¹ Bapendwa, musiamini kila roho, lakini muzichunguze kama zina toka kwa Mungu. Sababu ba nabii bamingi ba bongo balisha tokea mu dunia. ² Kwa hii mutatambua Roho ya Mungu: kila Roho yenye inaamini kama Yesu Kristo alikuya kwa mwili, ni ya Mungu. ³ Na kila Roho yenye haiamini Yesu haiko ya Mungu. Ni roho ya mupinga-Kristo mwenye mulisikiaka kama atakuya, na sasa alisha kuya mu duniya. ⁴ Nyie batoto bapendwa, muko ba Mungu, na mulibashinda sababu mwenye iko ndani yenu iko mukubwa kushinda mwenye iko mu duniya. ⁵ Ni ba duniya; njo maana banasema byenye kuelekea duniya na duniya inabisikia. ⁶ Shiye ni ba Mungu ; mwenye anayuwa Mungu, anatusikia, mwenye haiko wa Mungu hatatusikie, kwa ile njo tuna tambua roho ya kweli na roho ya udanganyifu. ⁷ Bapendwa, tupendane shiye kwa shiye sababu mapendo ni ya Mungu na mwenye anapenda, anazaliwa na Mungu na anamuyuwa Mungu. ⁸ Mwenye hana mapendo, hamuyuwe Mungu, sababu Mungu ni mapendo. ⁹ Mapendo ya Mungu ilionakana juu yetu sababu Mungu ali tuma Mutoto wake wa pekee kusudi tuishi ju yake. ¹⁰ Mapendo ya Mungu ni ivi: shiye hatu ku mupenda lakini ye njo alitupenda na akatuma Mutoto yake sawa sadaka ya kutegetezwa ju ya kutosha zambi zetu. ¹¹ Bapendwa, kama Mungu alitupenda, tupendane shiye kwa shiye. ¹² Hakuna mwenye alishakaona Mungu, kama tuna pendana shiye kwa shiye, Mungu iko ndani yetu na mapendo yake inakamilika ndani yetu. ¹³ Kwa hii, tunayuwa kama tuko ndani yake na yeye iko ndani yetu, sababu alitupatia sehemu ya Roho yake ¹⁴ Tuliona na tunahakikisha kama Baba alituma Mutoto wake kama Mwokozi wa duniya. ¹⁵ Mwenye atakubali kama Yesu ni Mutoto wa Mungu, Mungu anaishi ndani yake, naye ndani ya Mungu. ¹⁶ Tena tuli yuwa na tuliamini ku mapendu ya Mungu kwetu. Mungu ni mapendo na mwenye anaishi ndani ya mapendo, anaikala ndani ya Mungu na Mungu anaikala ndani yake. ¹⁷ Kwa sababu ya hii, mapendo hii inakamilika ndani yetu, kusudi tukuwe na tumaini siku ya hukumu, kwa sababu vile iko njo vile tuko ndani ya duniya hii. ¹⁸ Ndani ya mapendo hamuna boga, lakini mapendo ya kweli inaondosha boga, sababu boga inaleta hukumu na mwenye kuogopa hakukamilika ndani ya mapendo. ¹⁹ Tunapenda sababu Mungu ali tupenda wa kwanza. ²⁰ Kama mutu anasema:«Napenda Mungu» lakini anachukiya ndugu yake, ni musema bongo. Sababu mwenye hapende ndugu yake mwenye anaonaka, atapenda Mungu mwenye haonake. ²¹ Na amri alitupatia njo hii: kila mwenye anapenda Mungu, apende ndugu yake.