¹ Ana, lemvukanga enu kudi a tata jienu kikuma kia fumu yesu,medi mayitangana kuhwaha. ² "Lemvikenu kudi tatenu ni mamenu" (eyi tshiku ya thethi ya sweka lusakumunu), ³ wu kukhala ni lujingu lwalaha enaha hashi. ⁴ Enu atata, nwivisanga oku ana jienu khabu,kashi wasasangenu mu ndjila ya malongi ma nzambi. ⁵ Enu ahika,lemvukanga enu kudi a fumu jienu a hashi,ni woma ni lujitu mu mutshima wumoshi,mudi nudi kulemvukilanga khidishitu. ⁶ Yikala oku kaka tangwa diedi ku nu talanga. Lemvukanga enu mudi etshi nudi ahika jia Khidishitu. ⁷ Hangangenu kisalu kienu kia wuhika ni mutsima wa pimbu ,mudi etshi nwenda nwa hangila khidishitu,kashi athu ⁸ lo. Kikuma muthu akhedi muhika to lo,wakanona lufutu kudi khidishitu yivwa kisalu kiendji kidi kia pimbu. ⁹ Ni enu epi a fumu.hangenu pila yimoshi kudi ahika jienu. Nu wa yangisanga oku,kikuma ni enu ni eni nudi ni fumu wudi ku wulu, mweni kakhala oku kasolangani. ¹⁰ Mu kumanisa, hengangenu ngolu kudi fumu. Kikesa kienu kikatukidi kudi mweni. ¹¹ Vwatenu mata menda kuhana nzambi kikuma satana aleki ku nu wuna mu mayela mendji mabola. ¹² Kikuma etu a khidishitu twenda oku kunwana ni athu ,kashi ni pevi jia bola jienda kutambika etshi "luyalu lwa hashi",lwa mambu ma pipa,twenda kunwana ni pevi jia bola jienda kukiba kuku ni kuku mu mupepi. ¹³ Kionikioki nonenu mata moshu menda kuhana Nzambi. kikuma kia yilumbu ya bola yeza, mbeni aleka ku nu bwisa. kashi nwa kakhadi kaka ni ngolu. ¹⁴ 14Khala kaka mudi asuta. Henda kuvwata mukabamu luketu,mukaba wenu wudi malongi ma kiedika. ¹⁵ Suta wenda kuvwata kazaku ka yibenda mu kudikeba mwila wendji. Enu kazaku kenu kedi yifu yenu ya pimbu. Suta wenda kuvwata sapatu mu kudiata pimbu,enu khalenu kikesa mu kulonga ndaka ya nzambi. ¹⁶ Leka lukwikilu lwenu lukhadi tangwa diosu ludi ku nu kebanga ku matoma ma mbeni mu ku leka ku nu bwisa. ¹⁷ Leka Ndaka ya nzambi yikhadi kudi enu mudi pwa ya yibende yenda kuvwata musuta. ¹⁸ Poku ya mwela yenda kukhala ni asuta yidi ndaka ya nzambi yenda ku nuhwa Pevi ya longu. Mu mambu moshu ,sambilanga enu Nzambi hengi,lombanga enu kudi mweni a nu sadishi mu ngolu jia pevi. Kangulenu mesu konda kuhwila. Sambilangenu Nzambi kikuma kia akhidishitu oshu. ¹⁹ Sambilangenu kikuma kiamemi,ni swakadi kukhala ni mayela ma kwjikila kitsweki kia mambu mendji mu ku malonda ni kikesa kioshu. Nidi thumwa wa mambu mendji ata ki nidi mu boloku kikimweni. ²⁰ Kienikioki sambilenu nzambi a nguwu kikesa kia kulonga kidi luzolu lwendji. ²¹ Kashi yivwa nwa zola kunona kwijiya pila ya kisalu ki nidi kuhanganga ni ki nidi , pangi Tychique ,wenda kuhangila nzambi ni mutshima wumoshi, wu ku nu leza moshu. ²² Nia mutuma kudi enu, a nu leji ki tudi ni ku nu shipisa mitshima. ²³ Leka ngemba yikhadi ni apangi oshu, luzolu lwa nzambi ni Fumu Yesu lu nu yadi. ²⁴ Mamboti ma Nzambi makhadi kudi athu oshu enda kuzola Fumu Yesu khidishitu mu luzolu lwa mboti.