¹ Mingbéna vɔvɔn nédo mi yi miaho édji néwouwou o.Mihɔ mawu dji sé,yi miahɔ édjigné tchan sé. ² Lé étɔgné ho ahoméa tého gédéo lé.Né n'lé nɛnɛ wɔa, magblɔ né mi.N'yina gawoun bé madjra tého di né mi. ³ Yi né n'djoyi va djra tého di né mi vɔa,ma trɔ va yi miahɔ égné n'tɔ, yi né tého ké ma nɔa,miatcha mianɔ gawoun. ⁴ Migna tého ké n'yina hohoa,yi migna émɔa tchan." ⁵ Toma gblɔ né Yésu bé:"Apétɔ,min'djési tého ké éyina o,lémɔyi miawɔ adé djési émɔa?" ⁶ Yésu do yinti nɛ bé:"n'gni gnatého koudé agbé ho mɔ,amédékpékpé mava étɔ la gbɔ yi n'to édjignéwo. ⁷ Yi né midjési moua, miadjési étɔgné tchan;fifia mignɛ yi mi kpɔɛ tchan. ⁸ Filipo gblɔ né Yésu bé:"Apétɔ,fiɔ mi fofo la,tété asou né mi." ⁹ Yésu do yinti nɛ bé:"gnéwoun nɔ koudé mi didi déa,yi mi n'kpɔ lé dé djési moua,Filipo?Amésiamé ké kpɔm la,kpɔ étɔ gné;lémɔyi até wuin gblɔ bé"fia mi étɔla"? ¹⁰ Min'kpɔ lé dé djési bé n'lé étɔla méa,yi étɔ la tchan lé émé gnéa?Egna kéwo n'lé glɔ né mia la gné n'lé gblɔɛ lé édokégné ho n'sé té o;vɔ la fofogné ké lé gbé lé émégnéyi lé wɔ yiho édɔwo . ¹¹ Mikadé édjigné,n'lé étɔ la mé,yi étɔ la lé émégné;alo min'kadé djigné lé nukunu o ké n'wɔ yi mikpɔa. ¹² Lé gnatého méa,lé gnatého méa,n'lé gblɔ né mi:"Amé ké la kadé édjignéa awɔ énouké n'lé wɔa,"yi awɔ sugbɔwo wou éké n'wɔa,élabéna n'yina fofo la gbɔ. ¹³ N'dékpékpé kéyi mia bia to édjignéa,mawɔɛ né mi bé fofo ho n'tikɔkɔé né dé fiɔ lé éviamé. ¹⁴ N'dékpékpé ké yi mia bia lé n'kɔ gné djia, mawɔɛ né mi. ¹⁵ Né milɔn moua,milé ésé gnéawo dé alɔmé. ¹⁶ Yi madé kuku né fofo gné,yi atchɔ égna hɔdé akɔ bou né mi béna né nɔ miagbɔ tcho yi daa, ¹⁷ gnatého ho gbɔgbɔ.Hihéa maté hɔɛ wo élabéna na n'kpɔɛ dé djési o.Vɔa miawo ya miadé djési,élabéna énɔ na mia gbɔ yi anɔ mia mé. ¹⁸ Gné ma madati mia dédéwo ;ma trɔ va mia gbɔ. ¹⁹ Ekpɔtɔ vidé yi hihéamé tɔwo ma gbé kpɔm o vɔ miawo mi la kpɔm.Elabéna n'lé agbé yi miatchan mianɔ agbé lé émégné. ²⁰ Lé n'kéké koumɔawo dji mia dé djési bé n'lé étɔ la mé, yi miawo tchan milé émégné, yi égné tchan n'lé mia mé. ²¹ Amésiamé ké lé ésé gnéawo dé asimé yi wɔ yinti dɔa,gni améké lɔm;yi améké alɔmoua étɔgné tchan la lɔɛ yi égné tchan malɔɛ yi madé édokégné fiɔɛ." ²² Yuda (vɔa n'gni Iscariot o) bia Yésu béna:"noufiala,n'ka n'ti nadé édokéo fia miawo dédé o vɔ n'gni hihéamé o?" ²³ Yésu do yinti nɛ bé:"né amédé lɔn moua alé égna gné dé asimé.Etɔgné lalɔɛ yi miava yigbɔ mianɔ koudé. ²⁴ Améké moulé égna gnéayo dé alɔmé o a n'lɔn mou o.Egna kéwo milé séa moutcho égné mé yo vɔa étɔgné tɔyi yi yé tchɔɛ nam. ²⁵ N'lé gblɔ égna kéawo né mi léké n'gbé kpɔtɔ lé mia gbɔ. ²⁶ Gakoumuoa méa,égna hɔdé akɔ (gbɔgbɔ kɔkɔé,étɔgné adéfia lé n'kɔgné dji)afia nou mi yi agbé do n'kou égna kéwo n'gblɔ né mia. ²⁷ N'lé n'tifafa tchɔm né mi,n'tchɔ n' tifafa gné né mi.Gnémoutchɔɛ lé na mi sigbé léké hihéa tchɔɛnɛ na nɛnɛ o.Miaho édjiwo n'gbé do tchakatchaka mé o yi vɔvɔn tchan n'gbé lé mi o. ²⁸ Misé léké n'glɔ né mi béna:"madjo yi magbé trɔ va miagbɔ."Né milɔn mou la édji adjɔ mi bé n'yina fofo la gbɔ élabéna,élabéna fofo la do atchɛ kpakpa woum. ²⁹ Fifia n'gblɔ né mi kén'gbɔ néva imé bé miakadé djigné. ³⁰ Gné ndja ho nou né mi wou léké o,élabéna hihé kéamé ho éfiɔ lé émɔdji gbɔna.N'kpɔ n'sé dékpékpé dé édjigné o, ³¹ kén'gbɔ yi hihéamé towo né do djési bé n'lɔ étɔ la,yi n'wɔna énouké étɔ la gblɔ na bé mawɔ.Mitchité yi mia djo lé gɛké.