¹ Mu ina eyu ba kuari Nziami, ebu yesu eyu ya banttumu tse oluru Jean, nde eke basia mpe babuero.ya bayiabi nde eke ebuoro bara oluru (za) (jean). ² Muli yesu nde ngako abubuoko we, bapa muli ebubuero bara ba ntsu ba nde. ³ Nde ya maru oyu dee mpe ya wini o galilée. ⁵ Muli nde yatii kubulabubunene bosamari babibru sychar ankuakia e jacob a winde ala muana joseph. ⁶ Ukoku ekike dunu li madia le Jacob yesu ya leme mudie lilile wiwini nde ya fu tseuu mulibeuu le dounu le madia eke mutoon esamu. ⁷ Mukara mumo esa marie ya yitio madia mpe yesu ya mulie ngua madia me ngua. ⁸ Kuobu ba ntsu ba nde bake ba wuni kubula bu bunene bafasoo bilo biodia. ⁹ Muli mukara eso esamarie ya mufiri ndoki nze ke juif, nze e lilee madia ala me, me wuke mu Samaria. ¹⁰ Yesu ya mufirie : " kiri nze ekeyia likabu le Nziami mpe we lilie nze ebu, ngua madia me nua nze ngako ekalila, mpe nde aka owa madia mamawama. ¹¹ Mukara eso ya mufiri " nfumu nze we bu ilo ki otio madia kio we mpe dunu lilile tsée " nze ebokuini madia maso mamabue. ¹² Nze ki mukuru oluru tara biuu Jacob, eliwi ndunu le soli le madia mpe nde ngako jangui madia maso, mutini mubo bana bande, mpe bibuele be nde ?" ¹³ Yesu ya mulie : « ndeso we ngua madia maso mpoo madia efawe. ¹⁴ Muli muru nde eso engua madia ma muwume nde biyiwe mpio madia. madia muwa me ala nde maka mutsu e mwebe ma maya tuuu, ntoo yeso mu mawama ma impeini. ¹⁵ Mukara ya mufiri, : mfumu, ngua madia maso, kuobu me kabingiuu mpio madia mpe me ebu yaturu otio madia" ¹⁶ Yesu ya mulie, " we, fu mubiuu muluma nze ayia a kia. " ¹⁷ Mukara eso ya mufiri mpe yalie." me muluimi we," yesu ya mufiri:" nze lie yana," nze muluimi we." ¹⁸ Kuobu nze eke yaba boo batana mpe wuke ande lobuli ake kamului munze we, muli nze lie ibini!" ¹⁹ Mukara ya mulie," nfumu, me omioene nze kee nga e nziami. ²⁰ Ba tara ba biene basisami Nziami ongia lamali, mpe Nziami eki oyerusalem. ²¹ Yesu ya mufiri." mukara kiuu me, ntoo mo eyiya le sama tara Nziami ka ongia la maliwe, nsaka o yerusalem we. ²² Bara ba biene ba sisama webu ba muyiabi we. Bio le sisama Nziami we bu limu yiabu kuobu mawama mayi, nku ala ba juifs. ²³ Mbali yeso, ntoo yayi, mpe mulibu ike akiana mundo nki babasisama, ba sama Nziami tara mu itsu ende mpe basama mu ibini kuobu babana babasisama Nziami tara ba asisioo nde. ²⁴ Nziami ake itsui, bara babasama nde bamusama mu itsu mpe mu ibini. ²⁵ Mukara ya mufiri," menfiabi ebu massia ayiya ( nde wu babeuu christo ) mu inaa ayia nde ayia lilie mando momaso. ²⁶ Yesu ya mulie," mewunde, me wuo lilie," ²⁷ Ya ngia ngole ba ntsu ba nde ya ba yu, mpe boyabayuu ofunu ku obimki mutini nde amumu ya mukara eso wu muli muru mumo elie ala nde ndewe efitii nki ?". ²⁸ Muli, nde ya sa siwu mbini ende, ya firu kubula bubu nene mpe yalie ala bara babula. ²⁹ liyata boo mumo elie ala me momaso ma esisame wuwunu eka ka christo we? ³⁰ Bo ya bamaru kubula bubu nene mpe yabayi kuke yesu. ³¹ Mpe muntoo eso yine bantsu ba nde yaba mulie sa kua a kua mfumu ( Rabby) dia ndamu bilobi ? ³² Muli nde yaba liee :" me ani bilo biodia ebu biene liyia bi we." ³³ Ba ntsu bande yaba wiu obei ibo - ibo," a nimuru mumo eya mutsua bilo bi odia ? ³⁴ Yesu yabalie :" bilo beme bi odia eke osa ma okunu ma muru etuimi me mpe bisaa bende biwe nkuu. ³⁵ Me elilie we ala biene siali furu tii ya leto ina kioka mbie tobile kuini ? me ya lilie ala biene." liseni, miuu mpe litaa bia be masia bebie etue mu ito kioka mbiee ? ³⁶ We bu we ekunu nde a boo lifuru mpe nde boo bilo tsée munkara mawama manpeini kuobu ani we kuikuini mpe ya wu kiki bilo bo baso baka mu isee tsée. ³⁷ Mpe bukobo yi balie eke ibini, wu muke kuinu mpe wumuke we ka. ³⁸ Me litiumi ala biene kuobu biene lika bilo bie bu biene le kuoni we. Bane ya ba sali isali mpe biene ya liso weme mu bise bebo. ³⁹ Bara tsée babo musamari tain munkara bula bo so babu nene yaba kiuu yesu kuobu mukara eso yalie ma ibini," nde yandie mo maso esisa me. ⁴⁰ Mu ina ebu basa malia yaba muene mubo boyaba sibu mu ise tsée ba siali yabo mpe bakee akiana mansu mwe. ⁴¹ Bara tsée ya bakio mundo maluo mande. ⁴² Boyaba mulie ala mukara eso," biuu ya likiu ka mundo lilie ba ngako mpe biuu ya liyiabi ebu nde wewa mawamu mu mukiri." ⁴³ Ongue matsu mue; nde ya wini kubula bo galilée. ⁴⁴ Kuobu yesu nde ngako ya e Nziami bamukikiuu we mubula bo nde ngako. ⁴⁵ Mu ina ayito ndeku Galilée, bara ba Galilée ya ba muyioo mu isée boyaba muene momaso masi ndeku yerusalem mu ina ki ilamu (fete) kuobu boo eke bakei. ⁴⁶ Nde ya yifuru ku Cana mpe ku Galilée, oko ku ayi lu madia ya mayiuu maa, nde bafumu no ku Capernaum, mukuru mumo we ba mbui - mbui muana nde akeni bubiele. ⁴⁷ Mu ina ayiuu nde ebu yesu ya maru ya wini ku yudee mpe nde yafiru ku Galilée, nde ya wini kuke yesu mpe ya mubue no ya liwée mpe ofubiu muana nde ake ankua lifu. ⁴⁸ Yesu ya mulie," kiri ebu bara ba muene we bilimi mpe ya bisha bibibue, nde akei we. ⁴⁹ Mukara ba mbuo - mbui ya mulie," mfumu," suru nze mo yae nkue e ngaa mwana me." ⁵⁰ Yesu ya mulie." we muana nze e wami" boo eso ya kiuu mando ma maso mulie yesu mpe ya wini? ⁵¹ Mu ina shuiri nde, bara ba nde ba isali yaba yu ku ba mani ande yaba muie muana nze e wami. ⁵² Nde yabafii munki ntoo nde ayiuu yana, boyaba mufiri" ma tsiuu muntoo e nsiama baa ya lifi." ⁵³ Muli tara eso ya yiabi ebu ntoo yebu yesu eke mulie," muana nze wami," muli nde ngako mpe ya bara, bake munzo e nde yaba kiuu yesu. ⁵⁴ Eke mubo impa ewei ebuu yesu, sue impa amaru kuyudee ya firu ku Galilée.