¹ Egné yi vin ho ati gnɔun tɔa yi étɔgné yi éboa tɔ. ² Etcho alɔzéawo kéwo lé vin tia ti yi omoutchéna ékou o,yi kéwo tchéna ékoua la,ékɔna wɔa n'ti bé wɔagbé tché éku wou san. ³ Miawo ya mia n'ti kɔ hoho né égna kéwo n'gblɔ né mia. ⁴ Minɔ agbé lé émégné yi égné tchan ma nɔ mia mé.Sigbé lékéyi vin ho ati ho alɔzéawo omou dja té tché ékou lé yintɔ doké si wo la bé négbé kpɔtɔ lé vin ho atiawo méa,nɛnɛ yi miawo tchan min'dja tché ékou né min'lé émégné o. ⁵ Egné yi gni vin ho atia,yi miawo ya migni alɔzéao.Améké nɔ agbé lé émégné,yi égné tchan lé itcha mé la tché na éku sugbɔ,élabéna tɔgné manɔ imé la,min'djaté woun wɔ n'déwo. ⁶ Né amédé mounɔ agbé lé émégné wɔa,wɔatchɔɛ dan'gbé sigbé vin ho alɔzé kéo hou nɛnɛ;yi améwo wɔafɔ alɔzéawo tcho dan'gbé ézomé yi wɔa bi ézo. ⁷ Né minɔ agbé lé émégné yi né égnawo lé mia mé la,mia téwoun bia n'dékpékpé ké milé djia yi mila kpɔɛ éla va imé na mi. ⁸ Yinti ta étɔgné ho in'ti kɔkɔé adéfia bé,miatéwoun tché ékou sougbɔ yi mia gni énusrɔnla gné wo. ⁹ Sigbé léké étɔgné lɔn moua,nɛnɛ toutou yi égné tchan malɔn mi;minɔ agbé lé égné ho lɔlɔn nou. ¹⁰ Né milé ésé gnéawo mé dé asi mé la,mianɔ agbé lé lɔlɔngné nou sigbé léké égné tchan n'lé étɔgné ho éséa oyi n'lé nɔ agbé lé yiho lɔlɔnou. ¹¹ N'tchɔ énukéawo né mi bé djidjɔ gné né nɔ mia mé bé né miaho nésou blibo. ¹² Mi sé ésé ké n'dja dé né mia,milɔn mia nɔnɔɛwo sigbé lé ké égné n'tɔ tchan n'lɔn nɛnɛ. ¹³ Lɔlɔn ho djési gantɔa yi gni bé amé né tchɔ yiho agbé na dé éhɔn lɔa o ta. ¹⁴ Miagni éhɔnlɔgnéwo né miwɔ énouké n'gblɔ né mi bé minéwɔa. ¹⁵ Gnémagbé yɔ mi bé subɔviwo,élabéna subɔvi n'gna na énouké apétɔa léwɔ o.N'yɔ mi bé éhɔlɔn gnéwo élabéna n'tchɔ n'dékpékpé ké n'sé lé étɔgné gbɔa tcho fiɔ mi. ¹⁶ Min'tchan mouwo,vɔ la égné n'tɔyi tchan mi yi n'do bé miatéwou tché ékou bé miaho ékouwo nénɔ agni da. Enoukia gni bé n'dékpékpé ké mia bia étɔla to n'kɔ gné dji la, atchɔɛ né mi. ¹⁷ N'lé dé ésé kéawɔ ne mi bé miatéwoun lɔ mia nɔnɔɛwo. ¹⁸ Né hihéamé tchri miaho égnagbɔa, mignɛ bé étchri égnagné gbɔ kén'gbɔ nétchri miaho égnagbɔ. ¹⁹ Né migni hihéamé tɔa hihéa alɔn mi sigb yintɔ nɛnɛ;vɔ ké min'gni hihéamé tɔ oa, yi togbɔ bé n'tchan mi tovo né hihéa yinti ta yi hihéa tchri mi do. ²⁰ Mido n'kou égna kéwo n'gblɔ né mi béna: "subɔla matéwoun kpatchɛ né yiho apétɔ o." Né woté tchi té dé n'tignéa, wɔatchité dé mia n'ti tchan; né olé égnagnéo dé asi méa, la wɔalé miatchan tɔ. ²¹ wɔawɔ énoukéawo né mi hado étagné élabéna omu djési améké dɔm didawo. ²² Né gné n'ké va gblɔ néwoa, agni bé wo mou wɔ énou vɔn wo; fifia, wɔadrɔn vɔ nou wo déwaho énou vɔn o ta. ²³ Améké tchri égnagné gbɔa, tchri étɔgné tchan. ²⁴ Né gnémouwɔ noukounouwo lé wɔadoméa, énuvɔ dékpékpé manɔ wɔati o; vɔ wɔakpata okpɔ énouké mouwɔ gaké omou kadé édjignéwo yi wotchri étɔgné. ²⁵ Enoukéawo lé djɔ béna nlɔnlɔ kɔkɔéwo né va imé sigbé léké wonlɔ lé éséawo nou bé: " wotchri égnagnégbɔ susu dékpékpé manɔ inti." ²⁶ Né égnahɔdé ako tɔ ava, ( énouké miakpɔ lé étɔgné méa alo gnatého ho gbɔgbɔ tcho étɔ gbɔ), wɔa di dasé. ²⁷ Miawo tchan miaho nou lé n'tigné élabéna minɔ n'tigné tcho kaka gɔmé djédjéa.