¹ Bandu bame, baba susuo tsee munkara biene. Liyabi biu lesisama oluru tsee. ² Mundo ebu leluono mutini tsee kiri ebu aluono we mumando mande ake muru mubi. ³ Ina lesisa bibene mu munua e mpunu mundo ebu nde aziziri biu, ebibiri muru mutini. ⁴ Lita mpe buara lilinene, emaka like lilinene mpe leliye mu ifu e ngo. Bo bawiwe mutine ebibiri pilote. ⁵ Mutini mumo ya lilimi like ilo imo itii munkara muru, eki elie mando mama nene.Ta mba ntsii wa idiu musuru mutini. ⁶ Lilimi mpe like mba mukiri mambi ba si munkara bilimi be nduru bi beka bewa muru mutini bine mpe etsumu oluru ya mawame. Mutini odiu mumba yi lifelu. ⁷ Baaniama babaso ba bi, ba nini, ba niama bobaso ba oluru mu mana, mpe ibakiri mu madia basia ongwe muru mpe basi ongwe muru. ⁸ Muru mumo we yabi osa lilimi ongwe ike kobi mamana wa lesuru we. Ma ulue bilo bibi. ⁹ Munzi ye lilimi, liyasa ma Kristu tara we biu, munsi ilo liki lie mama mbi a la bara baba kiri mumutini e Nziami. ¹⁰ Mu munua mumo etutuu mawame mpe mambi. Bambwini ba me, kaka kono! ¹¹ Terateri lititio mbalimo madia mayana mpe makia? ¹² Muti efisie, ba ndu bame muti e figie wa buiri mbie olive? Madia mamabi wa mawawe obue. ¹³ Bana munkara biene babake ani oyiaba mpe ani maye? bakiu bake ani lamu lilibue mundo ebu ma osiuri ma yana. ¹⁴ Kire ebu biene like mu miku ya mambi mama bi mpe miku mimibi, kamitiono mpe kamisa mu omama mbwe. ¹⁵ Ma mambi momafi ka mungebe, mundo ebu mafi muntsi kama itsu ye Nziami. ¹⁶ Mundo ebu bo ke mitsuni mpe oke mitsunu yobu obue eso mando ma mabi masuemi mpe bise bimotini lesisa biene ka bie yana we. ¹⁷ Mundo ebu maye mangie make aterateri atsutsunu we, ise epii. ¹⁸ Mambi mabisali bibi mpe bakiuni vii munka babasuo vii.