¹ N'kéké amadɛn do n"kɔ ni paska ho azan, Yésu yi bétania lɛ toho ké éfɔn Lazaro lɛ tso amékukuwo domé lɛ. ² Oda nududu nɛ, Marta lé ma nududuanuwo, yi Lazaro tsan lɛ tohoa kudo amékéo lɛ dunua kudo Yésu. ³ Tso yi ijia, ké odunua vɔa, Maria tsɔ amisisi kédo hunhun nyɔɛdé tso si dé Yésu ho afɔwo ji yi tsɔ yiho éda tso tutu afɔnɛ. Ahoamé kpata dɔ kuku parfun ho hunhun. ⁴ Yuda iscariot, nusrɔnlawo ho dométɔ dika, améké sa Yésua gbrɔ bé: ⁵ " nukajɔ omu sa lafida yi éga alafan tɔn yi wɔatsɔ éga ni amédahéwo?" ⁶ Egbrɔ nya kia, énuké intia, yi yi kpɔna amédahéwo ho zanzan gbɔ, vɔa fianfi yi ényi: yi yi kpɔna éga goa ji yi tsɔna éga ké ojɔna lé iméa. ⁷ Yésu gbrɔ bé: " midasi névo. Ewɔ kéa lé n'kunyémɛ lé ekunyéji. ⁸ Ahédalawo, miakpɔɛ, vɔ ényé ya, mimuja kpɔm gbédéwo." ⁹ F Fifia ,Yudatɔwo gédéwo sé bé Yésu bé Yésu va, yi oyi bé wɔakpɔɛ, munyi bé wɔakpɔ Yésu dédéwo vɔa bé wɔakpɔ Lazaro ké Yésu fɔn tso amékukuwo domé. ¹⁰ Vɔsalaganwo wɔ dodo bé wɔawu Lazaro tsan; ¹¹ énuké ta yi Yudatɔwo gédéwo lɛ tso lé wɔagbɔ yi lɛ kadé Yésu ji. ¹² Ké éhun gbé ké zivɛngɔn a, amésugbɔ yi azan duwoa. Ké osé bé Yésu gbana Yérusalɛm a, ¹³ otsɔ édén ho abawawo, dogoé yi lédaha kudo égbén sésén lɛ gbrɔ bé: " Hosanna! wayra améké va lɛ Apétɔ la ho nyikɔ mé, Israël tɔwo ho éfia." ¹⁴ Yésu kpɔ ésɔkɛtɛvi dé yi nanyi lé iji; sigbé lé énuŋlɔŋlɔ grbɔ nɛnɛ: ¹⁵ " Sion via n'gbé vɔn n'dékpékp̀éwo; kpɔ éfiɔwo gbɔna, yi nanyi lɛ ésɔkɛtɛvi ji." ¹⁶ Lɛ gɔméjéa yiho nusrɔnlawo mulésé igɔméo, vɔa ké odo Yésu dé jia, odokui bé énukéwo ké oŋlɔa ta dé yinti yi éwɔ nukéo. ¹⁷ Fifia amékéwo lɛ toho kɛngbɔ Yésu yɔ Lazaro lé yɔdomé yi fɔn ɛ lé kukuawo doméa, odi dasé ni amékpɔtɔɛwo. ¹⁸ Ekumɔa n'ti yi améha yi va dogo Yésu, énukéta osé bé Yésu wɔ jési kia. ¹⁹ Yi Farizitɔwo lɛ gbrɔ lé wɔadékéwo mé bé: " mikpɔ, minja té wɔ n'dékpékpéwo; mikpɔ, owɔ éhihéa bé miati do." ²⁰ Héllatɔ déwo lɛ oyikɔ bé wɔasubɔ lé azan tohoa. ²¹ Amékéwo yikɔ Filipo gbɔa yi onyi Bétsaidatɔ lɛ galiléa lé biɔ bé: "Ahotɔ, miji lakpɔ Yésu." ²² Filipo yi va gbrɔna Andréa, yi Andréa kuku Filipo yi va gbrɔ ni Yésu. ²³ Yésu do yinti niwo bé: "gamé ti su bé wɔtsɔ n'tikɔkɔɛ na amégbétɔ ho vi." ²⁴ Nyatoho, nyatohoa n'lé gbrɔnumi bé, kéngbɔ hɔé, ébli ku dé mugé dé anyigba yi nékuwa, atsi anyi yi déka vɔ yi éku la, étsé na éku sugbɔ. ²⁵ Améké lɔn yiho agbéa la bui; vɔa améké tsri yintɔ ho Agbé lɛ ehihé kia méa, jrɛ do na Agbémavɔ. ²⁶ Né amé lm yi tim doa; yi toho ké muléa, gamu yi énusrɔnla gnéwo tsa la nɔ. Né amédé lɔmu a, éla bu étɔnyé. ²⁷ Gapopo kumɔa méa luvɔnyé tsaka: éna ka yi maté gbrɔ? " tatanyé hɔ num lɛ éfukpékpé ho gamé kéa? Vɔa ni gapopo kia yinti n'vadoé. ²⁸ Tata kɔ wo n'kɔ n'ti." yi égbé dé di tso jipo va yi gbrɔ bé: " n'doé dé éji vɔ yi magbé doé do éji ké." ²⁹ Tsoyi ijia, améhawo ké lɛ ahaji nɛ a sé didia, yi olégbrɔbé éji dégbéyi. Amédéwo ya lɛ gbrɔ bé: " Mawu ho dɔla honu nɛ." ³⁰ Yésu tonuwo bé: "égbékia n'va num yo vɔa miawo yi évanɔa. ³¹ Fifia yi nyi hihéamé ho vɔnudrɔndrɔn, fifia yi olanya hihéméké a mé ho éfiɔvi jo. ³² Yi ényéa, wɔa dém jo lɛ éhihé kiamɛ yi améwo yi édokényé gbɔ." ³³ Egbrɔ nya kumɔa tso lɛ fiɔ léké élava kudo a. ³⁴ Améhawo do yinti nɛ bé: "mi sé lé enya ŋlɔŋlɔ dɛ wo mé bé Yésu la nɔ agbé tso yi mavɔ. Lɛmɔyi até gbrɔ bé: " wɔadé amégbétɔ ho vi lɛhihéamé? " mɛkayi nyi agbétɔ ho via?" ³⁵ Tété Yésu gbrɔ niwo bé: " Kékélia gbé kpɔtɔ lɛ miamɛ ni gapopo didi dé. Mizɔ ékémé kékéli gbé kpɔtɔ lé miagbɔ, bé viviti n'gbé tsɔn miaji wo. Améké lé zɔn lé viviti méa munya gɛké éyuikɔwo. ³⁶ Ké yi kékéli lé miagbɔ mikadé iji bé mianyi kékéli viwo." Yésu gbrɔ nya kéawo yi tso lé wɔagbɔ va wla lé toho didi dé. ³⁷ Ké Yésu wɔ jesi gbogbo kéawo lɛ wɔaho n'kumé ganké omukadé iji o ³⁸ bé énya gbrɔdila Esaya né va imé a, sigbé léké égbrɔa bé: " Apétɔ mɛkayi kadé miaho éka tsan ji? Améké Apétɔ ho alɔ zéna?" ³⁹ Enukum ta omatéwoun kadé yiji o, égɔmé yi gi bé Esaya gbé lé grɔ bé: ⁴⁰ " Egban n'ku niwo yi éna wɔaho éjimé sésɛn, vɔa wɔa n'tɔwo do la kpɔɛ kudo wɔaho n'kuwo yi wɔado vévié wɔaho éjiwo, yi wɔatrɔva yi mayɔdɔwo." ⁴¹ Esaya lɛ gbrɔ énya kiawo énuké n'tia ékpɔ Yésu ho kafukafu yi ého nu lé yinti. ⁴² Yi gakumɔa méa, Efiɔ sugbɔwo kadé iji ; vɔa hado Farizitɔwo ta, omu lé wɔɛ bé nézén énuké ntia ola nyawo lé wɔaho tsɔtsihɔ gan mé. ⁴³ Olɔna agbétɔ ho kafukafu wu Mawu tɔ. ⁴⁴ Yésu daha bé: "améké kado éjinyéa, munyi éjinyé dédé koyi ékadɛ vɔa ékadé améké dɔm va tsa ji, ⁴⁵ yi améké kpɔ mu a, kpɔ améké dɔm va. ⁴⁶ N'va sigbé kékéli lɛ hiheamé bé né amédé kadé ejinyéa n'gbé nɔ viviti mé o. ⁴⁷ Né amédé séenya nyéwo yi mulé dé asiwɔa, nyé do kojo nɛwo, énuké ta, ké n'va, n'nyi bé madrɔ vɔnu hihéa, vɔa mavé hɔnɛ yi. ⁴⁸ Améké la gbé yi mahɔ ényanyéwo ji sé wɔa do amédé ké la drɔn vnu nɛ: énya ké n'gbrɔa yi la drɔ vɔnu nɛ lé nkéké kpɔkpɔtɔɛ ji. ⁴⁹ Enuké intia nyému ho nu lé enye n'tɔ ho lɔlɔnu o. Lɛ toho déwɔa , étɔla yi dɔm, yi tsɔ egbé dé asi num na énya ké magbrɔ kudo mawɔ. ⁵⁰ N'nya bé yiho égbédédé nyi agbé mavɔ; nɛnɛ yi énya ké n'lé gbrɔ, n'lɛ gbrɔ sigbé léké étɔ la gbrɔɛ num, nɛnɛ yi n'honanu."