¹ Yezu ekeswende lengab, me sab nde vey e mer tii mekek'yi nde le waa nde. ² Mayil wa nkar emwatuk ledzuk ember. Ntang meyen Yezu lukwikilu ewa, me kab nde mbefo nde:" yotung eme wur e masum, tsuk bir, Nzama amo lolul yia" ³ Ka Along amwa ansik metib wa letum, wa mugne:" wur na evuenza Nzama". ⁴ Yezu me yiande nde ngin iwa, mayul nde wa:" itsen lange ngin obe lewano?" ⁵ Leshuong ipe ngena, enga ngele bir letib: Nzama amo lolul ya to, sum kiena? ⁶ Ke me ntalang noyiano ke van-wur ale la kiyek e ndolul wur e masum ana leboo. Nduk za nge kab nkar: zum yia nkagne, mpi vey mber eyia, kal evl'e. ⁷ Wur ekwa mezum nde, mekal nde evl'e nde. ⁸ Ntang nge yen avar otin ngeni, woma makir wa; mepawa Nzama lukum, itsen Nzama epande avar kiyek otin ngeni. ⁹ Yezu me lim nde loka za. ntang nge yinde iling, me yen nde wur emwatuk, Matiasi, nga tanse le bilo avar paf're atara; Yezu nda mugne :" zondab", nde mpi molab nde. ¹⁰ Ntang ngeyi Yezu ela levl'e,akalak a mpak ti avar olal abifu ipwa, ezelawa mesa emwotuk ti nde ti alongoki ende. ¹¹ Ntang Amfarizi nge yen eshuong ngeni, me yul wa alongoki ende: itsen lange long eno elande mesa emwaotuk ti akalak a mpak ti avar a bifu ipwa?" ¹² Yezu mazuk nde wa,kansi nde tib ndamugne: avar ni nkag be, wa pale lamfun e mungang be."kansi avar ngele lankang, wa ngeni ngele lamfun e mungang." ¹³ Ka longuk no kisong'dil eshuong ngele lenkan e Nzama:" eleme mpe lang avar ampi makab akiel be, kansi me levi avar ansa be, kansi avar amsum". ¹⁴ Ntang na, Alongoki e Jang Batisi meza yul wa Yezu:" mbal ivr'e, so ti Amfarizi,patun so lela itsen lesam Nzama. Itsen lange Alongoki eyia ape tun olil ata itshi be?. ¹⁵ Yezu mayul nde wa mpi nda mugne: nebansa no na mugne liwur ewur nge kwel, ekug wa leza langi ntang ngele wur ngeni ale nda wa? be, kansi eshu keni katun wa lela. ¹⁶ Wur ape len abam ilam enkul la kiten ilam edzang be. Itsen kiten ngeni kapab za ilam enkul, kitung kapul za ngayi za eso. ¹⁸ Ntang nga kab Yezu eshuong ngeni, nk'mu emwotuk Ayuda mezande, me fukam nde lanku e Yezu nda mugne:" van m'onkar amewa ke sesep na, kansi za tsuk nde ewua,nda zwiyi". ¹⁹ Yezu me zum nde mpi molab nde; Alongoki ende mpi molab wa. ²⁰ Onkar emwa eyinde lankang, epur kakiel mvia ipe okin, meling nde lemb'yi e Yezu,mokir nde linshuong ilam. ²¹ Itsen eyinde etib nda mugne:"kozuk ekir me alam ende,kayen ne nsa". ²² Kansi ntang Yezu metshim nde embembeyi, moyen nde onkar wa, ke nde nda mugne: yia ma ngena, za lakikesa! lukwikil eya eme gulusa yia. Kele ntang keni, onkar me guluka nde. ²³ Ntang me kum Yezu levl'e enk'mu Ayuda me yen nde avar pabier mizik lasaka ti avar olal ngekie ezuk, ²⁴ Kende me tib ndawa ndamugne:" lim no! van onkar ni apang wa be,kansi nda mebir ila." Avar wa me bagne wa lozo twa. ²⁵ Ntang mepur wa avar, Yezu meswende, mokir nde lewua, mpi van me zum nde. ²⁶ Nsang mepay wa mp're kakin. ²⁷ Yezu me lim ani. Ntang ngikande, avar ape vey ngawie molab wa nde. Eyiwa ike letib labir:" van Davir, zuk so ngii!" ²⁸ Natng meza Yezu, angwe vey me sin wa pipi lande, mayul nde wa ndamugne:" No meyil no ke melen ekie eshuong ngeni?" wa mugne:" E , nk'mu!" ²⁹ Ntang na, Yezu makir nde lev'yi, ndamugne:" eshuong na isalama kaka le lukwikil eno!" ³⁰ V'yi wa medub wa, mpi Yezu makebisa nde:" obia kab no ata wur emwatuk eshuong na !" ³¹ Kansi mekepey wa nsang mp're kakin. ³² Ntang Yezu me kum nde le kien, avar me yawa la nk'l emwatuk ti wa mpeve epwa. ³³ Ntang Yezu mek'mu nde mpeve epwa, nk'l za metib nde. kimvuk avar me yituk wa, wa mugne:" eme na mpa tosalama osu le Israel be!" ³⁴ Amfarizi wa mugne:" nk'mu ampeve ipwa wur ngopa nde bir lepur mpeve ipwa." ³⁵ Yezu eke nde tar lawaa kakin inenen ti itshi-tshi. Eke long nde avar lemvl'e iza Enzama, lalong nsang iwuo, itsen lok'mu Enzama, ekende lebeluk ambefo to mpasi etin letin. ³⁶ Ntang me yen nde mbar avar , mopaza ngi, itsen eyiwa engaliegne, kikesa be, nse ameme mekwan wur nga langidil. ³⁷ Yezu me kab nde Alongoki ende:" Ambur olala ile levl'e, kansi ansadi ale itshi. ³⁸ Wuon no nk'mu ngevl'e nda tsigne ansadi levl'e."