¹ n'kɔ na paska ho azan la , iké Yésu gna bé gamésou bé yiadjo lé hihéamé trɔ yi étɔa gbɔ.Elɔn yitɔ kéwo lé hihéamé n'tɔ yi égbé dé lɔlɔn kia fiɔ. ² Do n'kɔ la satana do yuda iscariot, simon ho vi la ho édjimé bé né tra Yésu. ³ Yésu gna bé étɔa tchɔ n'dékpékpé do yiho alɔmé yi Mawu gbɔ yitcho yi yéagbé trɔ yi Mawu gbɔ. ⁴ Etchité lé ékplɔdounoua n'ti yi tété édé yiho awou dɛ yitchɔ papahoun tcho sa dé alimé. ⁵ Ekoutchi dé gagban mé yi étɔɛdji lé klɔ afɔ né yiho énousrɔnlawo yi étchɔ papahoun ké étchɔ sa dé alin méa tcho toutou afɔ néwo. ⁶ Yi ké édo Pétro djia, Pétro gblɔ nɛ bé: " Apétɔ, éwo na klɔ afɔ afɔ nam?" ⁷ Yésu do yinti nɛ bé:"énouké n'léwɔa mindjasé yigɔmé fifio, vɔa kakaka miavasé yigɔmé." ⁸ Pétro gblɔ nɛ bé "omaklɔ afɔgnéwo ném o." Yésu do yinti nɛ bé:"né gné mou klɔ afɔwo né wo néwo la omakpɔ égomé dékpékpé koukoumou wo." ⁹ Simon Pétro gblɔ bé :" Apétɔ, n'gbé gni afɔgnéwo dédéo vɔ négni alɔgnéo koudé étagné tchan." ¹⁰ Yésu do yinti nɛ béna:"améké lé étchi vɔ la afɔ koyi yian bé wɔaklɔ nɛ élabéna édi dékpékpé n'lé yinti o.Yi n'gni amésiamé ké lé gɛkéayi yi n'ti kɔ o." ¹¹ Elabéna Yésu gna hoho bé amédé la sa yé; yinti égblɔ béna :"mia kpata n'ti moukɔ o." ¹² Eké Yésu klɔ afɔ niwo vɔa étchɔ yiho awu do yi énagni yi élébiawo bé:"misé énouké mouwɔ né mi fifia gɔméa? ¹³ milé yɔm bé "Nufiala" koudé Apétɔ, migblɔɛ ɛlabéna lé gnatého méa yi yé n'gni. ¹⁴ Né igni bé égné énoufiala kudé apétɔ,n'klɔ afɔ né mia,miawo tchan mido la klɔ né mia nɔnɔɛwo. ¹⁵ Elabéna kpɔdéwoun yi mou né mi bé mia lé wɔɛ sigbé léké moufia mi nɛnɛ. ¹⁶ Lé gnatého méa,lé gnatého méa,n'lé glɔ némi bé,subɔvi n'kɔ na wou yiho apétɔ o,yi édɔtchɔla tchan n'wouna améké dɔɛa o. ¹⁷ Né migna ékiawo yi miwɔɛ,mihɔ yayra né igni bé mi dé idji. ¹⁸ Gné n'lé gblɔ mia kpatawo,élabéna n'djési amékéo n'tchan a(vɔ la moulé gblɔ bé nlɔnlɔn kɔkɔea wo né va imé):"améké lé énoudoudoua koudé moua la yi tchɔ dé asi. ¹⁹ N'lé glɔɛ né mi fifia kéngbɔ né va imé bé yiné éva iméa la miahɔ djigné s. ²⁰ N'lé yigblɔm né mi lé gnatého mé béna améké hɔ la hɔ améké moudɔ dida yi améké hɔm la hɔ améké dɔm dida la. ²¹ Ké Yésu lé gblɔ égna kia,étchaka lé yidoké mé, yi élé gblɔ bé:"lé gnatého méa,lé gnatého, méa n'lé gblɔ né mi bé amé déka lé mia mé la tchɔm dé asi" ²² nousrɔnlawo trɔ ékɔ yi olékpɔ wo nɔnɔɛ wo ho n'kouo mé yi lé biasé bé mɛka yinti Yésu lé ho nou lé. ²³ Nousrɔnlawo ho domé tɔ déka ké Yésu lɔna,tchɔ yidoké gba dé Yésu ho akota dji lé ékplɔ dounɔa n'ti. ²⁴ Simon Pétro wɔ djési nɛ yi légblɔ nɛ bé:"biɛ mia dotɔ kényinti élé énou hom léa." ²⁵ Nousrɔnla kia tchɔ yidoké gbadé Yésu ho akɔta dji yi élé biɛ bé:" Apétɔ mɛkayi?" ²⁶ Yésu do yinti nɛ bé:"iya yi gni améké matchɔ kpɔna kakɛ nɛa yi."Ké étchɔ kpɔnɔ kakɛ na Yuda,Simon Iscariot ho vi. ²⁷ Ké édou kpɔnɔa vɔa, Abousam gé dé imé.Yésu gblɔ nɛ béna:"wɔ kaba yi nayi wɔ énouké lé étamé nawoa." ²⁸ Nusrɔnla kéo kpɔtɔawo mougna sousou ké tayi Yésu lé égna kia gblɔm do. ²⁹ Nousrɔnla édéwo ya bounasé bé alo ké Yuda gni wɔaho égadji kpɔla la,Yésu lé gblɔ nɛ béna:"néplé énoukéwo yéohian né azan la."Enousrɔnla éboua o ya bounɛsé bé alo atchɔ n'dé na amédahé wo. ³⁰ ké Yuda hɔ kpɔnɔa vɔa, édo lé wɔagbɔ. Ezan mé tcha yi. ³¹ Yi ké Yuda djoa,Yésu gblɔ bé:"fifia la amégbétɔ vi la ho n'tikɔkɔé do yi wɔadé Mawu ho n'tikɔkɔé do to iya mé. ³² Mawu adé yiho n'tikɔkɔé do yi adé n'tikɔkɔé kia émégné zédéka. ³³ Evigné lɔlɔntɔawo,n'gbé lé miagbɔ né gamé vidé.Mila djim sigbé léké n'glɔ né yudatɔwo nɛnɛ"tého ké n'dja hia mindjaté vawo"fifia n'lé gblɔ né miawo tchan. ³⁴ N'lé do ésé yéyéwo né mi bé mialɔn mianɔnɔɛ o sigbé léké n'lɔn mi nɛnɛ,nɛnɛ miatchan mido la lɔn mia nɔnɔɛwo. ³⁵ Lé ékéo méa,améwo la doé djési bé évignéwo migni gnatého,né igni bé mido lɔlɔn né mia nɔnɔɛwo." ³⁶ Simon Pétro biɛ bé:"Nufiala,ganɔ hi né dja yi?"Yésu do yinti nɛ bé:"tého ké n'lé dja yia owoundja té tim do yi fifio,vɔ gamélé gbana yi nava tim do va." ³⁷ Pétro biɛ bé:"Nufiala,n'ka n'ti yi n'dja té tiwo do fifio?matchɔ agbé gné na dé étawo." ³⁸ Yésu do yinti bé na:"natchɔ agbéwo na dé éta gnéa?Lé gnatého méa,lé gnatého méa,kloklo tchou makou atɔ étchɔ fɔfɔn mé kén'gbɔ na gbé zitɔ kpata bé yin'djési mouwo.