¹ Kikuma kioki ami Polu nidi mu boloku dia khidishitu Yesu kikuma kienenu kikanda kiekha. ² Nwejika ni kiedika kioshu etshi,Nzambi mu luzolu lwendji lwa pimbu wanguhwa kisalu kikuma kienenu. ³ Mweni enzimweni wa thendudidi kitsweki ki nia sonikinini. ⁴ Mudi ki nu kutanganga mukanda wenowu, ejikenu etshi ami niejika kibeni kitsweki kia khidisitu. ⁵ Nzambi wa makudidi kudi a khakha jietu mu tangwa dikulu, kashi kieneki Pevi yendji ya malombulula kudi a santu ,a longuki ni athumwa jiendji. ⁶ Kitsweki mweni ekhi kiekhi:kikuma kia tsangu ya pimbu yikanda yoshu ya nona kiyeka kia kunona kimvwama pila yimoshi ni ayuda. Ekhina yitshini ya mwila wumoshi,nzambi wa wa kapila kimvwama kiendji kia walejidi,kia nona mu nzila ya Yesu khidishitu. ⁷ Kikuma kioki ami niekhina longi mu kulonga tsangu mweneyina mu luzolu lwendji. ⁸ Ata nidi kwemi musula mu katshi ka akhidishitu oshu,Nzambi wa nguhwa malawu mendji ni leji athu a yikanda yekha etshi lemvu dia yesu dishiku ni tsuka. ⁹ Ni wa leji pwelele mambu mahanga nzambi kikuma kia yikanda yoshu etshi: mambu ama makulungisanga wa ma kanini kadi yandjika thunda. ¹⁰ Pila yenda kuhangila mu dibundu,yifumu yoshu yidi ku wulu yenda kutambika etshi"Yluyalu lwa hashi" yoshu yi feti kwijika etshi mayela ma nzambi meshiku ni tsuka. ¹¹ Yandjika thama nzambi wakanini kuhanga kienekina,wa malungisa mu ndjila ya kisalu kia fumu etu Yesu Khidishitu. ¹² Kikuma kia Khidishitu twanona kadi dipanda,tukala ni woma mu kupusana penapena ni Nzambi mu djila ya lukwikilu lwetu kudi mweni. ¹³ Nu lembwa oku kikuma kia pashi ji nidi kumonga , jidi kukuma kia lukumu lwenu. ¹⁴ Henihohu nienda kufukama Nzambi tata, ¹⁵ wenda kuhana moyi kudi yima yoshu,hashi ni ku wulu. ¹⁶ Nia mu lomba ahangidi ngolu jiendji jioshu, mu pila etshi Pevi yendji yi nuhu ngolu nukhadi ni kikesa kia lawu. ¹⁷ Nia lomba etshi khidishitu akhadi mu mitshima mienu mu djila ya lukwikilu. ¹⁸ Nia lomba epi etshi nukhadi ni luzolu. Kienekina mu kimvuka ni akhidishitu oshu, nu kwijika luzolu lwa khidishitu lwa khala oku ni tsuka. ¹⁹ Lwa hita mayela moshu. Nuhanga kienekina nu zala kamu ni kimvwama kioshu kia Nzambi. ²⁰ Nzambi wudi ni ngolu jia kuhanga mambu moshu hitila ma twalunga kulomba to kubanza,ngolu ji moshi jioji jienda kuhanga mu mitshima mietu. ²¹ Lukumu kudi lukhadi kudi mweni mu dibundu,mu kimvuka ni Yesu khidishitu, tangwa disohu. Amen!