¹ Obia sambisa no avar amwa, otin ni Nzama apo sambisa no be. ² Itsen, otin nge sambisa no avar emwa, Nzama mpi nde no otin keni, mpil pakieno lale siy avar amwa, Nzama mpi kasdil za la siy no. ³ Itsen lange ngeyen yia kef'yi ngele ledzeyi otung, kansi osung enen ngele lev'yi eyia be? ⁴ Ozuk be, otin nge katib yotung: zak molim ekeye ledzen, kansi ya nga za ole yekey enen lev'yi? ⁵ Yia wur nga luvun, osu lim osung enen ledzeyi eyia, lembeyi, kayen yia nsa-nsa ekeye ngalim yia lev'yi otung. ⁶ "Eme ngele e santu, ope kuwu opano amva be, ozuk be, kazung wa no nke, ka bag wano ledzen; obia bung no mayak eno lental angwil, ozuk be kaner wa za". ⁷ kob no leling ngele no na ya mfun, mpi Nzama kapande noza; kob no keleling ngele no ya mfun, mpi kayen no za; kob no lebier lefuk,mpi nzam kadub nde. Konso wur pawing ngele nde wa mfun, kavey nde za; ⁸ Konso wur paling nge lende laza mfun, kayen nde za; konso wur pabier lefuk, Nzama kodub nde za. ⁹ Leti eno, ozuk yole Taa, ke van yia oling mampa, keti kopaya nde itar? ¹⁰ To ozuk ndoling nse evey, keti kopaya nde osoo? ¹¹ Ke no avar apwa, ozuk eyiano lepa makab ensa lewa avan ano, yieno ke Taa no ledzuk kapande mbwa abim ansa lavar ngapo wigne kaka nde. ¹² "Kiel no avar amwa eshuong konso nge lang no, wa kiel mpi no, itsen ansik e Moyize ti malong ambikur palong wa otin ngeni". ¹³ "Sweno lefuk itshi. Itsen ile ti efuk enen ti mbok enen nge patwa avar bilung, alal avar palab wa mbok za. ¹⁴ Kansi efuk ti mbok nge patwa avar lemoy ile mbwa itshi, ke ndam avar nge payen za". ¹⁵ Keb no lavar patib eshuong e luvun ledzen e Nzama; ozuk waban no, wa pazawa nse ameme,kansi letum wale nse amfi. ¹⁶ Kayie no wa leshuong pakiewa. Bivan esung otien epewur mbur e vinu be, pawur za mbur e fize mpi be. ¹⁷ Konso osung ewuo, pawur nde mbur iwuo, kansi osung kakin epwa pawur nde mbur ipwa. ¹⁸ Osung ewuo epe kuwu ewur mbur ipwa be, osung epwa epe len ewur mbur iwuo be. ¹⁹ Osung ngakwan lewur mbur iwuo, ko biak wa. ²⁰ Otin ngena, avar patib eshuong eluvun ledzen e Nzama, kayieno wa leshuong nge kiewa. ²¹ Mp'avar kanso pa mvi nk'mu kashie lok'mu e Nzama be, kansi avar pakie luzol e Taa me ledzuk, nde wa ngashwe lok'mu e Nzama. ²² Leshu ekwa, avar olal kangiul wa: nk'mu, nk'mu! Mpe so ngeyi yiapey nsang e Nzama ledzen iyia? Mpe so ngeyi ekab ampeve ipwa ledzen iyia? Mpe so ngeyi ekie bidim olal ledzen iyia? ²³ Ntang ni me kakab mewa mbon: me mpayieno oso be. Ile no avar pakie eshuong epwa, lim no lev'yi eme, mpayieno be. ²⁴ Eke, wur kanso nge mezuk kakin nge tib me ngena azuk elati nde za ndale nse ngayel ngetung evie ende ledzuk atar. ²⁵ Ntang ngemwa mvia ebir, vey meyu wa, wul ebir menig ya,kansi evl'e etekwabe, itsen ndake tung za ledzuk avi. ²⁶ Konso wur mezuk esshuong nge tib me ngena, ozuk atelab za be, ndale nse zob nge tung evl'e ende ledzuk ezel. ²⁷ Ntang menwa mvia ebir, vey meyuza,mupepe ebir, me vum za evl'e le boo. ²⁸ Ntang Yezu me may nde lelong, avar eyituk wa otin nge long nde, ²⁹ Itsen payinde elong nse along ensik be, kansi eyiande elong ti kiyek kakin.