¹ Mukuru, biene liwa ala bara biene ba isali biloo beyane mpe bilo bibabue, liyiabu obu biene ni mukuru oyui. ² Likaa yabiyia mu misamu, mpe lekale me mutuono Nziami mu bisamu mpe mo owa nde bilo bibibue bilifimi biene mu mikou me biene. ³ Muvii biene, lisamu mundo biu kuobi Nziami aliwa nzei ye atsamu nsia e maluo ma nde, me luie Nziami ala muana nde yesu - christo, mundo atsamu nsia ende, me bankuiri mishi. ⁴ Lisamu ndobu me nsamu nsia eso yiane mpe mensamu nsia mutini ba kame mu mikane. ⁵ Likaa ya makane munkara boo babadimu munzei Nziami mpe ntoo ebiene lisa mumakani mumaso. ⁶ Muli mando mabiene makaa mamabue mpe matini yiana ala bambuni ba biene mpe liyiaba mkimutini lefiri ola bare. ⁷ Tychique aliliiye nsia yeso ye mbue yitei me. Nde akui muana nguabiu eboo wu likuini tsee, muru isali ebu alande lizii tsee, mungamu munkara nfumu Nziami. ⁸ Me mutumi abruya ala biene mundo enki biene liyiabu nsia embue yi ifi alabiu mpe alilie mando mabu biene likoleme munzei Nziami. ⁹ Viviu ya ndo bavinu ya onesime,nde abruka ndio ebiene yiane yiane we boo. Bo baliliye momaso mama luiri akia. ¹⁰ Mbiuni mewe enkei onzoo mpibi, ARISTASSE e luiri mbuere, marc muana enkale we Barnabas nde ekiyu maluo ma biu, nde ayia kuleke biene limuyo yiane alande. ¹¹ Muli yesu - christo abeu justus. Bobakei bobamgabuyu ba yuda bababisisa ishaa yo me mundo bumfumfu bo Nziami boo bakei ba ingua biyia ala me. ¹² EPAPHAS eliwi mbuere a la biene, nde akei we biene mpe muru isha yesu. Nde asama matshu momaso a lele miwe musama mundo ebiene, kuobu biene lika ya okuru mukuo mpe ya itsiui kibukuru mu momaso makuini Nziami. ¹³ Me ekei ekiu mundo nde, asisali isha tsee mundo biene, bo babokei kubulabo bo laosicie, mpe bo baboke kubula bo HIERAPOLISA. ¹⁴ Luka mbune eme, munsa manuo, mpe DAMAS eliwi mbuere a la biene. ¹⁵ Libawa mbeure a la bando ba biene bababoo boraku kubula be LAODICE, mpe balua mbeure babaku kusula NYMPHAS mpe nzoo e Nziami nzo nde. ¹⁶ Mu ina letiobiene mukane esuri munkara biene, limuteo munkara nzo e Nziami ye LAODICE, mpe libasuo yiane mukana urifi ala bara ba laodice. ¹⁷ Mulie ala ARCHIPPE," uri yiana isha eso enziani kuo obu nzi sa mamabue tii onto. ¹⁸ Meya liuri mbuer, me Polo, mundo me ngaku. Biene linfunu ala me mundo obu me nkei munzo nipibi. Mamabue esisa Nziami makaa ya biene.