¹ Bana bama ba mpion me likueme mando maso ndonki likasa mando mabi, kiri mburu mumo esia mambi, biu like andi ntsu ebiu mumo ankua tare, yesu-kristu we ekiu. ² Nde ake nde ngako ewi ndo mambi ma biu ka ndo ebiu we, furu ndo mukiri mutine. ³ Kiri biu lilue maluo ma nde, yakiana ya esue bui ya li muyiabi: ⁴ We lie ni menamu nde eluru mutine eluru nde. ⁵ We lue maluo mande, likunu lie Nziame leka ibine ya nde: Akiana yesue akiana bare bande. ⁶ W e lie ebu asisiyu ya nde eluru anka eluru nde ngako. ⁷ Bankuime eke ka luo liliyanu nwe, me lilikueme, ike luo lie ntama liliwe biene ntama, luo le so le ntama ike mando maliyu biene. ⁸ Moli eke mando ma ibini melikueme nde mpe ya biene, muli mpibi emimaru mpe muili eya etuyu. ⁹ welie ebu, ake miuli ebu a la mwana ngwande a mukuini we ake munkara mpibi. ¹⁰ We kunu mwana ngwande ake mu muii, manzi mamabi mowe ankara nde. ¹¹ Mulibu wema mwana ngwande ake mu mpibi nde aluluru, munkara mpibi, nde ayabi we ko wini nde, ndonki mpibi ekiuri miu me nde. ¹² Melikokome bana bampion, ndonki maki ma biene makioo mundo e nkumu ende. melikokome ba tara, biene eki limuyabi weki ina ntama. Melikoko minkumba ndonki biene ike limuyabi ya makani ma mambi. Mmelikokome bana ba mpion ndonki blikiliabi tara. ¹³ Melikokome ba tara mundo ebu biene like yiabi we be ina e ntame. ¹⁴ Melikokome minkumba kuobo ngu tsee, ndonki mando ma Nziame masisiyu ya biene, ndonki biene like liyabi nga makani ma mabi. ¹⁵ Likakunu mukiri wu ya biloo bibiu.Kiri wunu kuini mukiri wu, likunu le tara a la nde lowe. ¹⁶ momaso make mumukiri wu, bise be nduru, bise be mion lilini lilini lie nduru mafi ka a la tara we, kuobo mando maso mana mafi mumukiri. ¹⁷ Mpe mukiri aluluru, ya mando mande momaso moli we ekiri mando ekukunu Nziami ma ka impine. ¹⁸ Bana ba mpio, ntoo e nto ya ekiu, mutini leyiabi biene we mumando ma Nziami ayiya, moli bake nsee ba muma mando ma nziame: akiani biu ya liyiabi yalitue o ntoo e nto. ¹⁹ Bo batiyu munkara biu ndonki bo bake ka babiu we; yobu bo bake babiu, bakasiyu ya biu, m,amana mayi ndo ebu masuo bo bakiki ba biu we. ²⁰ Mundo ebiene like liweli mfu a la ebu ake yani, biene bobaso like limoyabi ²¹ Me likokome ndonki biene liyayaba bibi make ma ibine,mpe ndonki nga mampia akayaba eki mando. ²² Ba nga mampia, we imuma ebu yesu ake ka kristu we? wuwunu ake we muma mando ma Kristu, we muma tara ya mwana. ²³ We muma mwana a la nde tara nde we, wekikiyu mwana a la nde tara aninde . ²⁴ Maleyuyu biene ba ntama maka ya biene. Yo obu maleyuyu biene ba ntama make ya biene, biene like munkara mwana ya tara. ²⁵ Mpe misini akiri nde lesiyu impini. ²⁶ Me likokome mando maso mana mubara bakikiu biene munzi ye mbue. ²⁷ Mundo ebiene, mfu eso liwele biene a la nde esiyu ya biene, biene lika we ya mpio ebu balisuo, moli mfu eso eli suo mando maso, mpe mamana ibine ka mampia we, lisiyu munkara nde mamana masiyu ya nde. ²⁸ Mpe moli, bana bampion lisiyu munkara nde ndo ebu bua ya furu nde biu lisa muku, tsu mando maso bui likadimu mpe likaka nta ya nde. ²⁹ kiri biene like liyabi nde ake wu oku, liyiabu ebu nde eso esisa mando mabue bamubuiri ya nde.