¹ Yésu yi Yériko ho éduamé ézɔ to imé vayikɔ. ² Yi kpɔ n'tsu dé lé guwun ké yiho n'kɔ nyi Zahéo, ényi édugajɔtɔ yi égbé nyi étsitɔ tsan. ³ Yi Zahéo lé yéakpɔ améké nyi Yésua, vɔa mawun kpɔɛwo dobé améwo sugbɔ yi n'kɔkɔ tsanwo. ⁴ Lé ékia n'tia ésudu va lia ati dé ké gogo émɔa tsagbé nétéwun kpɔɛ. ⁵ Yi ké Yésu vado guwuan, ékpɔ atia ji yi tonɛ bé: "Zahéo, di kaba dobé élé bé matsi ahowomé yi dɔ égbé." ⁶ Tétéa Zahéo di lé atiaji kabakaba yi kplɔ Yésu yi ahomé kudo jijɔ gandé. ⁷ Enukia n'jɔjina améhawo dobé olé gblɔ lé wɔadékéwo mé bé: "éva zé lé énuvɔnwɔla gbɔ." ⁸ Lé ahoaméa, Zahéo gblɔna Yésu bé: "Apétɔ tso fifia jia matsɔ késinɔnunyé ho mamamé tso na wɔaménɔwo, yi né n'hɔ éga lé amédé si sugbɔa matso do yi toho nɛ zi gbogbodé." ⁹ Yésu tonɛ bé: "égbéa, hɔhɔ va aho kia mé dobé amékia tsan Abraham ho vi yi ényi. ¹⁰ Dobéna amégbétɔ ho vi va bé yéaji amékéwu bua yi yéatsɔ dédékpɔkpɔnawo." ¹¹ Ké Yésu gogo Yéruzalɛm, édo élo kia nɔwo kéwɔɛ bé améwo n'gbé bui bé Mawufiaduhoa jé égɔmé vɔ o. ¹² Egblɔ bé: "Efia ho n'timé dé yi édu didi dé mé tsagbé néva trɔ zu éfia yi néva va. ¹³ Eyɔ yiho subɔla améwoawo bɔ yi étsɔ éga sidi amévé na wɔakpata, yi tonawo bé miwɔ bé oné ji dé iji kaka matrɔ va. ¹⁴ Ganké subɔlawo lé éfu yi odɔ améwo dé igbɔ bé oné gblɔnɛ bé: "mimulé amékia ji bé nényi miaho éfiɔ o." ¹⁵ Ké inyi bé élé nɛnɛa oné doé éfiɔ yi nétrɔ gbɔva aho ni mi. Tétéa édɔ bé oné yɔ énusrɔnlawo ni yé tsagbé yéakpɔ bé otéwun wɔ éga ho n'tidɔa. ¹⁶ Amégbantɔa va yi tonɛ bé: "apétɔ, égawoa jidé iji ziwo. ¹⁷ Bubu ho améa gblɔ bé ényɔ, subɔla nyɔɛ yi onyi. Dobé ogblɔ nyatoho lé énu vitukui ké n'tso nɔwoa n'ti yi bé matu éfɛn niwoa matsɔ édu améwo dé kplɔkplɔwo té." ¹⁸ évégoan gblɔ bé: "apétɔ égawoa ji amatɔ dé iji" ¹⁹ Yi bubu ho améa gblɔ nɛ bé édu amaton anɔ kplɔkplɔwo té. ²⁰ Yi étɔn goa va yi gblɔ bé: "Apétɔ kpɔ égagawoa yi ké n'tsɔɛ tso wla dé nawo do n'nya bé onyi améké wɔna tukara yi n'lé vɔn nawo, ²¹ dobé ohɔna énuké n'nyi tɔwoawo lé améwo si akpasésétɔ, yi oŋɛ na nu lé toho ké owun donu léa o. ²² Bubuméa gblɔ nɛ bé: "owo akufiantɔ olé gblɔnam bé n'yi étagbɔ séla? Owo n'tɔ ho nuhoho yi matso drɔn vɔnuwo. ²³ Né onya bé n'séna étamé dé n'ka n'ti yi owun tsɔ éga vadado égajrado pé béna makpɔ jidé iji vidé tété o?" ²⁴ Yi bubuméa gblɔna amékéo jété lé igbɔa bé oné hɔ éga lé yisi tso kpéna améké do améwoa. ²⁵ Odo yinti nɛ bé: "Apétɔ ydika do éga améwo vɔ." ²⁶ N'lé gblɔɛ ni mi bé olatso kpé na améké doa yi olahɔɛ lé améké n'doa si. ²⁷ Fifia mikplɔ futɔnyéwo va gɛké amékéwo n'ji bé madu éfia dé yéwo ji oa yi miawuwo lé n'kɔnam." ²⁸ Ké Yésu gblɔ énya kiawo voa éti nusrɔnlawo do yikɔ Yéruzalɛm. ²⁹ Ké évado Bɛtfage kudo Bétania, édu kéwo lé olivia ho étoajia, édɔ yiho nusrnla amévé yi ³⁰ égblɔnawo bé: "miyi kɔpé ké lé n'kɔ ni mia mé. Yi né mijado kɔpéa méa, miakpɔ ésɔkɛtɛ vidé ké amédékpékpé n'nɔ iji kpɔ woa. Egbé gblɔ bé né mikpɔɛ, mitui yi miatsɔɛ vanam. Né ³¹ inyi bé amédé va lé bia mi bé, n'ka n'ti yi milé tuia? Mido yinti nɛ bé: "Apétɔ lé jim." ³² Amékéo odɔyia okpɔɛ sigbé léké Yésu gblɔɛa nɛnɛ. ³³ Yi ké olé tu ésoa, énutɔ biawo bé: "n'ka n'ti yi milé tui yi?" ³⁴ Odo yinti nɛ bé "Apétɔ yi lé ji. ³⁵ otsɔɛ yina Yésu yi otsɔ wɔaho awu dadé iji yi Yésu nɔanyi dé iji. ³⁶ Yi ké oyikɔa otsɔ wɔaho awuwo tso do dé anyigba nɛ. ³⁷ Yi ké ova do étoa ho gɔméa, énusrɔla sugbɔwo lékpɔ jijɔ yi lé kafu Mawu kudo égbén sésédé hado nukunu gan kéwo okpoa, ³⁸ yi olé gblo bé: "wɔayra améké gbana lé Apétɔ ho n'kɔmé! n'tifafa lé jipo, yi kafukafu lé lé kɔkɔ kɔkoéawo!" ³⁹ Farizitɔdéwo lé améawo mé yi olé tonɛ bé Apétɔ gbéna énusrɔnlawowo." ⁴⁰ N'lé gblɔɛ ni mi bé né obɔnua, ékpéwo latso aséyé!" ⁴¹ Yi ké Yésu gogo éduaméa yi ékpɔ édua éfanvi ⁴² yi gblɔ bé: né inyi bé oké nya énuké nawo n'tifafawoa lé gɛkéa, fifia otsɔɛ ji lé n'kuwo mé. ⁴³ Futɔwowo wɔatsɔ ékpo dé égliwo ji yi amu jé éjiwo, wɔatsrɔn owo n'tɔ kudo éviwowo. ⁴⁴ Omatati ékpékpé dé ékpéji n'tɔ tsanwo dobé owun do jési gakémé Mawu ji la ké kpé dé ntiwoa o. ⁴⁵ Yésu do tsɔtsihɔamlé yi nya amékéwo va lé sa énua, ⁴⁶ yi létonawo bé onlɛ dé: "ahonyéméa la nyi égbédoda pé yi", vɔa mitrɔ zu fiafiwo ho nɔpé." ⁴⁷ Nɛnɛ yi Yésu fianu n'kékéa kpata lé tsɔtsihɔa mé. Osɔfoganwo kudo agbalɛn fialawo lé ji bé wɔawui, ⁴⁸ vɔa owun nya lémɔ yi wɔawɔ o dobé dukɔa kpata lé dotoé kudo kakadéji.