¹ Litibi furu mambi, mampia mando o lue; momaso ma mambi. ² Anka ba babuiri, liponi miliki we mubue kunto mpe ya bara ba kiu mando mama kiu. ³ Kiri biene kii limiu ebo mfumu eki we mubue . ⁴ Liya a la we ki nkunu emwe ye ba tibi a la bara, furu ya ba mubueno a la Nziami furu ya bamutueni. ⁵ Mukiri wuwunu, mutine mumo biene mpe like anka mankunu ma bawi mfu. ⁶ Bisuene bi lie kobu leta muli me ya mpuene nkunu ye mbwe, bapweni mpe ba kuini. We kiu nde asa we mambi. ⁷ Lituono like ya biene ba likiu. Moli nkunu eso batibi mu bara. Moli ya yu lilibue mpe yana. ⁸ Mpe nkunu eso ya yu ye kia. Babake babiri makia, babake ba liziri we mando mubo mutiini basue. ⁹ Muli biene like bara ba pueni, bo mfumo boke okari lie Nziemi. Mpe kana liyana , mpe bara ba Nziami ndo biene lilie ntsa le we biu mpibi munde mwi. ¹⁰ Ntoo eke biene like ka bara ba Nziami we: 0muli biene liwele ngebi, muli biene ya liwele ngebe. ¹¹ Ba nkuini me me lilie anka banzio ba eluiri me li we anka babu bayabi we nziami esa manguana mu mi wumu ebiene. ¹² Lika ya mando mu ma bue anku ba bame oyiaba Nziami ndonki bo ba lie a la biene e lu ni biene ki li lie mando mamabi, bo ki bata mando mamabue mpe bo sa bayu osamu Nziami: ¹³ Yaziri bakuru ba nze ndo e mfumu ya ziri a la mfumu munene ndenki nde ake mukuru ebiu ba so. ¹⁴ Mpe a la bakuru ba nsi, ba ba yuo mundo ba wa bara luo ya basa mando mabi mpe ya ba esama mando ma mabue. ¹⁵ Ndonki mutini okunu Nziami. Ya sa mando ma mabue, biene likiu bukebuke mando ebu bo bayabi we. ¹⁶ Anka bobakiu batawe, ndonki oyo obiene ekaka anka banga mampia, lika anka bana ba Nziami ¹⁷ Lituono bara bobaso, likunu yana libara Nziami limutuono mfumu. ¹⁸ Bara ba isia ya omi ziri onku ya bara ba osue biene ya ba buero ki osue li lika ya obuoro ya balisue biene bo ba sia bibibue moli mpe lika ya obuero eke ya kini. ¹⁹ Ike yana kini mburu akuini okuru muko eyu mpuru mu manviru ndo ebu nde eyabi mundo Nziami. ²⁰ Nki ise nze ekuru muko mundo ewu nze etumu mundo ma ndo mo mabi kiri biene mamabue mundo eki biene limueni mpari biene like yu mpuru, ike yana onku ye Nziame. ²¹ Moli mando eso yini biene bali bi yu, ndonki kristu mpe ake emueni mpari mu mando ebiene kiri lisiyu mutine yena ndonki biene lenama nzi e nde. ²² Mpe lisawe mando mabi, mpia mundo e mwana ngwande. ²³ Ya batu nde mangwuomo nde afiri we. Ya eyundu nde mpuru nde asi we mambi nde yayio mu mion me ntsu we tiri ma ndo yana. ²⁴ Yabiri mambi ma biu munkara nduru ende mu ekulisu, mundonki biu leka biu leka wu mambi mpe ndonki biu lebo ma tsu see mando mosama. mundo ma mbwe mande biu ya libio muwumu. ²⁵ Bio bo baso like le tiamu a mpe bimeme. Mulibu biene ya lifuru a la we ta baniamu mpe wekee miwumu me biene.