¹ Mutini ekono, biene balike bakara, lika yana ya baluimi ba biene, lisa kobo, mundo ebu, e ma ka kristu bo bamikimi aziziri we bisia bi mukiande, asa bo mando mande; ² Mundo ebu ki bamueni bisia bende biyani biliziri. ³ Mundo ka ya obue munkari: mfu eyana, bilo mati bie or mpe biko bi eyana. ⁴ Muene nzu mpe ma ma maka ya muru ankara muko ende, mpe obue impini, mu itsu eyana isee pii, wu batutuono onku ye Nziami. ⁵ Mundo ebu bakara ba yana kokimi bakika mbali inke mubukono. Ba kika likunu lie Nziami, mpe olie a la muluime mande. ⁶ Mumando mana, Sara aziziri Abrame mpe a mubiyu mfumu. Biene mulibu like bana, kire e bu lesa mamake yana mpe kiribu libibari we mambi. ⁷ Mutini eyana; nzi ebo ya siyu mutini eyana ya mukari, mutini busu oleme, munkara biene liwa likunu mutini we nama me mubilo mawame. Sakobu mutini ebu mambueno ma nze kamono mankaru. ⁸ Mulibu, biene baso, lika lifunu limo lika ya ma likunu impeni, lika kumisuiru mpe otsuru. ⁹ Ka yafiri mambi ya mambi ntoo a ntoo. Mbali ke, yasa mambue mundo baba biyu nze, me sia nze ya ka abo. ¹⁰ ( Webu ekuini mukili mpe eta tsu lilibue a ka we ya matsubu a la nde. ¹¹ Akiana yafuiru mamake ma mabi mpe yayu make mabue.mpe ya so vii mpe ya luono. ¹² Miu me Nziami mumono ntoo ya ntoo mpe, matie mande ma yuyu mando mande ma mabi. Muli bosu bo Nziami botita we mambi ). ¹³ Na nde mpe welisa mambi ndo ebu bieni liponi yani ? ¹⁴ Kuobo bieni limoni mpari mundo ma ibini, biene like yalituono. Likabara mpe likaka zuu. ¹⁵ Muli limutuono mfu kristu ku miko me biene lika tsu leso yana mulie muwe a la nde, mundo ebu Nzi anilikunu le Nziami ? sakono muse mpe muliziri. ¹⁶ ka mayemaye mayana ndo ebu bara batutu biene mu mabue mu kristu lika bari ndo balilie biene ke like bara ba babi. ¹⁷ Ike yana kiribu nziami akiuni, monu mpari ku sia mambue. ¹⁸ Kristu nde mpe aki moni mpari, mbali mo mundo masumu. Nde we ke yana yamueni mpari mundo ebui me lika yana ndo alibiri a la Nziami. Ya mi wi mulifu li bumuru, muli ya mibiri kunto ye itsu. ¹⁹ Mundo etsu ayuni mpe owa miki mundo itsu ki ke molibu mulikwari. ²⁰ Ake liziri we mundo ki misuru, me Nziame a di nde muntoo etsu, batuitui nzo Nziami ekike anibakimi ( bara mpuomu ) munkara madia. ²¹ Yiyi eke ilimi kobuero mundo ebiene liwamu, mulibu ( ekika munka embini ye nduru minti otuono, ma oyaba Nziami ( mundo oyu yesu kristu. ²² Kristu ake mukuo li lilumi lie Nziame, nde ewini ku yu. Bantumu ba Nziami, bakuru banga ngo lika osuru a la nde.