¹ Muli memkuini biene liyaba, mutini manua me inuani me mundo biene, mpe mundo bara babula bake kubila ba LAODICE, mpe ya babu ala me Polo ba mane mowe. ² Mesa mubo ndobu biene libobiya mpe lika ya likunu mpe lika ya mukomu mo mu nkara biene, mpe lika ya makani ma oku kobu biene liyabu ifuni e Nziami, ifuni eso ike yesu christu nde ngako. ³ Mpe ola nde yesu Nziami ya alue libo lileso mpe ya makani mo maso bakiuni nde owa ala biene bobaso. ⁴ Me lilie mubo ala biene mundo bu muru mumo akali fura mampia mabu makani ma biene mi madimu. ⁵ Mpe nsayebu menke ya biene mbokamo we munduru, muli ya biene mbomomu etshui Nziami, me ani ise tsheu mundo biene me emuene obue biene mpe biene lileme we mukiu ebiene munkalo yesu. ⁶ Liluono nzei mo ye mfumu yesu christu mumutini likeu yesu christu. ⁷ Libaleme munzei Mziami munkara nde yesu christu, nze seuu yana munkiu enze kuara yana ma basue nze, mpe nzeka ya makani tse. ⁸ Lika ya makani ebu muru mu mo akali furu mpia mumakani ma mukili, limaa mpe mampia mama seuri mu bunkoo bonduru, mpe libara mandoo mamabi mamayiyo mutini mukiru mu, mpe biene livunu ya makani mamafu ala mfumu biu yesu christu. ⁹ Kuobu bo Nziami bubosoo boseu munkara nduru ende. ¹⁰ Ala nde biene ya libo bibesa, bomfumu boboso boseu ala nde mpe ya bokuru buboso. ¹¹ Mpe alande biu nde ya liye muli nde aliyeibi kabuba ye yibana baboo we, nde ali kio nduru yeso ye masumu, ali yibi munzei e muana nde yesu christu. ¹² Biene baliduu ya nde mumadia ya ba buero biene, mpe biene leweuri ya nde mokiu e biene mubiyia be Nziama, muli biyia besobini bioo befuuru yesu - christu kulifu. ¹³ Mbali ye nku, biene ekili fi mu mambi ma biene mpe yo mutini ba yebi mu nduru, ndo ye libiri ala biene mpe ya libio mawamu mpe nde ya kioo mando ma maso mamabi. ¹⁴ Biu lekii leyuu bara ba bibimi kuobu lekiu we maluo ( mikii) ma nde; muli Nziami ya kioo mando mamaso mamabi lememebiu okiu mikii ( naluo mande), nde aduu mambi mabiu mu ekulusu e yesu. ¹⁵ Nde Nziami ngoko yaduu bokuruu mpe ya bomfumu boba Nziami bomunsimu, mpe ya basi ankara miu mebara mono mpe baseuri monkara bumfumu mu mafuru mande ngako abio nde isaa munkra ekulusu. ¹⁶ Muli angi ako, muru mowe akalido isaa mundo matei bilo biledidia bine to onua , to mando ma tei ilamu to ebu njtsui ebiu, to moku tshu lilimuo [ Sabbot ]. ¹⁷ Mando masoma matei mambue yi lisuo yesu - christo ala biu. ¹⁸ Muru mowe akelifuru ala biene, baboke boberi ntou mundo bakikiuru bontumu bo Nziami mp0e bara bake ba miwua anka mu mando mamayi bo mumanzole. Mpe ya yu ebu lileni tshee mu bisee bimakani mande manduru. ¹⁹ Nde makani ma yesu - christo mowe, nde wukei mutsiu mpe yesu - christo nde wewiwa nduru yeso mamabue, mpe nde we vuvu nduru yoso ndo nduru eyu mutini kuni Nziami. ²⁰ Biene lefuya yesu - christo, biene le maru mu bangamu bobara ba mokiru wiu. mundo nki biene lekikiu mando ma mukiri, kuobo biene likei bara bamokiri malie biene. ²¹ Kokuara bilo beso bini, ka miu mpe kadia, kuari enze ekobuni biloo beso bini bibibi. ²² Bilo beso bini belamu we, bokiri ndo bara baya shaa mutini bakurini boo. mikii mpe maluo ma motini so wumu mafi mu makani ma bara. ²³ Ibini, mando mana mama sue ma makani, ekei wa bara nzei ebu basamu bubokuini boo, bobano mono anka bara bangebe, mpe bami wuuru nduru mpari; bo bobubowe mawamu, bo basisa matei ekukunu nduru.