¹ Mundo ebu kristu mpari mumusunu livu bita be biene mumutini mumo. Kuobo wesa mando manduru. ² Mando mabo, muru mutine so ake okunu-okunu kuke bara mu mando mamabue ma Nziami ma sia mawamu. ³ Mundo ebu ntoo eluiri mosa mando makuini ba me osama: Bibuli mando mamabi, we nguani ya mando mabu mamambi baka ya bitio. ⁴ Ba mweni ndo mutini mukime ndo ebu mambu maluiri. ⁵ Bamueni ku bi wu ke nkua-nkua basisamu mwi mpe ntoo ya li fu. ⁶ Mumutine boso mbwini bukuru bo Nziami esisue mando ma Nziami a la bafi, kuobo nde asamu mu masumu ma bara, bo basisiyu anka Nziami mu itsu Nziami. ⁷ Onto bilo bibeso ya firi. Mpe itsu ye Nziami, mando ma nbe afufunu make ma mpibi ndo bi samu. ⁸ Munkara bilo bio beso lika ya bomo biu ba so lika ya likunu nvunu. ⁹ Ka ka muru ke munzo bu biye mu bumo ya bara bobaso mundo ebueno. ¹⁰ Mundo kuobu muru ebiene ba muwi kaba. Lisa kulewama mu momaso, sa mamana maka ma lelue bilo bawa mutini na mutini oke Nziami. ¹¹ Yabu muru ebi akika ebu elie bimpa be Nziami; yabu muru kabi asisi ya ngu ye Nziami nde yamuwi bilo asa bilo mumutini nde eso, Nziame amutuono a la yesu-kristu. limutuono mu ngu ende ye mvu ya mvu. ¹² Nkuini me buine me lika mumo ndo ebu mando ma ibini maliyi, aka ilo liki biene akio tsu le so ki lemono omono yesu ya ya. ¹³ Mumando maso aka ki mutine mpare kristu ike yi mbi ntama, biene lika ya tsee, ndo kuobo biene bise be fa we, mpe leka ya bise bibeya bi likunu. ¹⁴ Yabu nze ba otu mangwomo munkumu e kristu, biene Nziami ali wa mawamu. ¹⁵ Mamana ilowe limono mpari anka we fa aka ya mambi, akawe we sisa mando ma mambi too we du du bara. ¹⁶ Yabu, muru mukimi emonu mpari a ka we we isisamu; ake bufuru we, mundo kobunu nde ya tueni Nziami mu nkumu ende. ¹⁷ Mulibu ntoo esama ya biu onzo Nziami. Mpe biu ku ke biu mpe ike ndo ebiu we bu liziri lo we limukana e Nziami ? ¹⁸ Mpe << bara ba ibine ba wu mumakabu ba sia ebu basisamu we ba ka n mutini kimutini ?>> ¹⁹ Mundo kobunu bara bamoni mpari mumando ma Nziami. ba wi miko mika mimibue me yana osa mando mayana.