¹ Limata likunu le tara aliwi, mundo ebu bui balibiyu bana ba Nziame, molibu bui liki! mu isa eso, mukiri aliyabu we,kuobu nde a muyabi we tara. ² Ba buine bame, buru yaba biu like bana ba Nziami, mutini leka biu ya bo bayabi we. Biu liyaba tsu eka ebu kristu ya afuru, biu leka en ka nde biu lelimumono mutini ake nde. ³ Muru nde eso esisa mutime mumando mayiya a titieme mundo ebu nde ngako ake etieme. ⁴ Webu asisa mamabi ntoo eso ake imaluo, kuobo imaluo ayuyu we maluo. ⁵ Biene liyabi kristu ayi suru mundo adime mambi, munkara nde mambi mowe. ⁶ Muru nde eso ekika ya nde akabusa mambi, muru ndeso esisa mambi amumoni we, mpe amuyabi we ⁷ Bana bame, kawa nzi muru mumo akokio, we esisa mamabwe ake wumubue, kuebu yesu-kristu nde ngako ake wu mubue. ⁸ We isisa mamabi ake we mufu, kuobu mufu asisa mambi baa ntama. Mundonki mwana Nziami ayi kua du bisia bie mufu. ⁹ We bu bamiubuiri mu buziami asisa we ma mambi, kuobu nde ba mubuiri mu bu nziami. ¹⁰ Mundo ko, biene bana banziame mpe ya bana ba mufu ba liyiaba. webu asisa we mamabue ake ka we Nziame we, webu akukunu we bana bangwande aki we mufu. ¹¹ Moli, limata nsia eso leyu biene mu ina ntere: muli likunu ibiu - biu. ¹² Me yame kaa ka anka kayen nde ake anka mufu nde ya diu mwana ngwande. Amudiu mundonki? kuobu bisia be nde bike bibibi, Bisia be mwana ngwande beki bibibue. ¹³ Bandu bame ibungwu - ikalinsiu ya mukiri alikukunu we. ¹⁴ Biu liyabi mpe leluru mu lemfu yanko ya liwu bara bamwe, mundonki biu eka libakunu babiuni babiu. Webu likunu lo munkara bo limfu like a nde. ¹⁵ Yabu muru eso wunu akiuni biuni nde akeye ya mampia. ¹⁶ Biu liyabi likinu mundo nki klistu awi lamu le nde mundo biu, biu mpe lewa lamu le biu mundo ba buini babiu. ¹⁷ Mundo nki we wuwu bilo bi mukiri, mpe buine nde enenzaokio, yakui mokou nde ngebe yo we, kimotini likunu le Nziami leka a la nde? ¹⁸ Ye bana bame, likaka ya likunu li obi ya lilimi, ma ya ngha mpe maka ma bieni. ¹⁹ Mmumutini so biu ya liyiaba liki munkara ibini, biu ya lisi insui mikou me biu a la nde . ²⁰ Yabu mikou me bui mi le funu, Nziame ake we muneni oluru mikou me biu ya bi mando momaso. ²¹ Ba mbiuni ba bame, ya bu mukou we biu leke lisa itshiu a la nziame. ²² Yabu le nvinu li la ilo, biu le bobo a la nde biu le ki sa mando mabue. ²³ Mama make maluo mande, biu leke kiu nkumu mwana yesu-kristu, mpe biu likakunu ibiu-biu. ²⁴ we lulue maluo ma Nziami ake munkara nde Nziami mpe ake munkara nde. Mutine kobo biu liyabi nde ake ya biu, muwumu aliwi nde.