¹ Thethi nwa khedi mudi athu afwa mu kipefi, kikuma nwakhedi kuhanga kubola kwa pila ni pila. ² Enu nwa khedi kulaba ni kulemvukila mambu ma hashi, ni pefi jiabola jienda kuhita mu muhunga, yenda kuhanga mu misthima mia athu enda kuleka kulemvuka kudi nzambi. ³ keshiku kashu enu, etwoshu epi ki twa jinganga kioki. Twahanganga luzolu lwetu mweni lwa kimuthu. Twakhedi mudi athu oshu,kimuthu kietu kia khedi ku tubendila khabu jia nzambi. khabu jia nzambi ⁴ Kashi nzambi wudi wa khenda,kikuma wa hitangana kutuzola. ⁵ Kienikioki ki twakhedi mudi twa fwa mu masumu metu, mweni wa tuhwa moyi wa katataka ndjila yimoshi ni Khidishitu. ⁶ Kaka Luzolu lwa pimbu lwa nzambi lwa tu hulusa. Nzambi enzimweni wa tukatula mu lufwa ndjila yimoshi ni Yesu waya ku tushia homa ha khembu ku wulu. ⁷ Menama moshu wa mahangidi mu pila etshi ku twala aka swakadi ku tu leza luzolu lwendji mu ndjila ya Yesu khidishitu. ⁸ Yidi mu luzolu lwa nzambi enu nwa huluka mu djila ya lukwikilu, keshiku mi ngolu jienu, kashi medi makabu ma nzambi. ⁹ Keshiku kikuma kia mambu ma nwenda kuhanga enu nwa huluka, nu leki kudishikisa. ¹⁰ Kikuma etu tudi kifwanisu kia nzambi. Wa tu hangidi ndjila yimoshi ni Yesu khidishitu mu kulungisa mambu ma pimbu ma tuhangikididi yandjika ntama. ¹¹ Ebukenu ki nwakhedi thethi. Ayuda akhedi kwakula etshi enu nushiku athu jia Nzambi kikuma nwendoku kwingila mukhanda. Kaka eni edi kikanda kia nzambi kikuma enda kwingila mukhanda,kinga lo athu enda ku wa wuka. ¹² Kikuma etshi nwakhediku kadi nwejika Khidishitu. Nwakhediku mu kikanda kia Yiseledi. Nwevwanga ni nzambi kaka mu luzolu lwendji lwa pimbu lwa kilaji kia shidi kudi athu jiendji. Nwejikidiku nzambi enu. ¹³ Kashi he ki nwejika Yesu, enu nwakhedi thama ni nzambi, nwekhina mu belabela ni mweni kikuma kia mashi ma Yesu. ¹⁴ Kikuma mweni watunehina ngemba. Wa twikinisa muthu mumoshi. Wa bwisa kibaka kiakhedi ku tu mwanga ni kutu kapa ni ku tunehina kimbeni. ¹⁵ Wakatula tshiku jioshu jia ayuda,kikuma etshi etwosu twikini athu akakatataka ni enzimweni. ¹⁶ Kia fidi a hulu dia kulundji wa katudidi kimbeni kia ayuda ni yikanda yekha, wengishidi kwivwanga mu katshi kowu ni nzambi,wa wekhinisa owu oshu mudi mwila womoshi, wa mwangini kimbeni. ¹⁷ Yesu weza ku nu nehina ngemba ni kudi enu nwakhedi alaha ni kudi awa edi mu belebela. ¹⁸ Kikuma mu ndjila ya Yesu etwosu twa nona ndjila ya kwenda kumesu ma tata ki twa nona Pefi yimoshi. ¹⁹ Ejikenu etshi enu nushiku ayuda nushiku epi anzenza, nwekhina mu kikanda kia Nzambi,nwekhina akwa kifumu ndjila yimoshi ni akhidishitu athethikididi. ²⁰ Ni enu ni eni nudi mudi mayala medi kutungilanga Nzambi nzu yendji. ²¹ Athumwa ni Ambikudi edi muzwila woyi, Yesu khidishitu enzimweni wudi yala dizima diakwata nzu yoshu. Mayala moshu medi makwata kudi mweni kikuma ayikhinishi nzu ya longu. ²² Mu kimvuka ni mweni, enu epi ni akhidishitu ekha nwikhini nzu ya nzambi ki nwa nona pevi yendji.