¹ "N'lé gbrɔ ékiawo ni mi bé mianɔ mia dékéwo mé. ² Wɔadé mi lɛ wɔaho éhamé,, yi gamé lé gbɔnɔn, amékiawo aji miaho ku ,amékéawo atsɔbé yowélé édɔwɔ nu Mawu. ³ Amékiawo olahɔ nukiawo énukéa n'tia nya Mawu o yi Yésu tsa. ⁴ N'lé gbrɔ nukéawo ni mi énuké ntia gapopo gbɔnɔ né nukumɔawo ké la va jɔ, miava do n'ku bé n'gbrɔ ni mi. Nyé mu gbrɔ ni mi ditsa o, énuké ta mulé kumi. ⁵ N'lɛ yi améké dɔm va gbɔ; Amédékpékpé mulé miamé la biɔm bé: " ganɛ oyikɔwo?" ⁶ Mugbrɔɛ nukéawo nimi bé miaho ji n'gbé tsi nublanui mé o. ⁷ Gaké mugbrɔ nyatohoa nimi: élanyɔnimi bé matso lé miagbɔ; né nyému tsowa, hɔnamétɔ ma va ni mi o , vɔ né mujoa, madɔɛ duda mi. ⁸ Né éva va la, hɔnamétɔa la fiɔ hihéamé yiho nuvɔnwo yi, jɔjɔɛnyinyi kudo kojo dodo- ⁹ hado énuvɔn n'tia égɔmé yi gni bé omu kado éjinyéwo; ¹⁰ yi ku do jɔjɔɛ nyinyi matrɔ yi étɔnyé gbɔ, yi mima gbé kpɔmu o; ¹¹ yi kudé vɔnudrɔn n'tia, gɔmé yi nyi bé mido kojo ni hihéamé ho éfiɔvia. ¹² N'do nya sugbɔ magblɔ nimi, vɔa mima sé yigɔmé fifio. ¹³ Gakumɔa méa, yintɔ nyatého ho gbɔgbɔ la va, élakpɔ mi lɛ nyatého, énuké intia n'ho na nu lé yintɔ doké si o, vɔa égbrɔna énya kéwo éséa, yi élagbrɔ énuké lava jɔa. ¹⁴ Ela dom dé éji, énuké n'tia élahɔ énukéwo nyi tɔnyé la tso fia mi. ¹⁵ N'dékpékpé ké lé étɔnyé sia nyi tɔnyé, yina n'gbrɔ bé gbɔgbɔkɔkɔé la tsɔ énuké lé asinyé a tso fia mi. ¹⁶ Yi lɛ madidiméa, mima gbékpɔm o; yi né eva kpɔtɔ vidéa, mia kpɔm." ¹⁷ Nusrɔnla déwo lé gbrɔ lé wɔanɔnɔɛwo bé: " nyakayi nyi énya ké élé gbrɔ numi o bé: " lé madidi méa , mima kpɔm o, yi né egbé va kpɔtɔ vidéa mia kpɔm," énuké ntia muyikɔ étɔnyé gbɔ? " " ¹⁸ Yi ogbrɔ bé: " nuka n'ti yi élého nu lé gbrɔ bé: "lé madidi méa?" Enya ka kom yi éji la gbɔ lé gawoun." ¹⁹ Yésu bé wodo jiji bé yiwɔawɔ bibiawo nɛ: " mi lɛ biɔ enuké n'ja gblɔa yi n'gblɔ bé: " Lé madidiméa, minja gbé kpɔm mu o, gapopo déwo gbɔnɔ miagbé kpɔm?" ²⁰ Lé nyatoho méa, n'lé gbrɔɛ ni mi bé, mia fanvi yi hanu, vɔa hihémé la nɔ jijɔ mé; mialé nuzizimé, vɔa miaho nuzizia la trɔ zu jijɔ. ²¹ Nyɔnu nɔna nuzizimé né gamé ké ejan ji vi la do, énuké intia élé kpɔ vévéséa. Vɔa yi éji via vɔa, n'gbé do na n'ku vévéséséa énuké ntia hado jijɔ ké va hihémé nɛ yi nyi dévi ké éjia. ²² Miawo tsan , milé n'zizi mé kɛn gbɔ ho, vɔa magbé kpɔmi lo; yi miaho jiwo lalé jijɔ, yi amédédékpé matén dé jijɔ kumɔa ji o. ²³ N'kéké kumɔa jia, mimawɔ biɔbiɔ dékpékpé num o. Nyatoho, nyatohoa, n'lé gbrɔ nimi bé n'dékpékpé ké mi la biɔ Etɔnyéa to nyikɔ nyé jia élawɔɛ ni mi. ²⁴ Vasédé gakémé min mu biɔ n'dékpé to n'kɔ nyé ji oa; mi biɔ, mi biɔ bé miahɔɛ yi miaho jiwo né jé imé. ²⁵ N'lé gblɔ énya kia ni mi lé emɔ sugbɔ ji, vɔa gamé lé gbɔnɔ ké nyé magbéhonu nimi lɛ élododoméo, vɔa ma honu nimi lɛ nyɔn dé lé étɔnyé n'ti. ²⁶ N'kéké kumɔa jia, mia biɔ lé n'kɔnyé ji yi nyé magblɔ ni bé madékuku ni étɔnyé kéngbɔ o; ²⁷ énuké n'tia étɔ n'tɔ lɔmi énuké intia miatsan milɔm, yi mihɔ jinyé sé bé n'tso étɔla gbɔyi. ²⁸ N'tso étɔla gbɔyi, yi n'va hihéamé; n'gbélégbrɔ zidéka ké bé n'lé tso lé hihéamé yi n'lé yi etɔnyé gbɔ." ²⁹ Yiho, nusrɔlawo gbrɔ bé: " mikpɔ fifia éléhonu nyɔdé, n'gbé lé honu lé wrawra mé o. ³⁰ Fifia minya bé onya n'dékpékpé, yi n'gbé hian bé amédé kpékpé néwɔ biabia nawo. Enukum a yinti mi hɔ iji bé otso Mawu gbɔ." ³¹ Yésu do yinti nawo bé: "mikadé iji fifia? ³² Mikpɔ gaméa gbɔna, ɛn, yi vado voyi nɛ yi miakaka lé mianɔnɔ womé, yi amésiamé layi yigbɔ yi mia dasi ényé déka. ³³ Vɔa n'gbrɔ énya kéawo ni mi bé to éji nyéa yi miakpɔ n'tifafa lɛ. Miato fukpékpémé lé hihéamé, vɔa midoji: n'du hihéamé ji."