¹ Bangwame baba boo likakuru muko mu mfumu Yesu-Kristu, mumaso ndoliyu mutini a la nduma bara. ² Lifini ni ndome ekabasomo mu mambu babuari bilo bi matsi bi or ya biko biyana mpe we mpari sueme mpe ebuar biko bi bibi. ³ Kiri nze tii a la muru we bwari yana mpe ya lie me ya mbweno siyu mpe mbu ye mbwe muli nze ya lie a la muru, nze ka mikiri anka akuko. Ntoo esiyu enza bitimi bime. ⁴ Akiana ka yayu mosa nze ngakowe? likaka ba ntsu obiene bangako? ⁵ Lyu bana bangwame ba ba bor ba nkuime tsee, Nziame apuene we bara mpe ba mukiri ku bayu ba mvuamu mo okiu mpe basia ya mfumu ki elari nde a la bakiuni nde? ⁶ Muli biene kili me bara mpamu, babana kabowe bayu osuo biene? Babana kabowe ba balilioru biene ntoo mu mabu mo samu we? ⁷ Bankuwini we bara nto munkumu balike biene abo? ⁸ Akiana nze ya yiabi maluo furu mutini bamwene: nze ekunu mbwini nze anka nze ngako, akiana nze yasi yana. ⁹ Muli kiri nze yaka ndo bari bakimi nze esi ye mbi; mpe nze ya ba muyiabi wu mubi onku mukiri eka we esisa mando mabue. ¹⁰ Ndonki nde eso eyu miki, furu nde esia mambi mumu kiri mumo nde yayu mu muluo. ¹¹ Muli we lie ebu nze eyo we mambi ma onama bakara. furu, kabu, muli kiu nze isia we mambi monama ba kare nze yayu si momasompe nze yayu we eluo miki. ¹² Muli lilie anka we luru obo esama munkari maluo mamu mpibi. ¹³ Ndonki osama osama oya ngebe we, mundo bara bami osuo ngebe, ngebe eliuri ya osamu. ¹⁴ Bana bangwame ba babo e ndi mando mamabue kiri wunu ekiu me nde bisia bio we? okiu oso kini ekawe. ¹⁵ Kiri mwana ngwanze we boo to we mukari ebuari ko bi mpe bilo bio odia bi tsu leso bini. ¹⁶ Lifunu mumo ankara biene biene mulie: we yana, ka ya mba mpe ilui. Muli biene limuwi we bilo beyana ndo nduru ande yi okiu ye biene yi eka? ¹⁷ Mutuni mumo ya okiu,kiri bisia bo we nde efii. ¹⁸ Ndonki wumuke sa lie ebu furu; << nze eni okiu mpe me endi bisia nsuo me okiu ye nze ki eyueni isia. ¹⁹ Nze eka funu ebu endi Nziami mumo, nze ekasa mamabue yaba mpe ba vu eka bakiu mpe batero. ²⁰ Kini nze oyaba ni okiu ebu bisia biowe tina we. ²¹ Abrama muru etere ba mukiu kando bisia ewi nde a la Nziami we. ²² Emueni muli okiu eluru ya bisia mpe bisia , okiu onze iyi biene tsee. ²³ Akiana ya okiu mama bakueme mubi suene: << Abrama ekiu Nziame mpe mamana masue nde maluo >> mubo Abrama we ba biu biuni e Nziame. ²⁴ Nze emueni ebu muru ba muta mu bisia, kamunkara okiu we. ²⁵ Mutini mumo, Rahabe muru emfibi batii we bisia bende ya yo nde bara ba biri nsia. ²⁶ Ndo nki ndo ebu eke ekiyafa, mutini mumo okiu bisia we bio mfa.