¹ Kiuni ma fi mayumu mpe mitiunu munkara biene? Biene liyiyabu we mama malefunu biene liyabu we masisa mangwana mu bake abo nze? ² Biene ike likunu mpe mamana mowe. biene lediu mpe li ikunu, biene nzi obo yo we. Biene lengwana mpe biene letsunu. Biene libibiu we kuobo lili we. ³ Biene lela mpe libibio we kuobo lilili ku obi, biene lesisi bifu be biene. ⁴ Banga buili leki biene! liyabiwe okunu muriri tsee mpe indu ya Nziame ika we? wu kiuni mukiri tsee nde akika ka biuni e Nziami we. ⁵ Biene lefufunu makobunu ma ma bebe mpama mutini awu liende: <> ⁶ Mundo ebu Nziami eli wi ngebe yio oluru yi mbwe, mundonki ma ba komi malie ni: <> ⁷ Misuru onze a la Nziami, ma mando ma ma nfu mpe munfu abara ntama a la nze. ⁸ Ya fieri ankua Nziami nze mpe nde ya fiere ankua biene. lisuo mion me biene, masumu, mpe lisuo miku me biene, mando ma oluo. ⁹ Ka ya nza a bara, kaka biene lilie! osebe biene anka le nfi muru mpe bise be biene bika ya ngebe. ¹⁰ Limisuru a la mfumu Nziami mpe nde alisimi. ¹¹ Ndu eme, likio ibibi biene ya bo. We bi ibibi a la mwana ngwande, ntoo we momono mambi a la mwana ngwande abi bi mamabi mu miki mpe ema miki. yabu nze ema miki me Nziami nzi ki ka we biu we, kuobo aki we tsitsiri mando. ¹² Nde we emomono ma ndo mpe we e tsitsiri mando. Nde ake nde mumo wu kui ya mawama mpe we dudu. Nzi na, weya sisama ya mbwini nze? ¹³ Liyu, biene ba balilie:<< Labuli ntoo mutsu biu lewe kubula bu bu nene, biu le fi oluoru oko mfu mutini, biu lefu titio ndo kulebo bilo.>> ¹⁴ Nde ayiabi mama ya musu mpe kibeya munduru e nze ndo ebu nze iki anka ya ifu anginga mu ntoo entsi ina iyi ya diumu. ¹⁵ Biene moli wa lilie kobo:<> ¹⁶ Mulibu, biene mando malili ni. bise bi mutini eso wunu bibibi. ¹⁷ Mundo ebu we esisa mando mama bue mpe yabu asisi we asi lisumu.