¹ Yésu, ké égbrɔ énya kiawo vɔa, étsɔ n'kumé yi ji yi gbrɔ bé: "Tata, gamé la su. Do évio dé ji yi évio tsan né do wo dé éji- ² Sigbé léké otsɔ n'sé na n'tinla, bé natsɔ agbémavɔ na amékéo otsɔnɛ. ³ Ké ékia nyi agbémavɔ bé wɔajési o, owo, nyatoho ho Mawu, améké dɔ Yésu dida. ⁴ N'dowo dé ji lɛ anyigba ji ékémé n'wu édɔké otsɔ dé asi nu mu a. ⁵ Fifia, tatanyé, dom dé eji lé gbɔwo lé kafukafu ké n'do kukuwa kéngbɔ hihéa néva wɔ yitɔ. ⁶ N'tsɔ n'kɔwo tso fia hihéamé ho dɔlawo ké otso nim. Tɔwo yi onyi vɔa otsɔwo num, yi olé énya wɔamé asi. ⁷ Yi onyɛ fifi bé énukéwo otso numɔa tso gbɔwo yi, ⁸ élabéna n'tsɔ énya kéwo otso num mu anawo. Ohɔɛ yi okadé iji lé nyatoho mé bé édi n'tso gbɔwo yi, yi owo dɔm va. ⁹ N'lé dogbéda dé wɔata. Nyémulédogba dé hiheatawo, vɔa na amékéwo otso numua, élabéna onyi tɔwo. ¹⁰ Nu dékpékpé ké nyi tɔnyéa nyi tɔwo, yi n'dékpé ké nyi tɔwɔa, nyi tɔnyé tsan, yi makafuwo. ¹¹ Nyémugbélé hihiamé o, vɔa wɔawoya olé hihéamé, élabéna n'trɔ gbɔna égbɔwo. Etɔ kɔkɔé, léwo dɛ lo wo n'kɔji, n'kɔ ké otso numua bé nénɔ kɔkɔé sigbé, léké ényé kuku éwo minyi amédéka. ¹² Gapopo kémé n'lé kudowɔa, n'kpɔ wɔaji lé n'kɔwo ké otso numua ji; n'kpɔwɔaji yi amédékpékpé n'buwo, bé nlɔnlɔkɔɛwo né wu énu. ¹³ Fifia ké n'trɔ gbɔna égbɔwɔa, , vɔa ké mugbrɔ énya kia do hihéamé nu wɔa, bé wɔakpɔ jijɔ gbogbodé lé wɔamé. ¹⁴ N'tsɔ ényawo ni wo yi hihéa tsri wo bé omunyi hihéamé tɔ, sigbé léké ényé tsa nyému nyi hihéamé tɔ. ¹⁵ Nyémulé biawo bé nadéwo jo lé hihéamé, vɔa bé nakpɔwɔji lɛ futɔwo ho alɔmé. ¹⁶ Sigbé léké nyémunyi hihéamétɔa, nɛnɛ yi wɔawo tsan omunyi hiheamé tɔwo. ¹⁷ Kɔ wanti lé nyatoho mé, élabéna ényawɔa lé nyi nyatoho. ¹⁸ Sigbé léké odɔm va hihéaméa, nɛnɛ yi n'lé dɔ wɔawo tsan. ¹⁹ N'tsɔ dokényé savɔ hado wɔata bé wɔatsa wɔatsɔ wɔadéké savɔ lé nyatoho mé. ²¹ N'nyi wɔadédé ji ko n'donagbéda dɛ, vɔa amékéwo kpata lahɔ éjinyé sé to wɔaho énya ji, ²⁰ bé wɔawɔ déka sigbé owo nɛnɛ, étɔ oléményé, yi ényé tsan muléwomé. N'lé dogbéda bé wɔawo tsa oné nɔ mia mé, bé éhihia nényɛ bé owɔɛ dɔm va. ²² N'tsɔ ntikɔkɔɛ ké otso ni mua nawo bé wɔanyi déka, yi wɔanɔ jɔjɔɛ sigbé éwo kuku ényé nɛnɛ, minyi déka, ²³ ényé lé wɔamé, yi owo lé éményé édidékpékpé manɔ yinti, yi alɔwo sigbé léké olɔm n'tsa nɛ. ²⁴ Etɔnyé, nuké ona mua, n'jibé wɔatsan wɔanɔ toho ké mulé, bé wɔakpɔ n'tikɔkɔé nyé, tɔwo ké otsɔ numua; énukéta olɔm kén'gbɔ owɔ hihéa. ²⁵ Etɔ jɔjɔɛ, hihéa mujésiwo, vɔa ényéya mujésiwo, yi amékéawo nya bé éwoyi dɔm dida. ²⁶ N'na ojési n'kɔwo, yi magbéwɔɛ ké, bé lɔlɔ ké otsɔ numua nénɔ na wɔatsan, yi bé n'tsa manɔ wɔamé."