¹ Ba kiuni me li ka boboso ya tara yobu bobakiu we tara, ndo ebu bobaso ba ke ya Nziame, ndo nki tsee ba nga mampia mamando ma Nziami ba wini tsee mu mukiri wu. ² Mundo so biu liyiaba bara Nziami, wu yabi ebu yesu eyi munduru ake we Nziami, ³ Nde so we ki yabi we yesu ake ka we Nziami we. Ndonki weliyu biene aki eyi mu mukiri. ⁴ Biene like ba Nziame, bana ba me biene ki liyi mpuru ndonki weyi ake oluru ba baki mumu kiri mu nsi mu. ⁵ Baki ba mukiri; yiyini yo bobaso ba kiyu ba mukiri, mpe mukiri e bayu. ⁶ Bwi like ba nziami, nde so eyu Nziame, eyu biu. Ye kika we Nziame e liyu we. Akiana ya liyaba mando ma ibine mpe ya mando mabadimu. ⁷ Ba ndu ba me liya ikunu bob ya biu; ndonki likunu li Nziame, mpe we kunu ba muburi Nziami mpe muyiabi Nziami. ⁸ Mburu we kikunu we a yabu we Nziami, ndonki Nziami ake likunu. ⁹ Ndo yiyini ngebe e Nziami e nguee ankara biene, ndonki Nziami ya wi mwana nde nde mumo mu nsi mu, ndonki biu lisiyu ndo e nde. ¹⁰ Yo yini ngebe. Ndonki biu likunu Nziami. Ndonki nde eki likuini, mpe nde ya wi mwana nde eyi wa mu mukiri ndo mambi ma biu ¹¹ Bandu ba me e kukunu kiri Nziami likuini, biu mpe likunu biu ebiu. ¹² Muru mu mo we mani mowe Nziami, mundo ebu biu ya biu likunu biene ya bo, Nziami aka ya biu mpe mulikunu le nde mpe obuen ya biu. ¹³ Mu mukono biu li baya mpe biu lika ya nde, aka ya biu mundu ebu nde aliwi mu wumu . Mpe mulibu biu ya limweni mpe biu ya likiuni a la biu, tara ya yio mwana nde mundo biu ¹⁴ nde aka vii ebiu mumukili. ¹⁵ We kiu nde eso ebu yesu ake mwana.Nziami, Nziami a mukukunu a la nde mpe ake ya Nziame. ¹⁶ Mulibu biu ki likiu mpe likiuni, likunu lie Nziami le ka ya biu, Nziami ake likunu mpe wu ewa mumando malikunu le nde ake ya Nziami, mpe Nziami ake ya nde. ¹⁷ Mundo ndo eso yini, likunu leyi mubue a la biu, mundu ebu lisa muku mutsu lio osama, ndonki mutini ake ya nde, mutini like biu mumukiri. ¹⁸ Ilo kiobara we mulikunu, ndo nki likunu lilibue eka liokiu bara, mundo ebu bara ko bi ekiowa kobi mpe nde eso webara ake ka wumu biwe mulikunu. ¹⁹ Biu liyi kunu mundo nki Nziami aki likuini bara ba teri. ²⁰ Kiri ebu wumuke lie a la me me kimukunu ( Nziami a la ndu e nde a mukukunu we, ake muru ma mpia, mundo ebu welie ebu nde amukuini we mwana kwande wa amini nde aka we likunu le Nziami wa memoninde. ²¹ Mulibu, Ta miki mi like biu amio, we bu akiuni N ziami akunu mpe mbwine nde.