¹ Eva va imé bé gbédika Yésu lé fianu améwo lé tsɔtsihɔmé, yi Osɔfoganwo, agbalɛnfialawo kudo éduméganwo tsan nɔ tohoa. ² Olé biɔɛ bé: "gblɔ ni mi, mɛkayi nɔwo n'sé bé nawɔ énukiawo yi?" ³ Edo yinti nawo bé: "n'tsa mawɔ biasé kia ni mi. Migblɔ nam, ⁴ Yohanɛs ho Mawutsi déta dodo na améwoa tso jipo ya alo amégbétɔwo gbɔ yi?" ⁵ Olé bia wɔadékéwo lé gblɔ bé: "né inyi bé mido yinti bé: "jipoa," éla gblɔ bé: "fifia n'ka n'ti yi mimuhɔ iji sé o?" ⁶ Yi né migbé gblɔ bé: "amégbétɔwo gbɔ yi itso la," amékiawo kpata ladakpé mi, dobé oka dé iji bé Yohanɛs nyi ényagblɔdila yi." ⁷ Tétéa odo yinti na Yésu bé: "mimunya toho ké étso. ⁸ Yi Yésu gblɔnawo bé: "kola ényé tsan mado miaho biabiawo n'ti nu mi o." ⁹ Yésu do élo kia na améha bé: "n'tsu dé do vɛn ho ati yi hɛyɛ na améwo yi yin'tɔ jo yi édu didi dé mé. ¹⁰ Yi ké gamésu bé wɔagbé wɛn ho ékutsétséawoa, édɔ yiho subɔla dika duda ébodélawo tsagbé onété tsɔ yitɔ nɛ. Ebodélawo po subɔla n'tɔ yi éjo alɔ gbalo. ¹¹ égbé dɔ énusrɔnla bu va yi ogbé wɔna yitsa nɛnɛ. ¹² Apétoa gbé dɔ étɔn goa va yi odo abi yinti yi onyɛ jo. ¹³ Fifia Ebotoa dɔ évia duda tahunyɔwoa ola do bubu iya n'ti. ¹⁴ Ké apatɔawo kpɔɛ ogblɔ bé: "mikpɔ égomé nyila, mina miawui yi énuawo nétsi ni mi." ¹⁵ Olé do lé éboamé yi owui. fifia dé n'ka yi améké tɔ yi nyi éboawo lawɔ nuwo? ¹⁶ éla va yi tsrɔn amékiawo yi hɔ amébuwoa. Yi ké osé énya kumuawo, ogblɔ bé "n'gbé jro Mawu o." ¹⁷ voa Yésu kpowo yi lé miawo bé: "énunlɔnlɔ kia gɔmé dé? " ékpé ké éhɔtulawo gbéa iya yi vatrɔ zu jogoé na éhoa? ¹⁸ Améké lagédé ékpéa ji, éla nɛ gudgudu, yi amékéji ékpéa la jéa la mɛ. ¹⁹ tétéa osɔfoganwo kudo agbalɛn fialawo lé ji bé wɔa lé zidika, dobé onya bé édolo kia nawo yi, vɔa olé vɔn édukɔan. ²⁰ Eké olé ji émɔ lé yintia odɔ amédéwo nɛ bé oné va biɔ ényawo tsangbé wɔaté kplɔɛ yi éduméganwo gbɔ. ²¹ Olé biɔ bé apétɔ minya bé olé fianu jɔjɔɛnyényé yi, vɔa n'kayi olé fia mi lé Mawu ho mɔ ji lé nyatoho mé. ²² Miawo ya dé ékpɔ n'kumé ni mi bé miatu éduga na Kaizaroa?'' ²³ Vɔa Yésu nya wɔaho ayé yi lé gblɔnawo bé: ²⁴ Mitsɔ égadé tso fiam. Mɛka ho nɔnɔmé tata yi lé iji yi?" odo yinti nɛ bé: "kaizaro." ²⁵ Tétéa étonawo bé énuké nyi Kaizarotɔ na Kaizaro yi nmiatsɔ énuké nyi Mawutɔ na Mawu." ²⁶ Omagbé té gblɔ ényadé tso énya kia n'ti o. Dotia wɔ ya nuwo, vɔa owun gblɔ énya déwo. ²⁷ Yi ké Zadukitɔ déwo hɔ iji sé bé amékuku mafɔn woa gogo Yésu byi lé wɔ bibia nɛ: ²⁸ "Apétɔ kpɔ énuké Mosé fiɔ mia: "né inyi bé nɔvi dé ku yi ésrɔan tsi anyi yi n'ji tsan oa, fofoa do la dé nyɔnua yi jivi nɛ. ²⁹ Vɔa nɔvi n'tsu amadrɛn lé: gbantoa dé srɔ yi éku évi majimaji, ³⁰ évégoan tsan nɛnɛ ké, yi étɔn goa tso dé, ³¹ éjɔ nɛnɛ dé wɔamadrɛn kpata ji. ³² Tété tso va yi ijia nyɔnua tsan vaku. ³³ Fifia dé mɛka yi la fɔn tso amékukuwo domé lé woadomé o, nyɔnua ya? dobé n'tsuawo kpata odé sigbé ésrɔn nɛnɛ. ³⁴ Yésu do yinti nawo bé: "hihé kia ho viwo dé ésrɔn hoho. ³⁵ Vɔa améké lava fɔn dé tsritré woawo ya owun ja désrɔn o, yi omatsɔ wɔadékéwo na alɔ léléwo. ³⁶ Owun ja gbé té ku o, dobé osɔ kudo Mawudɔlawo vɔ, yiola nyi Mawu viwo dobéna ofɔnwo dé tsitré vɔ yi agbé yéyéa mé. ³⁷ Yi lé amékukuwo ho tsitrétsitsi méa Mosé n'tɔ tsan gblɔɛ, eyɔ apétɔ Abraham ho Mawu, Izak ho Mawu, kudo Yakobo ho Mawu. ³⁸ Fifia Mawu n'gbé nyi amékukuwo ho Mawu, voa améléagbéwo ho Mawu dobé wɔakpata olé agbé lé imé." ³⁹ Agbalɛnfiala déwo do yinti bé: "Enufiala, ohonu nyɔɛdé" ⁴⁰ yi otati biabia wɔwɔnɛ. ⁴¹ Yésu gbé biawo bé lémoyi migblɔna bé: "Kristoa nyi David ho vi yi? ⁴² David n'tɔ gblɔɛ lé Psalmɔ ho agbalɛn mé bé: "Apétɔ nyé gblɔ na apétɔ nyé bé, "nanyi dé énusi nyé ji, ⁴³ va sédo gakémé matsɔ futɔwowo tso wɔ afodojinu?" ⁴⁴ David n'tɔ yɔna Kristo bé apétɔ fifia lémɔ yi Kristo nyi David ho." ⁴⁵ Ké améha lé dotoé, égblɔna yiho nusrɔnlawo bé: ⁴⁶ Mikpɔ nyɔɛdé lé agbalɛn fiala kiawo ji, dobéna odona atsɔn ho nuwo yi ojina égbédonamaé épupopéwo yi ojina toho nɔanyi lé n'kɔgbé lé tsɔtsihɔmé. ⁴⁷ Yi ogbé bana ahosiwo, yi owɔna yi dona égbéda didi, yita Mawu ho éto héhé gantɔ lé tɔté kpɔwo.