¹ Paulo ntumu eyesu mu likunu le Nziami, mpe Timothe muana nzuabiu e boo. ² Bana ba nzuabiu ba baboo ba basi mu libeo ndo nziami mpe ya bana ba nzuabiu ba baboo ba baki yana mu mbue mpe kimia e Nziami tara ela biene. ³ Biu ya lituene Nziami, tara mfumu ebiu yesu christo, mpe biu lesama tsu loliso ndo biene. ⁴ Biu ya leyu babii mundo okiu ebiene mu yesu christo mpe ya likunu lekiki alo biene baso ba basi libeo ndo Nziami. ⁵ Ndo mambue alue le nde ela bo kuyu, biene kileyu mbali ye tere babi mambue mu mando ma ibini, ma nsia embue. ⁶ Ye eyi ela biene, mpe ye eburi mbie mpe ye tsamu mu nsi yoso, ya biene turu, turu tsu le tere leyu biene ma Nziami ma ibini. ⁷ Nde kililiele ala biu mundo likunu le nde itsuie Nziami. ⁸ Mtiini ba lesue ela EPAPHRAS, mbuni ebiu esia, wu bavivini ya nde mu mando ma esia ma christo ndo biene. ⁹ Mundo likunu leso, ba tsu le yu babibili ndo biene, biu leyelowe osama ndo biene mpe liyala ela Nziami eliwa maye ma oku ma etsu ende, ndo leyayiaba mando mo maso ekukunu Nziami. ¹⁰ Biu lesisami ebu biene leka mu mutiini mubue ela Nziami mu osa tsuloleso ma mawa nde ise, ma mabiri ma mbie ma mabue nto yesu mpe muoku mu makani ma Nziami. ¹¹ Biu lisisami ebu biene lika yanso mu mando momaso lika ya mfu mpe lisa ndimi mpe likuru miko mu mando momaso. ¹² Biu lisisama mpe momana ma yasuo ebu biene limutuona mu ise kioso ala tara Nziami, aliyilu biene ndo ebu biene libo bilo bibibue bi aluende ndo bara bande basi nde muliwu. ¹³ Nde kilikio mu bumbala bibicha be mpibi mpe aliwuu alisa ku bu mfumu bo muana nde akuini see. ¹⁴ Ala muana nde, biu yaliyu bara babobue mpe yabaliyu ngebe mu mando mamabi likikiri biu. ¹⁵ Muana nde yesu christo akii indili kilemu mono biu ala Nziami wu limunu mono, nde akii muru etere baburi mu bilo biobeso ekiri Nziami. ¹⁶ Ndo ebu mundo nde, bilo buobeso eki bakiri, bibiki kunzia yu mpe bibiki mu mana, bilo bilimu mono ya bili munu mo mono, nsa iki bu mfumu ntoo oliuri, too gouvernement mampuu, too bukuru, bilo biobeso bibakiri ndo nde mpe bie nde. ¹⁷ Nde ekiri nku bilo biobeso, mpe ndo nde bilo biobeso bekiri iviu. ¹⁸ Iki nduni emuru etere munzo e Nziami, eki mutnsui eba mfumu, nde ekiki muru we tere baburi wu wiuu ankara bara ba banti, anzia nzuele tsuloleso mbuu etere mubilo biiobeso. ¹⁹ Mundo ebu Nziami nde nzako kikuni bu mtumu boboso buka ala nde. ²⁰ Mpe mundo ebu ya bayiu ya bayilie ala nde bilo biobeso ela muana, Nziami asi mama nu ina esomi vii mu olune mu makii ma muana nde mu ekuludu, nsa bilo biobeso bibiki mu manamu mpe nsa bilo bibiki kunzia yu. ²¹ Mpe biene mpe, likii ki ina kike, banzio ala Nziami biene mpe likiki babameme Nziami mumale titini biene mpe mu mando ma biene ma mabi likikiri. ²² Mpe mulibu, Nziami akiliviuu mpe ya liyilu mu nkara nduru e christu mu limfu le nde, ndo ebu biene muli lika babu ndo embi yowe, ndo embi yowe mpe baka ya limono mu mambi anku ende nzako. ²³ Ma mana eki bakiri ndobu biene liyiya babu baka limona bara bababi munkara okiu e biene ndo ebu biene likakaa ntama mu osa munku mu nsia embue yiliyiu biene mpe ye ekiki batsamu ya bakiri kunzia yu, nsia embue ebu me Paul kinziu we muru eyisali. ²⁴ Mulibu, me ya mfiru mu mando ma mpari ndo biene, mpe eliulu nduru eme mu bibiene mpari mundo christu mundo likuunu le nduru ende yiki nzo e Nziami. ²⁵ Me tsitsia munzo Nziami mundo buluru bo Nziami enwii nde mundo biene, mu otsamu koso nsia e Nziami. ²⁶ Mu ibiniki ma baluele ma madiami ina kiba mi mpe mu ina ya ina mpe mulibu balore ala babawene mambi. ²⁷ Ala na Nziami akuini asuo bayiaba libo lende ya bumfumu bonde ya maluende ala bara babamunu yiaba Nziami, wuki mukara yesu mpe ala biene osa muku mu bumfumu bo Nziami. ²⁸ Nde wuli samu bia nsia. biu lesu mundo ebu mune nddeso mpe biu lelue mumakani momaso kuebu biu lilisuo anku e yesu muru ndeso aka ya makani mpe aka we kuii. ²⁹ Mu mutini eso wunu me esisaa mumtu e yesu christu mumutini enzunzua nde nguu