bé: "nyémukpɔ évodada lé amékia n'ti o." ⁵ Vɔa ogbé yi iji lé gblɔ bé: " éna bé améwo tso dé éjidudua n'ti lé toho dé kpékpé, yi éléfianu tso Yudéa, yi tso kaka Galiléa étɔn iji tso kaka vasé do gɛké." ⁶ Ké Pilato sé énya kiawoa, élé biɔ bé galiléatɔ yi ényia. ⁷ Yi ké énya bé Hérodɛs ho éfiadu mé yi étsoa, étonuwo bé oné kplɔɛ yi Hérodɛs gbɔ lé Yéruzalɛm lé n'kéké kumuawo mé. ⁸ Ké Hérodɛs kpɔ Yésua, éji gandé jɔɛ dobé éjina hoho bé yéakpɔɛ hado énya kéwo améwo gblɔna tso yintia, yi étɔnaté kpɔɛ bé néva wɔ nukunu yi yéakpɔ. ⁹ Ewɔ biabia sugbɔ na Yésu, vɔa Yésu n'do n'nya dé kpékpé inti nɛ o. ¹⁰ Lé gakumuawo mé kpata, Osɔfoganwo kudo agbalɛn fialawo lé guwun yi olé tsɔ énya dé yi nu. ¹¹ Hérodɛs kudo yiho sɔjawo zui yi okoé yi odo awu bu nɛ, yi otrɔ doé duda Pilato gbɔ. ¹² Hérodɛs kudo Pilato otrɔ zu hɔnlɔwozidika dobé san oké nyi futɔ na wɔanɔɛ. ¹³ Pilato bɔ éduamétɔwo kudo tsitiawo, ¹⁴ yi tonawo bé: "mikplɔ n'tsu kia vanam sigbé améké na améwo tso dé wɔaho édu kplɔtɔwo n'ti. Yi n'ti wɔ biabia ni mi nyémukpɔ bada lé yinti o. ¹⁵ Hérodɛs tsan n'kpɔ bada dé o ké milétsɔ dé yintia bé miawui. ¹⁶ Fifia mapoé yi madati. ¹⁷ Yi pilato do la dasi lé gakpamé nɔtɔ dika n'ti na Yudatɔwo lé Paska ho azan ji. ¹⁸ Vɔa wɔakpata odaha bé barabas. ¹⁹ dobé Barabas nyi fianfi dé tso édu dé mé, kudo améwutɔ. ²⁰ Pilato gbé biawo zidika ké tsagbé nétéwu tati Yésu. ²¹ Yi odaha bé kɛn dé ati n'ti! kɛn dé ati n'ti!" ²² Egbé biawo zitɔn gɔa bé bada ka yi éwɔ? Nyémukpɔ bada dé lé yinti o ké laté wɔɛ bé ola wui o. Matati né inyi bé opo vɔ." ²³ vɔa ogbé té égbé dé yiji bé néwui. ²⁴ Yi Pilato wɔdé wɔaho bibiawo ji. ²⁵ Etati améké lé gakpaméa, yi tsɔ Yésu nawo bé oné wui. ²⁶ Ké okplɔ Yésu yina wɔava wua okpɔ Simon ké tso ébomé gbana yi ozi iji bé nélé Yésu ho atitsoga ho n'gbodomé. ²⁷ Amésugbɔ tso tiwo yi olé fan konyi na yésu. ²⁸ Yésu trɔ yi lé tonawo bé: "Yéruzalɛm nyɔnuwo min'gbé fanvi dé éta nyéwo vɔa dé mia n'tɔ kudo miaviwo ta. ²⁹ dobé n'kéké dé lava va yi ola gblɔna étowo bé oné munyé mia ji. ³⁰ yi woamujé miaji. ³¹ dobé né inyi bé amé wɔ énukiawo yi lé ati mumu ho gaméa dé lémɔ yi éla nɔna ati huhuwo. ³² Okplɔ fianfi amévé tso gbé dé yinti bé wɔawu wɔatsan. ³³ ké ovado toho ké oyɔna bé amétakɔlipéa, okan Yésu kudo fianfi amévéawo, dika lé émiɔ mé yi dika lé dusi mé. ³⁴ Yésu gblɔbé fofo tsƥɔɛ kéo dobéna owunya énuké wum olé. tétéa oma yiho awuwo. ³⁵ Edukɔa jété dɛ ké ké Yudatɔwo ho améganwo lé koé lé gblɔ bé:" né inyi amébuwoa éwɔnɛ, n'ka n'ti mawɔ yidoké tɔwo. ³⁶ Sɔjawo tsan lé koé yi otsɔ aha sésé nɛ bé nénu ³⁷ yi olé gblɔ nɛ bé né onyi Yudatɔwo ho éfiɔ dé édokéwo" ³⁸ yi onlo dé yiho étagbé bé: "Amékia bé yényi Yudatɔwo ho éfia." ³⁹ Fianfia dika zui yi lé gblɔ bé n'nyi obé onyi kristo dé édokéwo yi nadé miatsan. ⁴⁰ yi évégo&an gbénɛ bé n'honu nyɔɛdé o bé amékia n'wɔ n'dé o vɔ ⁴¹ miawo ya éjé mi, vɔa amékia n'wɔ n'déwo. ⁴² Yi égblɔna Yésu bé Apétɔ do n'ku éjinyé yi né va yi jipo fiadu ho mé. ⁴³ Yésu do yinti nɛ bé tso égbéa jia anɔ Paridiso mé kudom." ⁴⁴ Elé sigbé gapopo amadɛn gɔaji yi vivi do dé éhihéa mé kpata yi kaka gapopo amasidika gɔan ji, ⁴⁵ dɔkusu tsi wlawlamé yi tsɔtsihɔ ho aflanga zé dé toho vé. ⁴⁶ Yésu daha kudo égbén sésé dé bé: "tata asiwomé yi n'tsɔ gbɔgbɔnyé do." ké egblɔ énya kiawo vɔa égbɔn. ⁴⁷ Yi éké Romasrafo kpɔ énuké joa, ékafu Mawu yi gblɔ bé: "nyatoho améjɔjɔɛ yinyi amékia." ⁴⁸ Yi améékéwo kpata lé guwun ké gbɔ énua jɔa tso woaho alɔwo po akɔta. ⁴⁹ Yésu ho aményanyawo kudo nyɔnuwo ké oti do lé Galiléa, jété lé didi toho yi lé kpɔ énuké lé joa. ⁵⁰ Kpɔ n'tsua dé ho n'kɔ yi nyi Yosef, ényi améjɔjɔɛ, ⁵¹ ényi Arimatia tɔwo, yudatɔwo ho édu dé yi, yi élé jété kpɔ Mawu fiaduhoa n'tɔ. ⁵² N'tsu kia yi Pilato gbɔ va biɔ bé nétsɔ Yésu ho n'tilan kukua na yé yi éla di. ⁵³ Etsɔ aklala hé tso bla Yésu yi tsɔɛ tso mloanyi éyɔdo yéyé ké amédé n'mlɔmé kpɔwoa mé. ⁵⁴ Enyi jrajrado n'kéké na Sabat. ⁵⁵ Nyɔnu kéwo tso Galiléa va kplɔ Yosef yi éyɔdoa gbɔ tsagbé nété tsɔ Yésu ho n'lian kukua di. ⁵⁶ Yi ké otrɔ joa ova ji ami hɔnhɔɛnwo kudo Parfɛnwo bé wɔava sina Yésu ho n'tilan kukua. Yi ogbɔdémé ké inyi bé Sabat ho n'kéké yi sigbé léké Yudatɔwo ho éséa biɔ nɛnɛ.