¹ Ntang nge tib Yezu eshuong ni ti Alongoki ende djum lipe, melim nde itsen leka lelong eshuong e Nzama lawaa apemben. ² Ntang Jang-Batisi me zande lolok, me zuk nde avar etib leshuong ngeyi Yezu ekie, mpi me tsigne nde Alongoki. ³ Itsen leke yul Yezu wa mugne:Keti yole wur ngiza, to so fetel ledul wur inki? ⁴ Yezu makal ndamugne: kakab no Jang eshuong kakin nge zuk no ti nge yen no. ⁵ Bifwa-meso wa yen diak,ankaar atar, ankrati azuk, avar mewa, wa futumuk, ansukami azuk nsang ewuo. ⁶ Kiese lawur ngele etum epepe be itsen lame! ⁷ Alongoki e Jang etsegne wa, ntang me kien wa, Yezu me yul nde avar ngeyi lokani, itsen la Jang ndamugne: ntang nge kien wa leboo edzel le kiang Jang, eyino ebansa no kayen no nge? ekey panik lawul? ⁸ Eke kiang no nge? wur ngeni ameluar alam awuo? kansi avar palwar otin ngeni, pazing wa lemv'le Antotil. ⁹ Ekekiang no ni,mbikur? E, me ntakab no ke nda meleng mbikur. ¹⁰ Itsen Jang ale wur nge tib otib onkan e Nzama nda mugne: ngena ntumwa me tsigne me losu eyia lalopung mbok". ¹¹ Me ntakab no dji-dji: lavar me butuk ana leboo, ata nsa wur me ling Jang-Batisi be. Kansi wur ngele mfun iv're be leti avar konso, lok'mu e Nzama, nda me ling Jang-Batisi lamfun. ¹² Bagne ngeyi Jang-Batisi elong tii lwana, pa nwanisa wa ok'mu e Nzama, avar apwa pamek wa ledjur za. ¹³ Ambikur kanso tii enkan ensik e Moyize etib za lok'mu tii lentang ngekie Jang otshia ende. ¹⁴ Ozuk no lang no leyir eshuong na, Jang ale Elia nge tib wa mugne ka zande. ¹⁵ Wur ngele lati lezuk nda zuk. ¹⁶ "Kasiyi me avar antang nge na la ni? wale nse avan ngele laka avar olal. Avan amwa etib wamwa. ¹⁷ So mabier no mizik kansi notekin no be! so me sog alim angi, kansi no telien no be! ¹⁸ Jang pa zende, patun nde lelia itsen lesam Nzama, elende vaan ape nwa be; avar patib wa mugne: ndale lompar. ¹⁹ Kansi van wur ameza, palande, pamwande, ke wa mugne: kiang no wur na; otshiende kele nwa vinu ti lela, ndale mpi ewur akalak ampak ti avar abifu ipwa. Kansi ayel a Nzama e monika dji-dji letshia za. ²⁰ Ntang ni, Yezu me bagna nde lengang avar lawaa ngeyi ndekie bikamwisi, itsen wa teshuong etum be. ²¹ Metib nda mugne:" ngi lewano avar awaa korazin! Ngi lano avar a Betsaida! itsen bidim nge yen no lawano, ozuk avar a Tire ti Sidoni ake yen za, nga letan, ilwa wa asak, ibing wa of're etshia ledzung itsen lelak ke wa me shwom etum. ²² Kansi me ntakab no otin na eshu nga sambisa Nzama avar,ndol avar a Tire ti a Sidoni kazawa itsi, kansi ndol eno kazawa olal. ²³ No avar a Kapernaum, no banza na mugne Nzama katombul nde no tii ledzuk? Be, katom nde no le bilung! Itsen bidim nge yen no lewaa no, keyi avar a Sidoni ayen za, nga waa ngeni ile tii lwan.! ²⁴ Kansi me ntakab no, leshu za nga sambisa Nzama avar, ndol avar a Sidoni kaza-za itsi, kansi ndol ewa kaza-za olal!" ²⁵ Ntang ni, Yezu nda mugne:" Taa, yia nk'mu e dzuk ti e boo, me ntopa mersi,itsen eshuong nge leyia mewum lewaa angayel ti nge metang, yo me kab za lewaa avar nge tatang be. ²⁶ Mbwa, Taa, ekieya otin ni itsen ekopa yia kiese lekie za. ²⁷ Taa me amenkab kakin, nsa wur ngeyia van be. Ke Taa ngoyia nde. Nsa wur nge yia Taa be, ke van, ti avar me lang van loyia nde. ²⁸ Zak no wame,no ngele ngaliegne, itsen no evar odzur enen, ke me kapa me no ntang lepem. ²⁹ Vey no odzur eme, var no za, zaano Alongoki eme itsen me nde wur edju, otum ewuo, ke no kyieno lepem. ³⁰ Odzur kapa me no mpile osay iv're levar be, itsen za odzur iv're be.