¹ Enu nudi ana ahitangana kuzola Nzambi, khalenu mudi mweni. ² Luzolu lwenu lukhadi mudi kia nu zodidi Yesu,wadihanini mudi makabu ma moyi ma hwedi Nzambi kieshi. ³ Kindumba,mambu ma soni ma pila ni pila,ma lungidiku ku nu yala kikuma enu nudi ana jia Nzambi. ⁴ Nu makudilanga oku lo. Nu solulanga oku mambu mabola,ma wuzoba, ma wulengi ni ma soni. Leka masolu menu makhadi amana ma kuwanga Nzambi merci. ⁵ kikuma nu feti kwijika etshi ni muthu ka kanona oku fundu mu kifumu kia Yesu to kia Nzambi,yivwa wenda wahanga kindumba,mambu ma soni, wiji wa fwalanga,jiekhina mudi nzambi wendji. ⁶ Muthu ku nu wunalo mu mambu mendji ma pamba pamba. Kikuma kia mambu menamana, khabu jia nzambi jia ka bwila athu enda kuleka ku mwivila. ⁷ Nu khundangana ngoku nawu. ⁸ Thethi enu nwakhedi mu pipa,kashi ki nwa bundangana ni Yesu nwekhina ku bejimina mudi tangwa. ⁹ Henihohu, khalangenu kaka mudi athu nu ku jinganga mu mwania. ¹⁰ Kikuma eni enda kulombulula kaka yisalu ya pimbu,ya masonga ni ya kiedika. ¹¹ Ejikanga enu kusola mambu makuhwa Nzambi kieshi. nu jinganga oku epi ni athu enda kuhanga yisalu ya mupipa,ni ma konda fhunu, kashi nu feti ku wa tungululanga kumesu ma athu oshu. ¹² Kikuma moshu menda kuhanga mu kitsweki medi soni jingi mu ku makula. ¹³ Mambu moshu menda kuhangama mu mwania medi luthungu. ¹⁴ Kikuma mambu moshu ma luthungu medi mwania. Kienikioki akula etshi: " Ayi wudi ku tulu, tokama,katuka mu katshi ka athu edi afwa, Yesu wu ku kwingisa mu mwania. ¹⁵ Kebenu mu yifu yi nudi kujinganga nayi,nu khala oku a mazoba,kashi mudi athu a mayela. ¹⁶ Ki nudi khadi ni tangwa, dihangilenu pimbu, kikuma yilumbu yi twekina yidi ya bola. ¹⁷ Nu khala oku mazoba,kashi ejikenu kamu kuhenga mambu menda kuzola Fumu. ¹⁸ Nu zelanga oku maluvu, maleki ku nu bebisa, kashi zala enu ni pevi ya longu. ¹⁹ Tangwa nu ku bula kuwaningina mu yisambu yimbanga enu mimbu ya kipevi mu kuhwa nzambi lukumu. ²⁰ Tangwa dioshu nu feti kuhwanga Nzambi lukumu mu mambu moshu mu jina dia Fumu Yesu khidishitu. ²¹ Mudi ki nwenda kuhwa khidishitu lujitu, nu feti kusiangana lujitu enu ni enu. ²² Akhetu lemvukanga enu kudi alumi jienu mudi ki nwenda kulemvuka kudi Fumu. ²³ Kikuma Yala wudi fumu wa mukhetu, mudi khidishitu epi wudi mutwa wa dibundu. Mweni weza kuhulusa dibundu. ²⁴ Mudi kienda kulemvuka dibundu kudi khidishitu,akhetu epi afeti kulemvuka kudi alumi jiowu mu mambu moshu. ²⁵ Enu amala, zolenu akaji jienu,mudi kiazodidi khidishitu dibundu,wa hanini moyi wendji kikuma kia dibundu. ²⁶ Wasukila dibundu ni meya ma mbotika ni ndaka ya Nzambi kikuma dikhini dia vedila, ²⁷ dikhini ku msu mendji mudi mukhetu wa lukumu, wa waha, wakonda makwandjia ni pishi ku mbunzu, kashi di khadi dia vedila ni dia konda kubola. ²⁸ Kienikioki epi amala afeti kuzola akaji jiowu mudi mwila wowumweni.Oyu wazola mukaji endji wa dizola enjimweni. ²⁹ Kushiku ni muthu wenda kudi beya,kashi koshu muthu wenda kudisa mwila wndji ni ku wu keba mu pila ya mboti. Khidishitu epi kienda kuhanga kioki kikuma kia dibundu. ³⁰ Kikuma etu tudi matngu ma mwila wendji. ³¹ Kikuma kioki, Yala afeti kusisa tata endji ni mama endji, endi kukwela mukaji endji, he owu mbadi ekhina muthu mumoshi. ³² Medi mambu makola mu kubakisa,kashi nienda niakula kikuma kia kihidishitu ni dibundu. ³³ Enu epi koshu yala afeti kuzola mukaji endji mudi enzimweni,mukhetu epi afeti kujitisa mulumi endji.