¹ Eké Yésu tsité do tsɔtsihɔaméa, élé lé n'ku dé léké étsitɔwo lé tsɔ wɔaho énujɔjɔwo dé égajɔgban méa. ² Ekpɔ ahosi dé ké nyi wɔaménɔ ké tsa tsɔ ékpé ho éga amévé dé égajɔgban mé. ³ Yi Yésu gblɔ bé: "lé nyatoho méa, n'lé gblɔɛ ni mi bé ahosi kia ho énujɔjɔa kpéwu amédékpékpétɔ. ⁴ Dobé égatɔ kiawo tsɔ énukéwo n'hianwoa ho toho vidé yi vajɔ vɔa ahosi kia tsɔ énuké lé isia kpata tso va jɔ na Mawu." ⁵ Ké Yésu ho nusrɔnla déwo lé honu lé léké odo atsan na tsɔtsihɔa n'tia kudo énujɔjɔawo n'tia, Yésu lé tonawo bé: ⁶ "énukiawo yi miawo ya milé kpɔa, gamélé gbana ké ékpé lanɔ ékpé ji yi éla mu." ⁷ Olé biɔsé bé: "Apétɔ gakamé yi énukiawo kpata lava imé yi? yi n'ka yi nyi jésia né inyi bé énukiawo lava va imé yi?" ⁸ Yésu do yinti nawo bé: "min'gbé na bé amédé né flu mio! Dobé amésugbɔ lava lé n'kɔnyé ji, yi olagblɔ bé: "ényé yi gaméa su, migbé ti do lé n'gbé o." ⁹ Né inyi bé milésé avawɔwɔwo kudo hunyahunyawo va lé joa, n'gbéwɔ n'da ni mio, dobé énukiawo la va imé vɔa énuwuwua n'ja ti do zidika o." ¹⁰ Tétéa égbé gblɔnawo bé: "Edukɔn atso dé édukɔn ji, yi éfiaduwo wɔatso dé éfiadu buwo ji. ¹¹ Anyigba lahuhun sésédé lé toho vovovowo, féfé léaméwo lava va, édɔ badabadawo wɔakaka dé éhihéamé yi vɔvɔnwo azén lé jipo. ¹² yi kéngbɔ énukiawo néva iméa, wɔati miayomé vévédé, yi kplɔmiyi tsɔtsihɔwo kudo gakpamé. ¹³ Enukia la na mi émɔnu kpɔkpɔ bé miadi dasé. ¹⁴ Yita mingbé tsi ji lé léké miawɔ yi miavlé miadokéo ta né inyi bé otsɔ énya dé miawu, ¹⁵ dobé mana mi énya adidowo ké miaho futɔwo omaté tɔté démiaho n'kumé o. ¹⁶ Miaho jilawo n'tɔtsan, miaho nɔviwo kudo miaho éhlonwo la do mi asi. ¹⁷ Ola tsri mi n'tɔ hado n'tinyé. ¹⁸ Vɔa n'kadé iji ni mi bé éda dika tété n'ja bu lé lé éta ni mi o. ¹⁹ Yi kudo véviédodoa ta miaho luvɔnwo lakpɔ dédé. ²⁰ Yi né miva kpɔ sɔjawo pohlan do Yéruzalɛmua, mianya zidika bé yiho tsrɔntsrɔn ho gamé la gogo. ²¹ Yi mina amékéo lé Yudéa onési yi étowo ji. ²² Dobé éla nyi énuwuwua ho n'kéké yi sigbé énuŋlɔŋlɔ hohoawo gblɔɛ nɛnɛ. ²³ Baba na éfunɔwo kudo amékélalé na wɔaho viwo anɔ, dobé énuhaha sugbɔ lava anyigba kia ji yi Mawu ho dɔmézozo la va dukɔa ji. ²⁴ Wɔawuwo kudo éhɛ, ola lé wo lé Yéruzalɛm kaka na gakémé trɔnsubɔlawo latrɔ éjimé. ²⁵ Jésiwo lanɔ n'dɔkusu kudo, wléti, kudo wlétiviwo mé. Yi lé anyigba jia hunyahunya ava édukɔwo ji yi wɔatsaka dobéna apu adaha sésédé. ²⁶ Améwo laku lé vɔvɔn ta hado énuké ja joa n'ti dobéna jipo n'tɔ bé n'sé awuwu sésédé. ²⁷ Yi miakpɔ amégbétɔ ho via la di tso jipo gbana kudo n'sé kudo jijɔ. ²⁸ Né inyi bé énukéawo va lé jɔa, mifɔn miaho étawo yi ji dobé miaho dédékpɔkpɔ ho gamé gogo." ²⁹ Yésu do élo nawo bé: "mikpɔ awuti ho ati kudo kudo ati bu. ³⁰ Né inyi bé odo amakpawoa, miakpɔwo yi do jési lé miadékéwo mé yi mianya bé zozo ho gamé gogo. ³¹ Nɛnɛ ké yi mikpɔ énukéawo mianya bé jipo fiaduhoa gogo. ³² Lé nyatoho méa n'lé gblɔɛ ni mi bé jijimé kiawo n'javayi kungbɔho énukiao wɔajɔ o. ³³ Jipo kudo anyigba, lava yi vɔa énya nyéa la nɔanyi yi da. ³⁴ Mikpɔ miadékéwo ji nyɔɛ tsagbé min'gbéva jé tétékpɔ mé o bé n'kékéa n'gbéva lili mio, ³⁵ yi sigbé gamɔ nɛnɛ o. dobé éla va amédékpékpé ké lé anyigba ji. ³⁶ Midogbéda gasiamé tsagbé vɔn dékpékpé n'gbé va jé miaji o ³⁷ Yi gakumuawo Yusu lé fianu lé tsɔtsihɔmé, yi va tsi wundɔ lé olivia toaji. ³⁸ Améwo va yigbɔ lé n'déké bé wɔasé Mawu ho énya.