¹ Ya ngole mumubo, yaliyi too ilamue ki ba juifs, mpe yesu ya nemi o yerusalem. ² Eke o yerusalem ankua munguambe e nzo bimemi eke ani idia imo ba bibeu mu ebreux betsesda mpe eke mingua mbee mitana (cinq). ³ Ba biele tsée, binfa miuu, bi Tom, mpe anibikara eke ba lee anku munguam be enzo, mpe bo ba ndide iii yebu madia ma ninu, ⁴ Ntumu e Nziami ayiyi ntoo yeso mpe eninu madia, ndeso elilio muru etere ya nguele ebu madia maninu nde abuoo matuama; nsa bubiele bo nde nki mutini. ⁵ Ako eke niboo mumo eke ya biee oluiru ba nvouu makumaturu ampuomo. ⁶ Mu ina ebu yesu a mumuene nde elée mpe ya yiabi ebu nde akiani elami tsée, nde ya mulie," nze kuini wama ? ⁷ Mu biele ya mufiri," me muru we buni ateibi mu idia, mu ina ebu madia maninu, mpe mu ina ebu me ya elar mu idia e mono wu muke elioo nku eme. ⁸ Yesu ya mulie," tsubu - nze wuu ntaa e nze mpe wie. ⁹ Mu mbale mo muru eso ya wiami, ya wele ntaa e nde mpe ya tsubu mpe ya wini eke tsu le liboo. ¹⁰ Bakuru baba yuda balie ala wuba buu" eke tsu le mposo mpe ba owii we nze e bu nzi wu ntaa e nze" ¹¹ Nde yaba firi," nde we buu me ya ndie," wuu ntss e nze wie. ¹² Bo, yaba mufie : na muru obie," mpe wu ntaa e nze wee. ¹³ Muli we babuu ayiabi we nde ake na, mundo ebu yesu eke emaru mundo ibui ebara bakike a mbuu eso ( bake akiana). ¹⁴ Angiako, yedu afumu bo munzo e Nziami mpe ya mulie," taa nze ewami kabusa masumu, mundo ebu ilo imo kibi eka oyu furu. ¹⁵ Muru ya wini afulie ala bakuru baba juifs ekii yesu we ebuu me. ¹⁶ Mundo emubo, bakuru ba juif yaba mumueno pari kuke yesu, kuobu nde eke esa mando mu tsuu le mposo. ¹⁷ Yesu yabalie: " tarame esa tu muli mpe me e sisa. ¹⁸ Mutini eso, bajuifs yabosio, nzei kuba muduu, mundo bu kakuamime tsule mposo we. muli kuobu nde amubebeu Nziami tara nde ngako, nde ngako ake mutini mumo a Nziami. ¹⁹ Yesu ya mufiri," mu ibini, mu ibini, muana asa we nsa ilo imo munde ngako kio ma amu muene nde ala tara nde asa, mpe momaso ebu tara esa, muana asisaa kobunu. ²⁰ Kuobu tara kuini muana mpe amusu momaso ma sisa nde mpe amusuo bitsha bibinene oluru bibi mu ndobu biene limono. ²¹ Kiri ebu tara ewuu babafu mpe ebawa mawamu. Muli muana awa mawama ndeso we akuini. ²² Kuobu tara atsitsiri wemi funu mebara, muli nde mifunu me bara ake muana. ²³ Kuobu bobaso bakunu muana mutini mumo bobakunu tara. We bu akunu we muana akunu we tara etuimi nde. ²⁴ Mpe mu ibini mpe mu ibini, nde eso eyiyuu maluo mame mpe ekiuu we etuimi me ani mawama ma impeini mpe nde ba muwawe itumu, muli nde aluru mu lifu ku mawama. ²⁵ Mpe mu ibini mpe mu ibini ntoo yayito yebu babafi bajiuu manduo, ma muana Nziami baba yiuu baboo mawama. ²⁶ Kuobu tara ani mawama munka nde, muli yawi ala muana aka ya mawama munkara nde. ²⁷ Mpe tara ya wii bukuru kuke muana asiri mifunu kuobu nde ake muana muru. ²⁸ Biene lika funu kuobi mubo; kuobu ntoo yayi too kuobu bobaso bakeku ma mpieme ba yiuu manduo mande mpe batutuu. ²⁹ Boba basi mambue bawuwuu mundo mawama, muli babasi mamabi ba wuwuu kuba luru kubafusama. ³⁰ Meki esa we mume ngako, mutini ngiabi me otsiri mifumu mpe me etsitsiri mifunu wana. Kuobu me esuso usama kuini me we, muli me mutini we etuimi me. ³¹ Kiri me ndindie ma ibini mundo me ngako, ma elie me kibesawe. ³² Ani babakimiba lilie ma ibini mundo me; mpe me ngiabi ebu maba lilie ma ibini make yano (kobunu). ³³ Biene balituimi kuke za (jean) mpe nde alie ma ibini. ³⁴ Mume kamubu muru we me ekui mabalie ma ibini me elilie mubo kuobu biene libo mawama. ³⁵ Za (jean) ake mbaa ye kekene mpe ekeke. Mpe biene lekui leka mu ise muntoo mo libaa le nde. ³⁶ Muli ma ibini elilie make ma manene oluru ma lie za (jean), kuobu bitsiaa entumi tara me. ³⁷ Tara me etuimi alie ma ibini mundo me biene le yiuu we manduo mande mpe le muene we mutinie ende mpe bu ake nde. ³⁸ Maluo ma nde wa makawe ya biene kuobu biene lekiuu we mpe watuimi nde. ³⁹ Biene le taa - taa bibakome kuobu biene le fufunu mundo mubo biene le bo mawama ma impeini eke bobalie maa ibini mume. ⁴⁰ Mpe biene likuiri oyia kuke me mundo bu biene libo mawama. ⁴¹ Ne eka we ya bise bioluru be bara. ⁴² Muli me ya ngiabi ebu biene okunu Nziami ndewe munkara biene. ⁴³ Me eyii mukumu etara me, mpe biene lingio we kiri muru mukimi yii munkumu ende ngako, biene limuyi yoo. ⁴⁴ kimutini biene limukiuu, biene bale kukunu bise i oluru be biene ba ngako ya lie bara mpe le sisioo we likunu li oluru li lifufa ala nde ngako Nziami. ⁴⁵ Biele fufunu we yebume, wali fini ala tara muru nde mumo we funu biene, eke Moise we lesi biene muko. ⁴⁶ Kiri biene le kiuu Moise, biene ompe likakikiu ala me kuobu nde akome mamateii me. ⁴⁷ Kiri biene likiki uu ma akome nde, kimutini biene leki uu maluoma me ?