¹ Ntang Yezu nge vi nde Alongoki ende djum lipe, apande kiyek empur ampeve ipwa ti embeluka bimbefo to wa mpasi etin letin. ² Adzen Antumwa djum lipe ndono: oso, Simo paviwa mpi Pier ti okwom nde Andre, Yakobi ti okwom nde Jang, avan a Zebede. ³ Filipu ti Batlemi, Toma ti Matiasi, wur ngeyi eso kalak e mpak, Yakobo van Alfe;ti Tadey; ⁴ Simo eyinde revolisioner, ti Yudas Iscariote ekwa nge sar Yezu. ⁵ Ntang nge tsigne Yezu avar djum lipe ngeni, makab ndamugne:" obia kano lewaa ampagne, leboo Ayuda, Asamaria. ⁶ Kansi kano waa avar Israel ngele nse ameme ngeme djim. ⁷ Ntang ngika no, long na mugne:" kimfum e Nzama emekum pipi!" ⁸ Belula-no ambefo, sum-no avar lewa, belula-no anga nkang e lepre, pur-no ampeve ipwa, no mevano makab na ofele, pano za mpi ofele lewa avar amwa. ⁹ Obia swer no ata walo, ata arza, ata bronze labeng ano. Obia vey no ata sakosi, ata ilam iyia emwa, ata sabar, ata mpang. ¹⁰ Itsen wur otshia efetel levey lifutu ende. ¹¹ "Ata eswe no lewaa enen to itshi, to ling no wur nga len layan no, obil no lewa nde tii ngalim no lewa za. ¹² Ozuk omesweno levl'e avar , paano wa mbor. ¹³ Ozuk anga evl'e amayal,mambote ngeni ekal lewawa. Kansi ozuk wata yam be,mambote ikal lewa no. ¹⁴ Itsen lavar ngatun layam no to ngatun lezuk etib eno, ntang ngaka no lewaa to lewaa enen ngeni, miang no wa mfututu enku itsen wayia ke wa mekie ipwa. ¹⁵ Me ntakab no dji-dji: Eshu nga samisa Nzama avar, ndol e Sodom ti Gomor kazawa itsi, kansi ndol avar awaa za kazaza olal!" ¹⁶ Kiang, me nta tsegne no nse ameme leti amfi; zano ayel nse angavua, lotum edju nse apizio. ¹⁷ Keb no, itsen amwa kakir wano, kafun wano le tribunal, ka bul wa no afim levl'e iwa Enzama. ¹⁸ Kake sam no losu Aguverner ti losu ewa ntotila itsen lame. Kayieno lekie kitemwe lev'yi wa ti lev'yi ampagna. ¹⁹ Obia yen no mpasi lotum ozuk wa fun no lewa azuzi: katib samugne? to ktib ensenge? itsen Nzama kalak nde no ngatib no le ntang za. ²⁰ Itsen mfa no laka tib be. Loka, mpeve e Taa katib leti eno. ²¹ Avar kapawa atung awa nza lengwa mben, itsen ladjak wa, ataa kakiewa otin emwotuk lewa avan awa. Avan kakum wa amben a taa ti a maa wa, mpi kadjak wa-wa. ²² Avar kakin kayina wa no, kansi wur kakang otum tii lensuk, kaguluka nde. ²³ Ntang kaniokol wa no lewaa amwa,lur no waa inki. Mentakab dji-dji: no pomay no etshia eno lawaa kokin l'Israel be, ozuk van-wur apang za ntete be. ²⁴ "Van enzonkan ape leng long ende be; mpik ape leng nk'mu ende be. ²⁵ Nsa van enzonkan aza nse long ende,mpik aza nse nk'mu ende. Ozuk wa me pa nk'mu evl'e dzen: Satan Belezebul, kapawa adzen e kuluta ipwa lavar ivl'e ende." ²⁶ Obia lur no avar womo. Oshuong kakin oziyi pa suk za kele pwe lien, itsen eme kakin oziyi pa monisa za kaka. ²⁷ Eshuong ngakab me no lepib, no fetel letib wa lensem, eshuong nge zuk no lekinswek,nofetel lekab noza lev'yi avar. ²⁸ Obia zano la woma avar nge djak dzung, kansi wa padjak moy be;kansi lur no Nzama woma, nde ngalen ledjak moy ti djung le bilung. ²⁹ Keti wa pasar mf'le itsi lek're itsi? nsa mf'le emwatuk epelin lekwa leboo be, ozuk taa na mpato yir be. ³⁰ Ata awu ano lotia, Nzama ametang za konso. ³¹ Nduk za, obia zuk no woma, ata amf'le ale olal, kansi noma ling no wa lamfun!" ³² Wur kanso ngangir me lev'yi avar ,mempi koyir me nde lev'yi e Taa me ledzuk. ³³ Kansi wur kanso ngantun me lev'yi avar, me mpi kotun me nde lev'yi e Taa me ledzuk. ³⁴ Obia bansa no, mezeme letsuk ngem leboo, peyime ngem be, kansi ipaga. ³⁵ Eze kab me van mpam nda Taa nde,van onkar nda Maa nde, van onkar ndo oki ende onkar. ³⁶ Amben ewur kazawa kavar a familia ende. ³⁷ Wur palang Taa nde to Maa nde nganding me, pale wur eme be. ³⁸ Wur ngele apevey kulunsi ende be, ngele ape ndab be, nda pelen leza van me be. ³⁹ wur nga keb moy ende ka virsa nde za; wur ka virsa moy ende itsen lame, kava nde za. ⁴⁰ Wur nga yam no, ame ngiam me mpi; ke wur nga ngiam me, ame yam mpi wur nge nsegne me. ⁴¹ Wur me yam mbikur Enzama itsen ndale mbikur e Nzama, kavey nde lifuti papawa a mbikur e Nzama; ke wur kayam wur ensa itsen la na ende, kavey nde lifuti papawa avar pakie nsa. ⁴² Me ntakab no dji-dji: wur ngapa ata ikop ivey ampio longoki ende emwatuk ngele mfun be,itsen wur za ale longoki eme,kavey nde omf're ende.