¹ Kiei muli Nziami keliwuru ya yesu - christo liso bilo bu kungie, mpe yesu - christo oseuri ku kuo kimulumi e Nziami. ² Muli ofumu biene oka mamakei kungie, mpe lika fumu mu makei munsie. ³ Ndoku biene ekei lifi mpe nziambe ya asi mawama mabiene munkara christo. ⁴ Tshu lemono yesu (tshu eya yesu), biene mpe bale mono yande nzemo, leka ya nsia nde. ⁵ Lisa muliuru ba mpiio ebima mambi mo mukiri mamameku: infibi, mampia mampio mamabi, mpiooo enzimi tshee, mpe lika asha bitio. ⁶ Mamana momaso mando mamawa Nziami mpuru muba mabo meni yuu maluo mande. ⁷ Taa mutini biene mpe leseuru ya boo ena ibu biene leku mbou moo ya boo. ⁸ Mulibu limaru mu mando maso mana : liyoo mpuru, likakubu, lika tshibu, lika tou, lika be mando mabufuru mpe ndo mo ekatuuri mu minua me biene. ⁹ Lika ifuru ibio bio, ndobu biene lemaru mu mando biene manto ya bisha be bio. ¹⁰ Mpe biene lewe mando mamayanu, ma balisue ibiniki mu indu ende, nu indii emde kibakiri mburu myyanu. ¹¹ Muli biou basoo leyui mutini mumo, wuke crec we, wuke yuda we, nsa wu yibi, nsa wiyibi, nsa barbare, nsa we kuei ku ende, nsa mungamu, nsa mbunu iuri muli biobaso yesu - christo a kei ya bio mpe ya boo baso. ¹² Muli, nde tara Nziami epuuene bara baboobue mpe ba ekunu nde, liya kuru mikou yane, mpe ya okuru munkou. ¹³ Liya kuru munkou ibiene ibiene, lika ya ngebe ibiene ibiene. yabu wimuke animufumu ya ndo ende, muyu ngebe mutini mumo evui yesu aliyu ngebe. ¹⁴ Ongiya ma ndo mamaso, lika ya likunu, likei vii mo mamaso mona likunu luiri mamaso. ¹⁵ Mpe mu mamaso malikiri biene ma ndo mpe mu bisha be biene, lisa mamaso munkueme mfumu yesu - christo mpe lituono Nziami tara. ¹⁶ Muli mando ma mfumu yesu - christo ya liboo lende maka ya biene, mpe ya bomuru nde, liya eluo mpe liya iura mfu ibiene ibiene mpe liyimi, bisiamu mpe bisiamu bie etsu, mpe liya muyimi tara mumuko we yabu nde. ¹⁷ Muli mawamu mayesu - christo maka mumiko mebiu, mpe mumawemu masumu biene balebeu mutini ebu biene baso muru mumo. ¹⁸ Bakara bamabee, liyayu muluo ma balumi ba biene, mamaku onko tara Nziami. ¹⁹ Biene baboo likunu bakia ba biene, lilako ya mpuru alabo. ²⁰ Bane, liwa liziri ala batara ba biene, ndo nki yi yini yimbue amiu me tara Nziami. ²¹ Biene ba tara likabasa ala bana mando mamabi mabu bana boyu ngebe mimikou mebo. ²² Bangamu ( mumbale ), liya wa liziri ala ba mfumu ba biene mutini munduru mu mando momas, ikoka ebu boo miu me bo ela biene enka bubosaa bara babu ba butuano, muli lika ya mi kou mui ilini mimebare nziami. ²³ Momaso lekiri biene, lisa moomu mukou eyiane enka bu biene likiri ala mfumu Nziami mpe kala bara we. ²⁴ Biene liyiabi ebuu balimfuru ala mfumu Nziami biloo bilue tara Nziami bameba nde, biene likei musha mfumu yesu - christo. ²⁵ Muli muru ndeso we esa mando mamabi tara e Nziami apomo we mburu.